Катафиги (Солунско)

Од Википедија — слободната енциклопедија
Прејди на прегледникот Прејди на пребарувањето
Катафиги
Καταφύγι
Катафиги is located in Грција
Катафиги
Катафиги
Местоположба во областа
Катафиги is located in Гида (општина)
Катафиги
Местоположба на Катафиги во општината Гида и областа Централна Македонија
Координати: 40°39′N 22°24′E / 40.650° N; 22.400° E / 40.650; 22.400Координати: 40°39′N 22°24′E / 40.650° N; 22.400° E / 40.650; 22.400
ЗемјаГрција
ОбластЦентрална Македонија
ОкругИматија
ОпштинаГида
Надм. вис.&100000000000000030000003 м
Часовен појасEET (UTC+2)
 • Лете (DST)EEST (UTC+3)

Катафиги (грчки: Καταφύγι , книжевно: Καταφύγιον, Катафигион) — поранешно село во Солунско, Егејска Македонија, дел од денешната Општина Гида, во Централна Македонија, Грција.

Географија и местоположба[уреди | уреди извор]

Селото се наоѓало на јужниот брег на некогашното Ениџевардарско Езеро, два километри североисточно од селото Ниси, во чиј атар и влегувало, на надморска височина од 3 метри.[1]

Сместено е во областа Урумлак.

Историја[уреди | уреди извор]

Селото не било споменато од К’нчов и од Бранкоф, но најверојатно се работело за населба со грчко население.[1]

Во 1912 година, Катафиги било гркојазично христијанско село. Било напуштено во 1920-тите години.[2] Неговите жители го напуштиле и се преселиле во соседното село Ниси.

Население[уреди | уреди извор]

Александар Синве („Les Grecs de l’Empire Ottoman. Etude Statistique et Ethnographique“) во 1878 година напишал дека во Катафијон (Katafiyon), Камбанијска епархија, живееле 60 Грци.[3]

Во пописот од 1913 година било забележано со 48, а во 1920 година само со 9 жители. Малку подоцна, селото целосно се распаднало, а неговите жители се преселиле во Ниси.[1]

Наводи[уреди | уреди извор]

  1. 1,0 1,1 1,2 Симовски, Тодор (1998). „Берски округ“. Населените места во Егејска Македонија : географски, етнички и стопански карактеристики. I. Скопје: Институт за национална историја. стр. 13.
  2. Δημήτρης Λιθοξόου. Πληθυσμός και οικισμοί της περιοχής Βέροιας 1886 - 1927 (διοικητικά όρια 1911)
  3. Synvet, A. Les Grecs de l'Empire ottoman: Etude statistique et ethnographique, Constantinople, 1878, р. 38.