Кватемок

Биста на Кватемок во Мексико сити

Кватемок бил ацтечки владетел на Теночтитлан од 1520 до 1521 година, што го прави последен цар на Ацтеките. Името Кватемок значи „оној што се спушта како орел“, а на англиски обично се преведува како „орел во симнување“, како во моментот кога орелот ги собира крилјата и се спушта да го удри пленот. Тоа е име што подразбира агресивност и решителност.

Кватемок ја презел власта во 1520 година како наследник на Квитлавак и бил братучед на покојниот император Монтезума II. Неговата млада сопруга, која подоцна била позната како Изабела Монтезума, била една од ќерките на Монтезума. Тој се качил на тронот кога имал околу 25 години, додека Теночтитлан бил под опсада на Шпанците и бил уништен од епидемија на сипаници што конквистадорите ја донеле во Новиот свет. По масакарот во Големиот храм, останале само неколку ацтечки благородници кои можеле да ја заземат таа позиција. Бил погубен во 1525 година по наредба на конквистадорот Е. Кортес.