Кара Махмутли

Од Википедија — слободната енциклопедија
Прејди на прегледникот Прејди на пребарувањето
Кара Махмутли
Μαυροπλαγιά
Кара Махмутли is located in Грција
Кара Махмутли
Кара Махмутли
Местоположба во областа
Кара Махмутли is located in Кукуш (општина)
Кара Махмутли
Местоположба на Кара Махмутли во Општина Кукуш и областа Централна Македонија
Координати: 41°10′N 22°53′E / 41.167° СГШ; 22.883° ИГД / 41.167; 22.883Координати: 41°10′N 22°53′E / 41.167° СГШ; 22.883° ИГД / 41.167; 22.883
ЗемјаГрција
ОбластЦентрална Македонија
ОкругКукушки округ
ОпштинаКукуш
Општ. единицаКукуш
Надм. вис.&10000000000000417000000417 м
Население (2001)[1]
 • Вкупно73
Часовен појасEET (UTC+2)
 • Лете (DST)EEST (UTC+3)

Кара Махмутли (грчки: Μαυροπλαγιά, Мавроплагија, до 1926 Καρά Μαμουτλή, Кара Мамутли)[2] — село во Општина Кукуш во Кукушки округ, Егејска Македонија, денес во областа Централна Македонија, Грција.

Географиja и местоположба[уреди | уреди извор]

Селото се наоѓа на 13 километри североисточно од градот Кукуш (Килкис), на неколку километри од грчко-македонската граница, во близина на североисточниот брег на Дојранското Езеро на планината Круша. Селото се наоѓа на надморска височина од 417 метри.

Кара Махмутли опфаќа површина од 14 квадратни метри[3].

Историја[уреди | уреди извор]

Во „Етнографија на Адријанопол, Монастир и Салоника“ , издадена во Цариград во 1878 година и статистиката на машкото население од 1873, Кара Махмутли се состоело од 12 семејства и 35 жители муслимани[4]Според статистиката на Васил К’нчов („Македонија. Етнографија и статистика“) во 1900 година Кара Махмутли имало 120 жители муслимани[5].

Во текот на Балканските војни, селото било опожарено од страна на грчките војски.

По крајот на Балканските војни, селото било вклучено во составот на Грција. На пописот од 1913 година, во селото биле евидентирани 81 жител, додека во 1920 година 81 жител Турци. Според Лозанскиот договор, во селото било населено грчко население од Мала Азија, Источна Тракија и Понд, додека од селото се иселиле муслиманските жители[3]. Во 1926 година, селото било прекрстено во Мавроплагија.[6]

Демографија[уреди | уреди извор]

Во 1928 година селото било чисто бегалско со 179 жители бегалци.[7], додека во 1940 година селото броело 149 жители. Селото во пописот од 1951 година броело 215 жители, на пописот од 1961 година, во селото живееле 219 жители, во 1971 година имало 169 жители, во 1981 година имало 151 жител, додека во 1991 година имало 148 жители[8]. Денеска, населението на селото е 73 жители според пописот од 2001 година.

Еве преглед на населението во сите пописни години, од 1940 г. до денес:

Година 1940 1951 1961 1971 1981 1991 2001 2011
Население 149 215 219 169 151 148 73 /
Извор за 1940-1991 г.: Т. Симовски, Населените места во Егејска Македонија

Наводи[уреди | уреди извор]