Изгорени од сонцето
Изгорени од сонцето (руски: Утомлённые солнцем) е филм на рускиот режисер и глумец Никита Михалков од 1994 година. Филмот, помеѓу другите награди, ги освоил Главната награда на Филмскиот фестивал во Кан и „Оскар“ за најдобар филм од странско говорно подрачје.
Заплет[уреди | уреди извор]
Филмот започнува со 1936 година, пред самата „Голема чистка“ на Јосиф Сталин. Генерал-мајорот Сергеј Котов (го игра Никита Михалков), идеалист-комунист и воен херој од Бољшевичката револуција и Руската граѓанска војна, ужива во животот во неговата селска куќа. Покрај него се Марусја, поранешна благородничка која станала негова жена, неговата ќерка Надја и членовите на поширокото ексцентрично семејство на неговата сопруга, составено од поранешни благородници. Харизматичниот Котов претставува инспирација за сите околу него...
