Караѓорѓе Петровиќ

Караѓорѓе Петровиќ Đorđe Petrović Karađorđe
Вожд на Србија
На престол	14 февруари 1804 – 21 септември 1813
Претходник	Прво српско востание нема
Наследник	Второ српско востание Милош Обреновиќ
Придружник	Јелена Јовановиќ
Деца	Александар Караѓорѓевиќ
Династија	Династија Караѓорѓевиќи
Вероисповед	православие

Караѓорге Петровиќ (српски: Ђорђе Петровић, Карађорђе или Đorđe Petrović, Karađorđe) бил српски вожд и основоположник на Династија Караѓорѓевиќи од Србија.

Биографија

Битка кај Мишар

Најверојатно е роден на 16 ноември 1762 година во Вишевац, денешна Србија. Тој бил водач на Првото српско востание, кое било насочено против Османлиското Царство. Во 1814 година во Букурешт бил потпишан договор според кој на српскиот народ требало да му се даде автономија. Но, договорот никогаш не бил спроведен во дело. Така, во 1813 година, востанието било задушено и повторно била воспоставена целосна османлиска власт.

Оваа востание претходело на т.н. Второ српско востание кое избувнало во 1815 година, кое придонело до создавање на модерна Србија. Во 1817 година, од соседната Австроунгарија Караѓорѓе дошол во Србија, каде се сретнал со Милош Обреновиќ и се договориле заедно да дејствуваат. Сепак, кнезот Милош не си го одржал зборот, па наредил тој да биде убиен во ноќта помеѓу 13 и 14 јули 1817 година во селото Радоване, Смедеревско. Така, по создавањето на државата започнало и соперништвото помеѓу двата српски востаници околу тоа кој да го заземе српскиот престол.

Караѓорѓе како тема во уметноста

• „Посветувањето на Црниот Ѓорѓе“ (српски: Посвећивање Црнога Ђорђа) - песна на српскиот поет Васко Попа.
• „Црниот Ѓорѓе“ (српски: Црни Ђорђа) - песна на српскиот поет Васко Попа.
• „Смртта на Црниот Ѓорѓе“ (српски: Смрт Црнога Ђорђа) - песна на српскиот поет Васко Попа.
• „На ќерката на Караѓорѓе“ — песна на рускиот поет Александар Пушкин.
• „Песна за Црниот Ѓорѓе“ — песна на Пушкин од 1834 година.