Игор Кралевски

Игор Кралевски
Лични податоци
Роден на	10 ноември 1978(1978-11-10)
Роден во	Скопје, СР Македонија, СФР Југославија
Држава	Македонија
Висина	1.87 м
Играчки податоци
Позиција	одбрана
Повлекување	2014
Младинска кариера
	Цементарница 55
Кариера*
Години	Клуб	Наст.†	(Гол.)†
1998–2001	Цементарница 55	6	(1)
2001–2002	Македонија Ѓ.П.	14	(2)
2002–2005	Работнички	87	(4)
2005–2007	Хајдук Сплит	12	(0)
2007–2008	Луч-Енергија	20	(0)
2009–2010	Македонија Ѓ.П.	14	(1)
2010–2012	Металург Скопје	66	(7)
2012–2014	Тетекс	28	(0)
Репрезентација
2005–2010	Македонија	3	(0)

Игор Кралевски (роден на 10 ноември 1978 година) — македонски поранешен фудбалер кој играл како одбранбен играч.

Клупска кариера

Својата професионална кариера ја започнал кон крајот на 90-тите години во екипата на Цементарница, од каде во 2001 година се преселил во Македонија Ѓорче Петров. По една сезона со лавовите, тој стигнал во Работнички, каде што се утврдил како играч станувајќи шампион на Македонија во последната од трите сезони и добивајќи повик во репрезентацијата.

Во летото 2005 година, Кралевски за првпат ја напуштил татковината и замнинал во странство, каде потпишал за хрватскиот клуб Хајдук Сплит. Во Хајдук успеал брзо да се наметне и солидно го одиграл првиот дел од сезоната 2005-2006, привлекувајќи интерес од неколку странски клубови како германскиот Бохум и рускиот Торпедо Москва. И покрај тоа, тој останал во Сплит, каде уследиле неколку послаби настапи кој кулминирале со црвениот картон кој го заработил на натпреварот против Риека на Пољуд во кој Хајдук со играч помалку бил поразен со убедливи 0-4. Од тој момент, започнал да паѓа во хиерархијата на клубот, а новиот тренер Зоран Вулиќ го пречкртал од својте планови за следната сезона.

Во јануари 2007 година, Кралевски потпишал за рускиот клуб Луч-Енергија, каде до крајот на сезоната одиграл 20 натпревари без постигнат гол во руското првенство. Во 2009 година, се вратил во Македонија Ѓорче Петров, а по една сезона таму отишол во Металург Скопје со кој во првата сезона го освоил Купот на Македонија. Кариерата ја завршил како играч на Тетекс во 2014 година.

Репрезентативна кариера

Своето деби за сениорската репрезентација на Македонија, Кралевски го имал во квалификацискиот натпревар за Светското првенство 2006 на гостувањето против Ерменија во јуни 2005 година. Вкупно за македонската репрезнетација има одиграно вкупно 3 натпревари, без постигнат гол.

Хронологија на репрезентативните настапи

Хронологија на настапи и постигнати голови за националната селекција ― Македонија
Дата	Град	Домашни	Резултат	Гости	Натпреварување	Голови	Инфо	Детали
4-6-2005	Ереван	Ерменија	1 – 2	Македонија	Квал. за СП 2006	-	83'
8-6-2005	Теплица	Чешка	6 – 1	Македонија	Квал. за СП 2006	-	69'
22-12-2010	Гвангжу	Кина	0 – 0	Македонија	Пријателска	-	46'
Вкупно		Настапи	3		Голови	0

Титули

Клупски

Работнички

• Прва фудбалска лига на Македонија : 1

2004-2005

Металург

• Куп на Македонија : 1

2010-2011

Надворешни врски

	Портал „Биографија“
	Портал „Фудбал“
	Портал „Македонија“

• Игор Кралевски на soccerway
• Игор Кралевски на transfermarkt