Кени ван Хумел

Од Википедија — слободната енциклопедија
Кени ван Хумел
Ван Хумел на Енеко Тур 2008.
Лични податоци
Цело имеКени Роберт ван Хумел
ПрекарКамиказа Кени
Роден30 септември 1982(1982-09-30) (41 г.)
Елден,  Холандија
Висина1,76 м
Маса64 кг
Податоци за клубот
Мом. клубпензиониран
Дисциплинадрумски велосипедизам
Улогавозач
Вид на возачспринтер
Аматерски клубови
2002–2003
2004
2005 		Рабобанк ТТ3
Ван Хемерт-Јурогифтс
Eurogifts.com
Професионални клубови
2006–2011
2012–2013
2014 		Скил-Шимано
Вакансолел-ДКМ
Андрони Џокатоли-Венецуела

Кени Роберт ван Хумел (холандски: Kenny Robert van Hummel; р. 26 септември 1982 во Елден, Гелдерланд) — поранешен холандски професионален друмски велосипедист, специјализиран за спринтерски завршници, кој возел во периодот од 2006 до 2014 година. Завршил во професионалната континетална екипа ГВ Шимано-Сидермек,[1] и живее во Дрил, пред тоа преселувајќи се од Елден.[2][3] Се повлекол од велосипедизмот во ноември 2014 година.[4]

Кариера[уреди | уреди извор]

Ван Хумел започнал со велосипедски трки на седумгодишна возраст и една година подоцна станал член на велосипедскиот клуб „Де Аделар“ во Апелдорн. Имал успешна младинска кариера и во 1998 се придружил на младионскиот клуб Рабобанк. Започнал со друмски и велодромски трки. Во 2000, неговата втора година како јуниор, завршил четврти на Светското велодромско првенство за младинци.

Во 2004, Ван Хумел ја променил екипата за Ван Хемерт-Јурогифтс. Ван Хумел го освоил спринтот на ЗЛМ Тур и станал втор во државното првенство за еспоарс. Една година подоцна, Ван Хумел го освоил холандското друмско првенство за велосипедисти без професионален договор и победил на пет критериума.

Во 2006, Ван Хумел станал професионален велосипедист за Скил-Шимано. Таа година стигнал на подиумот на етапите од Трката околу Белгија и Енеко Тур и ја освоил Трката околу Северна Холандија, која завршила со спринт.

2009 била успешна година за Ван Хумел, особено месец мај. Освоил пет трки, Профронде ван Фрислан, Венделан-Венделан, Тур де Рајк и етапа на Четири дена Динкерк и потврдил дека може да победи во спринтови како професионалец. Станал водач во Европската турнеја на UCI 2008-2009.[5] На националното друмско првенство, Ван Хумел се натпреварувал цел ден за победи. Кос Муренхаут побегнал на крајот, но Ван Хумел завршил втор со освојување на спринтот.[6]

Ван Хумел бил избран да се придружи на Тур де Франс 2009, откако неговата екипа Скил-Шимано добила покана. Ван Хумел бил првиот, кој заминал на хронометар во првата етапа и го завршил хронометарот со второ најлошо време. По шестата етапа, Ван Хумел бил на последното место. Во наредните планински етапи, Ван Хумел не можел да се одржува со другите велосипедисти и завршувал меѓу последните велосипедисти секој ден, понекогаш возел десетици километри сам, со големо задоцнување за другите велосипедисти. Неговите потешкотии биле зголемени од фактот дека неговата екипа не можела да му посвети поддршка (како што вообичаено се прави за другите спринтери, како Марк Кевендиш), како што не можеле да си го дозволат ризикот, двајца возачи да бидат дисквалификувани. Неговата дневна борба против временската граница и неговиот позитивен став го направиле популарен велосипедист во Холандија. На 17. етапа паднал и ја напуштил трката поради неговите повреди.

По планинските етапи, францускиот весник L'Équipe го именувал Ван Хумел „најлош искачувач некогаш“ на Тур де Франс. Весникот вели дека не се случило претходно, истиот велосипедист да заврши последен на секоја планинска етапа.[7] Тоа што тие не го рекле, дека некои други возачи не ни завршиле во текот на Трката, поради тешките планински етапи.

Ван Хумел се придружил на Вакансолел-ДКМ за сезоната 2012, потпишувајќи двегодишен договор.[8]

Ван Хумел се приклучил на Андрони Џокатоли-Венецуела за сезоната 2014, откако неговата претходна екипа, Вакансолел-ДКМ[9], се распаднал на крајот на сезоната 2013.[1]

Достигнувања[уреди | уреди извор]

2006
3. Национални велодромски првенства - Медисон со Арт Вирхутен)
2007
1. Трка околу Северна Холандија
2008
4. Дач Фуд Вали Класик
10. Париз-Брисел
2009
1. Профронде ван Оверајсел
1. Етапа 1 Четири дена Динкерк
1. Батавус Про Рејс
1. Венендал-Венендал
1. Тур де Рајк
1. Трка околу Дренте
2. Гроте Шелдепрајс
2. Трка околу Северна Холандија
2. Холандско национално друмско првенство
2010
1. Трка околу Хајнан
1. Етапа 4
1. Етапа 5
1. Етапа 7
1. Етапа 8 (поништен резултат [10])
1. Етапа 9
1. Етапа 1 Тур де Пикарди
1. Етапа 2 Трка околу Белгија
2011
1. Краен пласман Трка околу Дренте
1. Етапа 1
1. Етапа 2
1. Етапа 8 Трка околу Турција
1. Меморијал Рик ван Стенберген
Трка околу Хајнан
1. Етапа 6
1. Етапа 7
1. Етапа 9
2. Тур де Рајк
2012
1. Етапа 2 Тур де Пикарди
3. Курне-Брисел-Курне
2013
2. Краен пласман Арктичка трка на Норвешка
1. Етапа 1
2. Класик Хандзаме
3. Краен пласман Тур де Пикарди
3. Делта Тур Зеланд
3. Дач Фуд Вали Класик
5. Омлоп ван хет Хутланд
2014
1. Етапа 6 Тур де Лангкави
1. Етапа 1 Тур д’Азербејџан
4. Гран при де Денен
8. Класик Волта Лимбург

Распоред на резултатите на големите трки[уреди | уреди извор]

Голема трка 2009 2010 2011 2012 2013 2014
Џиро — — — — — —
Тур СО — — СО — —
Вуелта — — — — — —

СО = се откажал

Наводи[уреди | уреди извор]

  1. ↑ 1,0 1,1 Бен, Хосе (20 ноември 2013). „Кени ван Хумел ќе вози со Андрони-Венецуела во 2014“. Cyclingnews.com. Future plc. Посетено на 24 декември 2013.
  2. ↑ „Kenny van Hummel Tweede“. Архивирано од изворникот на 2009-07-28. Посетено на 2012-04-02.
  3. ↑ „Кени ван Хумел“. Архивирано од изворникот на 2011-07-24. Посетено на 2012-04-02.
  4. ↑ http://www.cyclingnews.com/news/van-hummel-announces-retirement
  5. ↑ Европска турнеја на UCI: Ван Хумел сè уште во водство Архивирано на 28 септември 2011 г. UCI, 3 јули 2009
  6. ↑ (холандски) Moerenhout Nederlands Kampioen Wielrennen
  7. ↑ 'Van Hummel slechtste klimmer ooit' De Telegraaf, 23 јули 2009
  8. ↑ Бенсон, Даниел (1 август 2011). „Кени ван Хумел потпиша за Вакенсолел“. Cycling News. Посетено на 4 август 2011.
  9. ↑ „Вакансолел-ДКМ Про Сајклинг Тим (VCD) – NED“. Светска турнеја на UCI. Меѓународен велосипедистички сојуз. Архивирано од изворникот на 2013-12-24. Посетено на 16 јануари 2013.
  10. ↑ http://www.cyclingnews.com/races/tour-of-hainan-2-hc-1/stage-8/results

Надворешни врски[уреди | уреди извор]

Преземено од „https://mk.wikipedia.org/w/index.php?title=Кени_ван_Хумел&oldid=5191608“