Зоран Иванов

Од Википедија — слободната енциклопедија
Прејди на прегледникот Прејди на пребарувањето
Зоран Иванов
Роден(а)14 октомври 1949
Скопје, Република Македонија
НационалностМакедонија Македонец
ДржавјанствоМакедонија Македонија
ЗанимањеНовинар, политички аналитичар
Активен период1974-денес

Зоран Иванов (Скопје, 14 октомври 1949) — македонски новинар. Завршил Факултет за новинарство во Скопје, а во 1974 г. станал соработник на Радио Скопје.[1] Подоцна работел како новинар и уредник-коментатор за Македонското Радио и Македонската Телевизија. Соработувал со повеќе електронски и печатени медиуми (меѓу кои Сител и Утрински Весник).

Иванов бил првиот директор на Македонската Информативна Агенција (МИА). Автор е на двотомната книга „Амбиент“, која е хронолошка збирка на неговите новинарски записи, коментари и анализи. Во 1994 г. ја добил наградата „Новинар на годината“.[2] Во 2012 г. му била врачена наградата „Крсте Петков Мисирков“ за животно дело, признание кое го доделува ЗНМ.[3]

Бил советник за односи со јавноста во кабинетот на Бранко Црвенковски за време на неговиот претседателски мандат.[4] По завршување на таа обврска, својата новинарска кариера ја продолжил во ТВ Алфа. Во телевизијата имал своја авторска емисија „Пресинг“, а во мај 2012 бил назначен за нејзин главен и одговорен уредик.[5] Во февруари 2013 г. тој добил отказ од ТВ Алфа. Изреволтиран од тој потег, како и од севкупната состојба во македонското новинарство, преку писмо соопштил дека ги враќа сите негови новинарски награди.[6][7]

Негово хоби е падобранството, а тој е исто така повеќекратен првак и рекордер во неколку категории во Македонија и во светот.[8] Носител е на највисокото меѓународно признание во спортското воздухопловство - „Златна значка со три дијаманти“ на Светската федерација (ФАИ).[9] Тој е татко на три деца, Игор, Тина и Дуња.[10]

Наводи[уреди | уреди извор]

  1. „Алфа од денеска со нов одговорен уредник“. Плус Инфо. Посетено на 9 мај 2012.
  2. Македонска енциклопедија (прв том), МАНУ, Скопје, 2009, стр. 608
  3. „ЗНМ ги додели годишните новинарски награди“. Tocka.com.mk. Посетено на 19 февруари 2012.
  4. „Зоран Иванов нов главен уредник на АЛФА ТВ“. Дневник. Посетено на 10 мај 2012.
  5. „Зоран Иванов – нов главен уредник на ТВ Алфа“. Без Пардон. Посетено на 7 мај 2012.
  6. „Новинарот Зоран Иванов добил отказ и ги враќа сите награди“. Република. Посетено на 21 февруари 2013.
  7. „Зоран Иванов: Нема повеќе да бидам дел од поразот на македонското новинарство“. Капитал. Посетено на 21 февруари 2013.
  8. „ФАИ признанија: Добитници на дипломата „Пол Тисандиер". Воздухопловна Федерација на Македонија. Посетено на 1 април 2005.
  9. „Зоран Иванов: Во што ви е проблемот, во успешноста ли, или…“. А1ON.mk. Посетено на 25 мај 2012.
  10. „Зоран Иванов е нов главен уредник на Алфа телевизија“. ТВ Сител. Посетено на 10 мај 2012.

Надворешни врски[уреди | уреди извор]