Илија Петруш Цветковски

Од Википедија — слободната енциклопедија
Прејди на прегледникот Прејди на пребарувањето
Илија Петрушев Цветковски.jpg
Споменица на паднатите борци од НОВ

Илија Петруш Цветковски (Куманово, 16 февруари 1921 - Сурлица, Трговиште, Србија, 4 јули 1944) — истакнат партизан од НОВ, носител на Споменица на паднатите борци од НОВ.

Животопис[уреди | уреди извор]

Роден на ден 16.02.1921 година во Куманово во сиромашно земјоделско семејство, основно и средно училиште завршува во Куманово.

Уште во млади години се занимава со повеќе дејности, работи во Ниш, Белград и други градови каде доаѓа во допир со сознанијата за улогата и борбата на работничката класа.

Народноослободителна борба[уреди | уреди извор]

Со почнување на Втората светска војна присилно е мобилизиран од бугарската фашистичка војска, меѓутоа при првото отсуство ја користи шансата да избега од окупаторската војска и да се приклучи кон народноослободителната војска на Македонија.

Станува борец на Трета македонска ударна бригада од денот на нејзиното формирање.

Учествува во многу борби против непријателските окупаторски фашистички сили, борбите кај Ристовац и Пробиштип, против Вардарскиот четнички корпус кај Сејац и Ново Село, а учесник е и во познатата Пролетна офанзива 1944 година. Илија Петруш Цветковски е и прв соборец на народниот херој Христијан Тодоровски Карпош од Куманово.

На 4 јули 1944 година во местото Сурлица-Трговиште, Србија подмолно е убиен од страна на домашен предавник кој се наоѓал во истата единица.

Посмртно е одликуван со Споменица на паднатите борци од НОВ на 29 ноември 1950 година.

Наводи[уреди | уреди извор]

  • Спомен зборник 1941-1945 Македонија