Пред неговото усвојување во 2013 г. островот Вознесение го користел знамето на Обединетото Кралство како свое службено обележје. На состанок на Советот на Вознесение на 3 март 2009 г. е изнесен предлогот да се осмисли посебно знаме за нивниот остров и поднесен до Министерството за надворешни и комонвелтски работи на Британија. Решено е да се распише јавен конкурс со предлози за изгледот.[3] Поднесени се три предлози, и тоа во 2010, 2012 и 2013 г. Од нив, на крајот е избран последниот.