Камен на Битието
Каменот на Битието (примерок 15415) е примерок од месечев камен земен од страна на астронаутите од Аполо 15, Џејмс Ирвин и Дејвид Скот во 1971 година за време на втората месечева ЕВА, од Спар кратерот. Тежок е околу. 270 грама,[1] и моментално се чува во Лабораториската Постројка за Примероци од Месечината во Хјустон, Тексас.
Камен[уреди | уреди извор]
Хемиската анализа на Каменот на Битието покажала дека станува збор за анортозит, составен претежно од еден вид плагиоклазен фелдспат познат како анортит. Каменот е формиран во раните фази на Сончевиот Систем, пред најмалку 4 милијарди години.[2]
Првично се мислело дека пронашле парче од првобитната кора на Месечината, но подоцнежната анализа покажала дека каменот е стар само 4,1 ± 0,1 милијарди години, што значи дека е помлад од самата Месечина, а настанал откако кората на Месечината се стврднала. Сепак се работи за исклучително стар примерок, формиран за време на преднектарискиот период од минатото на Месечината. Утврдувањето на староста преку самариум-неодиум изотопите на пироксените од други примероци на месечев анортозит се утврдило дека кристализацијата се случила пред 4,46 милијарди години.[3]
Поврзано[уреди | уреди извор]
Наводи[уреди | уреди извор]
- ↑ [1]
- ↑ Apollo 15 samples overview Lunar and Planetary Institute
- ↑ Norman, M. D., Borg, L. E., Nyquist, L. E., and Bogard, D. D. (2003) Chronology, geochemistry, and petrology of a ferroan noritic anorthosite clast from Descartes breccia 67215: Clues to the age, origin, structure, and impact history of the lunar crust, Meteoritics and Planetary Science, vol 38, p. 645-661 Summary
Надворешни врски[уреди | уреди извор]
- Месечев и Планетарен Институт - Аполо 15
- НАСА - Аполо 15
- Откривање на Каменот на Битието (Од Apollo Lunar Surface Journal)
- Астронаутот Скот го испитува Каменот на Битието. ( слика )
- Преглед на примероците собрани од Аполо 15. (Каменот на Битието е примерок број 15415 и е опишан, но не е наведен според неговиот број.)
- Опис на примерокот 15415 (Месечев и Планетарен Институт)
