Карло II (надвојвода од Австрија)

Од Википедија — слободната енциклопедија
Прејди на прегледникот Прејди на пребарувањето
Карло II
Anonym Erzherzog Karl II.jpg
Надвојвода од Австрија
На престол 25 јули 1564 – 10 јули 1590
Претходник Фердинанд I
Наследник Фердинанд II
Сопружник Марија Ана Баварска
Деца
# Фердинанд
  1. Ана
  2. Марија Христина
  3. Катарина Рената
  4. Елизабета
  5. Фердинанд II
    1. Ана Марија Баварска
    2. Елеонора Гонзага
  6. Карло (1579 - 1580)
  7. Грегор Максимилијан
  8. Елеонора
  9. Максимилијан Ернест
  10. Маргарета
  11. Леополд V Фердинанд
  12. Констанца Австриска (1588 - 1631)
  13. Марија Магдалена
  14. Карл Јозеф
Династија Хабсбуршка династија
Татко Фердинанд I
Мајка Ана Јагелонска
Роден(а) 3 јуни 1540
Виена, Австрија
Починал(а) 10 јули 1590(1590-07-10) (воз. 50 г.)
Грац, Австрија

Карло II (германски: Karl II Franz von Innerösterreich, роден на 3 јуни 1540 во Виена - починал на 10 јули 1590 во Грац) — владетел од Хабсбуршката династија како војвода од Штаерска, војвода од Корушка и војвода од Крањска во периодот од 25 јули 1564 до 10 јули 1590 година.

Рани години[уреди | уреди извор]

Карло потекнувал од Хабсбуршката династија и бил третиот син на римско-германскиот крал и цар Фердинанд I (1503 - 1564) и неговата сопруга Ана Јагелонска (1503 - 1547), која починала кога тој имал шест години.

Карло патувал како млад низ Светото Римско Царство, Италија и Шпанија. Неговиот татко ги поделил хабсбуршките територии на неговите синови. Најголемиот брат Максимилијан II ја добил само круната на Бохемија и Унгарија и војводствата во Долна Австрија, Фердинанд II ја добил Горна Австрија (со Тирол), додека најмалиот Карло, 12-то дете од 15-те деца ги добил Војводство Штаерска, Војводство Корушка, Војводство Крањска и Горица. Сите синови станале војводи на сите наследни територии на својот татко.

Во 1559 година и повторно од 1564-1568 имало преговори за брак меѓу Карло и Елизабета I, кралица на Англија, но кралицата Елизабета одлучила дека нема да се ожени со престолонаследникот бидејќи религијата претставувала главна пречка[1]. Во 1563 година, Карло исто така бил кандидат на Марија Стјуарт, Кралица на Шкотите.

Управување[уреди | уреди извор]

На 24 години, во 1564 година непосредно пред смртта на неговиот татко Фердинанд, Карло заминал кон наследените територии и започнал да владее.

За разлика од својот брат, царот Максимилијан II, Карло II бил религиозен католик и ја промовирал Контра-реформацијата. Како католик, тој ги повикал Исусовците во земјата[2]. Сепак, во 1572 година, тој морал да направи значителни верски отстапки во неговите територии. Во пракса, ова резултирало со толеранција кон протестантизмот.

Поради турските војни тој ја основал во 1579 година тврдината Карловац, според кој е наречен и денешниот град во Хрватска. Во Грац, Карло основал универзитет кој го добил името Карл-Франценс.

Карло е познат по тоа што помагал на науката и уметноста, особено на композиторот Орландо ди Ласо.

Семејство[уреди | уреди извор]

Карло се оженил на 26 август 1571 година за својата баварска внука принцеза Марија Ана Баварска (1551 - 1608), ќерка на војводата Албрехт V од Баварија и Ана Австриска, втората ќерка на царот Фердинанд I. Двајцата имале 15 деца:

  1. Фердинанд
  2. Ана
  3. Марија Христина
  4. Катарина Рената
  5. Елизабета
  6. Фердинанд II
    1. Ана Марија Баварска
    2. Елеонора Гонзага
  7. Карло (1579 - 1580)
  8. Грегор Максимилијан
  9. Елеонора
  10. Максимилијан Ернест
  11. Маргарета
  12. Леополд V Фердинанд
  13. Констанца Австриска (1588 - 1631)
  14. Марија Магдалена
  15. Карл Јозеф

Наводи[уреди | уреди извор]

  1. Doran pp.73–98
  2. Arno Herzig: Die Rekatholisierung in den deutschen Territorien im 16. und 17. Jahrhundert. In: Geschichte und Gesellschaft. 26, 2000 S.80 – 82

Надворешни врски[уреди | уреди извор]

  • Doran, Susan (1996). Monarchy and Matrimony: The Courtships of Elizabeth I. Routledge. 
Карло II (надвојвода од Австрија)
Роден(а): 3 јуни 1540 Починал(а): 10 јули 1590
Владејачки титули
Претходник
Фердинанд I
Надвојвода од Австрија
1564–1590
Наследник
Фердинанд II