Ирина Шејк
| Ирина Шејк | |
|---|---|
 Шејк во 2019 г. | |
| Општи информации | |
| Вистинско име | Ирина Валерјевна Шајхлисламова |
| Изворно име | Ирина Шейк |
| Датум на раѓање | 6 јануари 1986 |
| Место на раѓање | Јеманжелинск, Руска СФСР, СССР |
| Агенција |
|
| Сопружник |
|
| Деца | 1 |
| Физички изглед | |
| Висина | 178 см |
| Боја на коса | темнокафеава |
| Боја на очи | зелена |
Ирина Валерјевна Шајхлисламова[1] (руски: Ирина Валерьевна Шайхлисламова; татарски: İrina Şəyxelislamova; р. 6 јануари 1986 г.), попозната како Ирина Шејк[2] — руска манекенка и глумица. Меѓународно признание стекнала кога се појавила како прва руска манекенка на насловната страница на Sports Illustrated во 2011 г. Во 2022 г., мрежното место Models.com ја вклучило на својот список на „Нови суперманекенки“.
Рани години
[уреди | уреди извор]Шејк е родена во Јеманжелинск (Чељабинска Област), СССР, во семејство на татко Русин со волго-татарско потекло, Валериј Шајхлисламов (Şəyxelislamov),[3] рудар во рудник за јаглен, и мајка Русинка, Олга, наставничка по музичко во градинка.[4] Изјавила дека својот изглед го наследила од татко ѝ и дека луѓето често ја мешаат со личност од Јужна Америка, велејќи: „Татко ми имаше темен тен бидејќи беше половина Татарин, а понекогаш Татарите можат да изгледаат како Бразилци. Светлите очи ги наследив од мајка ми“.[4] Има една сестра, Татјана Петенкова. Таа е тетка на трите деца на Татјана, вклучувајќи ја и внуката што е именувана „Ирина“ по неа.[5]
Шејк почнала да свири пијано на шестгодишна возраст. На девет години се запишала во музичко училиште каде што учела седум години, свирејќи пијано и пеејќи во хор, по желба на нејзината мајка.[6] Нејзиниот татко починал од усложнувања од пневмонија кога имала 14 години, со што семејството останало без доволно пари, принудувајќи ја мајка ѝ да работи на две работи за да ги издржува.[4]
По средното училиште, Шајк студирала маркетинг,[6] но подоцна се одлучила да се запише во училиште за убавина заедно со нејзината постара сестра. Додека била таму, ја забележал човек од локална агенција за манекенки, кој бил воодушевен од нејзината убавина. Ја наговориле да учествува на изборот за убавина „Мис Чељабинск 2004“, на кој победила; таа изјавила дека овој избор бил далеку под стандардите за избори за убавина што се очекуваат во европските метрополи или во САД.[7]
Наводи
[уреди | уреди извор]- ↑ Malle, Chloe (21 September 2010). „Hot! Supermodel Shayk's Perry Street Condo“. The New York Observer. Посетено на 26 July 2012.
- ↑ „Irina Shayk (Ellen)“. YouTube. 21 February 2011. Архивирано од изворникот на 2021-10-30. Посетено на 6 April 2020.
- ↑ „Татар Ир-Ат Исемнәре“. Архивирано од изворникот на 2023-04-30. Посетено на 30 April 2023.
- 1 2 3 Cohen, Stefanie (15 August 2010). „Shayk, rattle and roll!“. New York Post. Посетено на 10 November 2010.
- ↑ „Irina Shayk: From Russia with Love“. Vogue Portugal. Condé Nast. Архивирано од изворникот на 2020-09-21. Посетено на 5 January 2020.
- 1 2 Fernández de Angulo, Javier (10 December 2010). „Desmontando a Irina“. GQ. Архивирано од изворникот на 2013-10-02. Посетено на 15 February 2011.
- ↑ Fleming, Olivia (11 July 2019). „Will the Real Irina Shayk Please Stand Up“. Harper's Bazaar. Hearst Communications. Посетено на 5 January 2020.
Надворешни врски
[уреди | уреди извор] |
„Ирина Шејк“ на Ризницата ? |
- Ирина Шејк на
Семрежната филмска база на податоци (англиски)
