Ијан Матсен
| Ијан Матсен | |||
|---|---|---|---|
| Лични податоци | |||
| Полно име | Ијан Итан Матсен | ||
| Роден на | 10 март 2002 | ||
| Роден во | Влардинген, Холандија | ||
| Држава |
 Холандија | ||
| Висина | 1,78 м | ||
| Позиција | одбрана, среден ред | ||
| Клупски податоци | |||
| Сегашен клуб |
_con_leone_Giallo.svg){kind=small} Астон Вила | ||
| Број | 22 | ||
| Младинска кариера | |||
 Фејенорд | |||
 Спарта Ротердам | |||
 ПСВ | |||
 Челси | |||
| Кариера* | |||
| Години | Клуб | Наст. | (Гол.) |
| 2019-2024 |
Челси | 12 | (0) |
| 2020-2021 |
→ Чарлтон | 34 | (1) |
| 2021-2022 |
→.svg){kind=small} Ковентри Сити | 40 | (3) |
| 2022-2023 |
→ Барнли | 39 | (4) |
| 2024 |
→ Борусија Дортмунд | 16 | (3) |
| 2024- |
Астон Вила | 29 | (2) |
| Репрезентација | |||
| 2017 |
Холандија 15 | 6 | (0) |
| 2017-2018 |
Холандија 16 | 8 | (0) |
| 2018-2019 |
Холандија 17 | 18 | (3) |
| 2019 |
Холандија 18 | 1 | (0) |
| 2021-2025 |
Холандија 21 | 24 | (1) |
| 2025– |
Холандија | 1 | (0) |
Ијан Итан Матсен (роден на 10 март 2002, во Влардинген) — холандски фудбалер, играч од одбраната или средниот ред на Астон Вила и на холандската репрезентација.
Клупска кариера
[уреди | уреди извор]Почетоци и Челси
[уреди | уреди извор]Матсен започнал да игра фудбал на 7-годишна возраст, приклучувајќи се на академијата на Фејенорд, од каде бил отфрлен во 2013 година поради нискиот раст.[1] Потоа, тој поминал низ младинските сектори на Спарта Ротердам и ПСВ, а во 2018 година бил купен од Челси,[1] кој го додал во неговиот младински тим.
Тој го имал своето деби за првиот тим на 25 септември 2019 година, играјќи во победата од 7-1 над Гримсби Таун во натпревар од Лига купот на Англија.[2]
Позајмиците во Чарлтон и Ковентри Сити
[уреди | уреди извор]На 13 октомври 2020 година, Матсен заминал на позајмица во Чарлтон во Лига Еден, до крајот на сезоната.[3] На 20 октомври, го имал своето деби за клубот, влегувајќи од клупата како замена во второто полувреме за време на победата со 1–0 над Блекпул.[4] На 2 април 2021, тој го постигнал својот прв гол во сениорската кариера, во победата од 1–0 на гости против Донкастер Роверс.[5]
По солидниот престој во Чарлтон во кој играл многу, на 30 јули 2021 година, Матсен му се приклучил на една лига повисоко рангираниот клуб Ковентри Сити, на нова позајмица.[6] На 2 октомври 2021 година, го постигнал својот прв гол за Ковентри во првенствената победа со 4-1 над Фулам.[7] Матсен одиграл 40 првенствени натпревари за „небесно сините“ и постигнал три гола во Чемпионшип.[8]
Позајмицата во Барнли
[уреди | уреди извор]На 15 јули 2022 година, тој бил позајмен на Барнли, повторно во Чемпионшип.[9] Своето деби го имал во првото коло од првенството против Хадерсфилд Таун, каде што го постигна и единствениот гол на натпреварот за победа на „Кларетс“ од 1–0.[10] Во Барнли, тој стекнува целосна играчка афирмација и одиграл одлична сезона придонесувајќи за освојувањето на титулата и промоцијата на клубот во Премиер лигата со 39 настапи и 4 гола.[11] Тој, исто така, бил вклучен во Тимот на сезоната во Чемпионшипот, како најдобар лев бек во лигата.[12]
Враќање во Челси и позајмицата во Борусија Дортмунд
[уреди | уреди извор]По извонредната сезона во Барнли, тој се вратил во Челси кои овојпат одлучиле да му дадат шанса во нивниот тим и да не го праќаат на нова позајмица. Сепак, откако одиграл само 15 натпревари (12 во првенството и 3 во Лига купот) во првиот дел од сезоната, на 12 јануари 2024, тој ја напуштил Англија селејќи се на нова позајмица до крајот на сезоната, овојпат во германската екипа Борусија Дортмунд.[13] Дебитирал за жолто-црните следниот ден, во победата над Дармштат со 0-3. Својот прв гол во Бундеслигата, го постигнал во победата против Унион Берлин (0-2), кога го бил стрелец на вториот гол за својот клуб во последните секунди од натпреварот. На 16 април, тој го постигнал својот прв гол во Лигата на шампионите во победата од 4–2 против Атлетико Мадрид во реваншот од четвртфинале, помагајќи му на својот тим да се пласира во полуфиналето.[14] Како одминувало времето тој добивал се почесто место во стартната постава на позицијата лев бек и бил еден од протагонистите во тимот кој стигнал до финалето на Лигата на шампионите, загубено од Реал Мадрид со 0-2.[15]
Астон Вила
[уреди | уреди извор]На 28 јуни 2024 година, 22-годишниот Матсен потпишал за друг клуб од Премиер лигата, Астон Вила, во трансфер вреден 37,5 милиони фунти, потпишувајќи шестгодишен договор.[16][17]
Репрезентативна кариера
[уреди | уреди извор]Маатсен бил младински репрезентативец на Холандија, претставувајќи ја земјата на сите нивоа, од под 15 години до под 21 година.[18]
За репрезентацијата под 21 година, тој одиграл 24 натпревари и постигнал еден гол, претставувајќи ја земјата на две Европски првенства во категоријата во 2023 и 2025 година.
Во септември 2023 година, тој го добил својот прв повик во сениорската репрезентација на Холандија од страна на селекторот Роналд Куман, за двата натпревари од квалификациите за Европското првенство 2024 против Грција и Ирска,[19] но не настапил во ниту еден од тие натпревари. Во мај 2024 година, Матсен бил избран во прелиминарниот состав од 30 играчи за Европското првенство 2024,[20] но подоцна бил изоставен од конечниот состав.[21] Сепак, тој бил повторно повикан на 11 јуни, како замена за повредениот Френки де Јонг,[22] но ниту таму не настапил.
Своето долго очекувано деби за репрезентацијата, Матсен го направил на 23 март 2025, во поразот по изведување на пенали од Шпанија во четвртфиналето на Лигата на нации 2024-2025.[23] Во истиот натпревар, го постигнал и својот прв гол.
Хронологија на репрезентативните настапи
[уреди | уреди извор]| Хронологија на настапи и постигнати голови за националната селекција ― Холандија | ||||||||
|---|---|---|---|---|---|---|---|---|
| Дата | Град | Домашни | Резултат | Гости | Натпреварување | Голови | Инфо | Детали |
| 23-3-2025 | Валенсија | Шпанија  | 3 – 3 прод. (5 – 4 пен.) | Холандија | УЕФА Лига на нации 2024-2025 - Четвртфинале | 1 | ||
| Вкупно | Настапи | 1 | Голови | 1 | ||||
Статистика
[уреди | уреди извор]Клупска статистика
[уреди | уреди извор]Статистиката е ажурирана на 25 јуни 2025.
| Сезона | Клуб | Првенство | Национален куп | Континентален куп | Останати купови | Вкупно | |||||||||
|---|---|---|---|---|---|---|---|---|---|---|---|---|---|---|---|
| Лига | Наст | Гол | Лига | Наст | Гол | Лига | Наст | Гол | Лига | Наст | Гол | Наст | Гол | ||
| 2019-2020 |  Челси | ПЛ | 0 | 0 | ФАКуп+ЛК | 0+1 | 0 | ЛШ | - | - | - | - | - | 1 | 0 |
| 2020-2021 | Чарлтон | ФЛ1 | 34 | 1 | ФАКуп+ЛК | 1+0 | 0 | - | - | - | ТФЛ | 0 | 0 | 35 | 1 |
| 2021-2022 | Ковентри Сити | ФЛЧ | 40 | 3 | ФАКуп+ЛК | 1+1 | 0 | - | - | - | - | - | - | 42 | 3 |
| 2022-2023 | Барнли | ФЛЧ | 39 | 4 | ФАКуп+ЛК | 2+1 | 0 | - | - | - | - | - | - | 42 | 4 |
| 2023-јан. 2024 | Челси | ПЛ | 12 | 0 | ФАКуп+ЛК | 0+3 | 0+0 | - | - | - | - | - | - | 15 | 0 |
| Вкупно Челси | 12 | 0 | 4 | 0 | - | - | - | - | 16 | 0 | |||||
| јан.-јун. 2024 |  Борусија Дортмунд | БЛ | 16 | 2 | КГ | 0 | 0 | ЛШ | 6 | 1 | - | - | - | 22 | 3 |
| Вкупно во кариерата | 141 | 10 | 10 | 0 | 6 | 1 | 0 | 0 | 157 | 11 | |||||
Наводи
[уреди | уреди извор]- 1 2 „Who is Ian Maatsen? Too small for Feyenoord but now closing on a Chelsea debut“ (англиски). 25 септември 2019. Посетено на 20 октомври 2022.
- ↑ „Chelsea 7-1 Grimsby: Michy Batshuayi strikes twice and Callum Hudson-Odoi nets on Blues return“ (англиски). Посетено на 20 октомври 2022. Занемарен непознатиот параметар
|data=(се препорачува|date=) (help) - ↑ „DONE DEAL: Ian Maatsen joins on loan from Chelsea“. Charlton Athletic F.C. 13 October 2020. Посетено на 13 October 2020.
- ↑ „Blackpool 0–1 Charlton Athletic“. BBC Sport. 20 October 2020. Посетено на 20 October 2020.
- ↑ „Doncaster Rovers 0–1 Charlton Athletic“. BBC Sport. Посетено на 5 April 2021.
- ↑ „TRANSFER: Coventry City sign Ian Maatsen on loan!“. Coventry City F.C. 30 July 2021. Посетено на 31 July 2021.
- ↑ „Coventry City 4–1 Fulham: Sky Blues hit back to hammer hapless Cottagers“. BBC Sport. 2 October 2021. Посетено на 4 October 2021.
- ↑ „Ian Maatsen » Club matches“. worldfootball.net (англиски). Посетено на 18 June 2022.
- ↑ „Maatsen makes Championship loan move“ (англиски). Chelsea F.C. 15 July 2022. Посетено на 15 July 2022.
- ↑ „Ian Maatsen » Championship 2022/2023“. worldfootball.net (англиски). Архивирано од изворникот на 2023-10-08. Посетено на 29 July 2022.
- ↑ Hurcom, Sophie (25 April 2023). „Blackburn Rovers 0–1 Burnley: Clarets seal Championship title with east Lancashire derby win“. BBC Sport. Посетено на 25 April 2023.
- ↑ „Four Burnley aces star in official Sky Bet Championship Team of the Season alongside Sheffield United, Middlesbrough, Coventry City and Bristol City inductees“. Burnley Express. 23 April 2023. Посетено на 23 April 2023.
- ↑ „Borussia Dortmund sign Ian Maatsen on loan from Chelsea“ (англиски). Посетено на 2024-03-25.
- ↑ Liew, Jonathan (16 April 2024). „Borussia Dortmund's Sabitzer sinks Atlético Madrid in seesaw thriller“. The Guardian. Посетено на 19 April 2024.
- ↑ „Champions League, Real Madrid campione d'Europa: battuto 2-0 il Borussia Dortmund“. Sportmediaset.it (италијански). Посетено на 2024-06-30.
- ↑ Townley, John (28 June 2024). „Breaking: Aston Villa complete £37.5m Ian Maatsen transfer from Chelsea“. Birmingham Mail. Посетено на 28 June 2024.
- ↑ „Ian Maatsen: Aston Villa complete signing of left-back from Chelsea“. Sky Sports (англиски). 28 June 2024. Посетено на 28 June 2024.
- ↑ „Ian Maatsen » Internationals“. worldfootball.net. Посетено на 16 July 2022.
- ↑ „Drie debutanten in definitieve selectie Oranje“. onsoranje.nl (холандски). Royal Dutch Football Association. 1 September 2023. Посетено на 2 September 2023.
- ↑ „Voorlopige EK-selectie telt dertig namen“ [Preliminary Euro squad contains thirty names]. onsoranje.nl (холандски). Royal Dutch Football Association. 16 May 2024. Посетено на 1 June 2024.
- ↑ „Dit zijn de 26 spelers van bondscoach Ronald Koeman voor EURO 2024“ [These are national coach Ronald Koeman's 26 players for Euro 2024]. onsoranje.nl (холандски). Royal Dutch Football Association. 29 May 2024. Посетено на 1 June 2024.
- ↑ Millar, Colin (11 June 2024). „Maatsen called by Netherlands after De Jong, Koopmeiners injuries“. The New York Times. Посетено на 11 June 2024.
- ↑ „Spain vs Netherlands: UEFA Nations League stats & head-to-head“. BBC Sport (англиски). Посетено на 2025-03-23.
Надворешни врски
[уреди | уреди извор]
| ||||||||
