Камбрески договор
_22x17_Inv.1013.jpg)
Камбрескиот договор, познат и како Paz de las Damas или Paix des Dames („Мирот на дамите“), бил договор склучен на 3 август 1529 година со кој завршила француската вмешаност во војната на Коњачката лига помеѓу францускиот крал Франсоа I и шпанскиот хабсбуршки император Карло V. Договорот привремено ја потврдил шпанската (хабсбуршка) хегемонија во Миланското Војводство и во Јужна Италија.[1]
Мирот бил договорен и потпишан во Камбре од две дами: Маргарита Австриска - застапувајќи го царот Карло и Луиза Савојска - застапувајќи го кралот Франсоа.
Договорот го обновил Мадридскиот договор (1526), освен што не барал предавање на Бургундија на Карло.
Позадина
[уреди | уреди извор]Камбрескиот мир му ставил крај на француското учество во војната на Коњачката лигата, која траела од 1526 година. Потпишан бил во градот Камбре, центарот на кнежевството-епископија во Холандија (денешниот француски департман Норд).
Овој договор се нарекувал и „Дамски мир" бидејќи жените одиграле важна улога во неговата подготовка: мајката на Франсоа I, Луиза Савојска, и тетката на императорот, Маргарита Австриска.[2] Тие ги претставувале двата монарси во преговорите, а голема улога во ова достигнување имала и Маргарита Наварска.[3]
Услови
[уреди | уреди извор]Според условите на мирот потпишан во Камбре, Франсоа се откажал од своите претензии за италијанските земји, Артоа и Фландрија, но ја задржал Бургундија, која Карло V ја напуштил. Договорот предвидувал враќање на Дофин Франсоа и принцот Хенри, идниот Хенри II, во Франција во замена за откуп од 2 милиони еку. Франсоа I ја потврдил својата согласност да се ожени со сестрата на Карло, Елеонора Австриска, со која и се оженил на 7 јули 1530 година.[4]
Ефекти
[уреди | уреди извор]Камбрескиот договор заедно со Барселонскиот договор (помеѓу императорот и папата), кој бил склучен во јуни,[5] значел распаѓање на Коњачката лига; само Фиренца продолжила да се бори против Карло, што завршило со опсада и предавање на Фиренца во 1530 година. Сепак, условите за мир не го задоволиле Франсоа кој во 1536 година започнал нов конфликт помеѓу Франција и Хабсбуршката империја.
Наводи
[уреди | уреди извор]- ↑ Encarta-encyclopedie Winkler Prins (1993–2002) s.v. "Margaretha [Nederlanden] § Margaretha van Oostenrijk". Microsoft Corporation/Het Spectrum.
- ↑ Frieda, Leonie (2004). Catherine de Medici: renaissance Queen of France. Weidenfeld & Nicolson.
- ↑ Wilson, Katharina M. (1987). Women Writers of the Renaissance and Reformation. Athens, GA: University of Georgia Press. стр. xxii. ISBN 9780820308654. Посетено на 16 February 2022.
- ↑ Leonie Frieda. Francis I: The Maker of Modern France
- ↑ Michael Mallet, Christine Shaw. The Italian Wars 1494–1559: War, State and Society in Early Modern Europe
Библиографија
[уреди | уреди извор]- Arfaioli, Maurizio. The Black Bands of Giovanni: Infantry and Diplomacy During the Italian Wars (1526–1528). Pisa: Pisa University Press, Edizioni Plus, 2005. ISBN 88-8492-231-3.
- Baumgartner, Frederic J. Louis XII. New York: St. Martin's Press, 1994. ISBN 0-312-12072-9.
- Black, Jeremy. "Dynasty Forged by Fire." MHQ: The Quarterly Journal of Military History 18, no. 3 (Spring 2006): 34–43. ISSN 1040-5992
- Blockmans, Wim. Emperor Charles V, 1500–1558. Translated by Isola van den Hoven-Vardon. New York: Oxford University Press, 2002. ISBN 0-340-73110-9
- Guicciardini, Francesco. The History of Italy. Translated by Sydney Alexander. Princeton: Princeton University Press, 1984. ISBN 0-691-00800-0.
- Hackett, Francis. Francis the First. Garden City, New York: Doubleday, Doran & Co., 1937.
- Taylor, Frederick Lewis. The Art of War in Italy, 1494–1529. Westport, Conn.: Greenwood Press, 1973. ISBN 0-8371-5025-6.