КелКел
КелКел — младинско движење во Киргистан кое стекнало одредено влијание за време на Револуцијата на лалињата во март 2005 година, која кулминирала со соборувањето на претседателот Аскар Акаев.[1][2] На киргиски, КелКел значи ренесанса.[3]
Во многу од посткомунистичките револуции, младинските групи биле во првите редови на протестите. Најпозната од нив била Отпор!, движењето на младите што помогнало да се собори Слободан Милошевиќ во Србија. Во Грузија движењето било наречено Кмара. Во Украинската Портокалова револуција, движењето функционирало под слоганот „ПОРА“ - „Време е“; КелКел се базира на овие движења.[3]
Во обид да се создаде конфузија, била формирана ривалска група, веројатно од поддржувачи на претседателот Акаев. Оваа група исто така била наречена КелКел и го користела истото жолто лого како и оригиналната група. Ривалската КелКел исчезнала по револуцијата од 24 март 2005 година. Денес, КелКел е регистрирана младинска организација - „КелКел: граѓанско младинско движење“ - која има за цел да биде активен, но непартиски дел од граѓанското општество и учесник во јавната дебата и стратешките дискусии.
Наводи
[уреди | уреди извор]- ↑ „Kygyzstan: Youth Leader Speaks About Opposition Organization's Intentions“. RadioFreeEurope/RadioLiberty (англиски). Посетено на 2022-11-22.
- ↑ Khamidov, Alisher (2006). „Kyrgyzstan's Revolutionary Youth: Between State and Opposition“. The SAIS Review of International Affairs. 26 (2): 85–93. ISSN 1945-4716.
- 1 2 Pelkmans, Mathijs (2017), „Notes“, Fragile Conviction, Changing Ideological Landscapes in Urban Kyrgyzstan (1. изд.), Cornell University Press: 185–194, doi:10.7591/j.ctt1n7qjmt.14, Посетено на 2022-11-22