Кавалски Залив
| Кавалски Залив Κόλπος της Καβάλας | |
|---|---|
 | |
| Подрачје | Правишко, Кавалско и Саришабанско, Егејска Македонија |
| Координати | 40°53′N 24°28′E / 40.89°N 24.46°E |
| Вид | залив |
| Дел од | Егејско Море |
| Сливни земји | Грција |
| Најг. должина | 12 км |
| Најг. ширина | 28 км |
| Прос. длабочина | 32 м |
| Најг. длабочина | 60 м |
Кавалски Залив (грчки: Κόλπος της Καβάλας) — залив на Егејското Море во источна Егејска Македонија. Раздвоен е од т.н. Тракиско Море со островот Тасос. На неговиот брег излегуваат традиционалните краишта Правишко, Кавалско и Саришабанско.
Географија
[уреди | уреди извор]Заливот се протега од ’ртот Врасида на југозапад до ’ртот Керемидли на југоисток. Широк е 28 км и навлегува 12 км во правец на копното.[1] Има полукружен облик со благи подводни косини кои стануваат пострмни близу брегот. Просечната длабочина изнесува 32 м, а најголемата е 60 м во подрачјето западно од Тасос. Од тој остров одвоен е со Тасоскиот Проток, широк 13,5 км).[2]
Стопанска улога и екологија
[уреди | уреди извор]Градот Кавала е сместен приближно во средината на заливскиот брег. Западно од него се туристичките населби како Кале Чифлик и Нова Ираклица, а на исток има индустриски капацитети и земјоделски површини. Во источниот дел од заливот има и низа лагуни.[2] Загадувањето доаѓа од градскиот отпад на Кавала и други крејбрежни места, од земјоделството, од фабриката за фосфатни ѓубрива и од вадењето нафта.[3]
Наводи
[уреди | уреди извор]- ↑ Σταματελάτος, Μιχαήλ; Βάμβα-Σταματελάτου, Φωτεινή (2006). Γεωγραφικό Λεξικό της Ελλάδας. Αθήνα: Ερμής. стр. 278. ISBN 9603201332.
- 1 2 Sylaios, Georgios; Stamatis, Nikolaos; Kallianiotis, Argyris; Vidoris, Pavlos (2005). „Monitoring Water Quality and Assessment of Land-Based Nutrient Loadings and Cycling in Kavala Gulf“. Water Resources Management (англиски). 19 (6): 713–735. doi:10.1007/s11269-005-3020-y. ISSN 0920-4741.
- ↑ Stamatis, Nikolaos; Kamidis, Nikolaos; Sylaios, Georgios (10 јули 2006). „Sediment and Suspended Matter Lead Contamination in the Gulf of Kavala, Greece“. Environmental Monitoring and Assessment (англиски). 115 (1–3): 433–449. doi:10.1007/s10661-006-7238-9. ISSN 0167-6369.
Надворешни врски
[уреди | уреди извор]- Поморска карта на Кавалскиот Залив со неговите пристаништа Архивирано на 15 мај 2023 г. (грчки)
|