Канон (музички инструмент)

Канон

Tипичен турски канун Tипичен турски канун
Класификација
жичени инструменти цитра
Сродни инструменти
кото гуџенг цитра

Канон или канун (персиски: قانون‎ qānūn ; грчки: κανονάκι, множина κανονάκια; ерменски: քանոն k’anon; арапски: قانون qānūn, множина قوانين‎ qawānīn; азерски и турски: kanun; qanún или kanun) — жичен инструмент, еден вид псалтер, со правилен трапезоиден корпус. Најчесто се изработува од јаворово дрво. Трапезоидниот корпус на канонот е затворен со штичка од смрека и козја кожа. Над козјата кожа е поставен потпирач (магаренце) за жиците, потпрен на четири места. Над кожата е смрековата штичка, како покривачи на корпусот, се затегнуваат од 24 до 27 црвени жици, групирани по три и штимувани унисон. Звукот се произведува со удирање по жиците со метални напрстоци во кои се вденати целулоидни плекрони, углавени на прстите на левата и десната рака. Секоја октава кај Арапите се именува со зборот „дар“. Дијапазонот на инструментот варира меѓу две и три октави. Канонот е виртуозен инструмент и како таков го среќаваме и како солистички инструмент. Како ансамблов инструмент го среќаваме во чалгиските ансамбли.

Во Македонија

Канонот е пренесен во Македонија од турските патувачки чалгаџиски групи. Во Македонија се користи арапскиот канон.