Илчо Наумоски

Илчо Наумоски
Лични податоци
Полно име	Илчо Наумоски
Роден на	29 јули 1983 (1983-07-29)
Роден во	Прилеп, Југославија
Висина	&100000000000001910000001,91 м
Позиција	Напад
Клупски податоци
Сегашен клуб	Вардар
Број	50
Младинска кариера
1995-2000	Рапид Виена
Кариера*
Години	Клуб	Наст.†	(Гол.)†
2002–2004	Грацер	22	(8)
2004	Малатијаспор	3	(0)
2005	Катанија	0	(0)
2005–2013	Матерзбург	227	(51)
2013	Интер Баку	4	(0)
2014–	Вардар	3	(2)
Репрезентација ‡
2003–	Македонија	45	(9)
Сениорските учества и голови се сметаат само за домашни натпревари податоците се од 22 декември 2013. † Учества (Голови). ‡ Учествата и головите за репрезентација се според податок од 13 јуни 2012

Илчо Наумоски (роден на 29 јули 1983 во Прилеп, Југославија) — македонски фудбалер кој игра за Вардар во македонското фудбалско првенство и за фудбалската репрезентација на Македонија.

Клубска кариера

Наумоски својата фудбалска кариера ја започнал во австрискиот клуб Грацер. Својот прв погодок во Австриската Бундеслига го постигнал на 17 август 2002 година во натпреварот против Рапид Виена кој завршил со резултат 1-1. Во премиерната сезона во Австриската Бундеслига тој одиграл 12 натпревари и постигнал пет голови, а клубот го освоил второто место во лигата. Следната сезона Наумоски играл во Лигата на Шампионите каде бил елиминиран во последното - трето квалификационо коло од Ајакс. Во 2004 година, со Грацер, Наумоски ја освоил двојната круна (Австриската Бундеслига и Австрискиот Куп). Во двете сезони во Грацер, тој одиграл 22 натпревари и постигнал осум голови.

По две неуспешни сезони, најпрво во турски Малатијаспор, а потоа и во италијанскиот калчолигаш Катанија , тој повторно се вратил во Австрија, овојпат во Матерзбург. Во Матерзбург, Наумоски за многу кратко време станал клучен играч на клубот.

Во август 2013, Наумоски потпишал едногодишен договор со Интер Баку во азербеџанското фудбалско првенство, со можност на продолжување на договорот на уште една година. Откако за клубот одиграл само 4 натпревари на кои не постигнал погодок, договорот на Наумоски бил предвреме раскинат. На почетокот на 2014, во зимскиот преоден рок, Наумоски како слободен играч потпишал за Вардар Скопје.

Кариера во репрезентативниот дрес

Наумоски својот прв натпревар за Македонската фудбалска репрезентација го одиграл на 9 февруари 2003 година во пријателски натпревар против Хрватска кој завршил со резултат 2-2. Првиот погодок за репрезентацијата го постигнал на 20 август истата година на пријателски натпревар во Прилеп против Албанија. Натпреварот завршил со резултат 3-1 во корист на Македонија.

Голови

#	Дата	Место	Противник	Резултат	Исход	Натпреварување
1	20 август 2003	Прилеп	Албанија	3–1	Победа	Пријателски натпревар
2	11 октомври 2006	Андора ла Вела	Андора	3–0	Победа	Квалификации за ЕП 2008
3	7 октомври 2007	Скопје	Андора	3–0	Победа	Квалификации за ЕП 2008
4	17 ноември 2007	Скопје	Хрватска	2–0	Победа	Квалификации за ЕП 2008
5	20 август 2008	Луксембург	Луксембург	4–1	Победа	Пријателски натпревар
6	6 септември 2008	Скопје	Шкотска	1–0	Победа	Квалификации за СП 2010
7	3 март 2010	Скопје	Црна Гора	2–1	Победа	Пријателски натпревар
8	7 септември 2010	Скопје	Ерменија	2–2	Реми	Квалификации за ЕП 2012
9	8 октомври 2010	Андора ла Вела	Андора	2–0	Победа	Квалификации за ЕП 2012

Постигнувања

ФК Грацер

• Австриска Бундеслига: 1
  • 2004
• Австриски Куп: 1
  • 2004

Надворешни врски

• Ilco Naumoski profile at svm.at (германски)
• Ilco Naumoski — профил на Soccerbase
• Profile at MacedonianFootball.com (англиски)