Златна петорка (филм)

Од Википедија — слободната енциклопедија
(Пренасочено од Златна петорка)
Прејди на прегледникот Прејди на пребарувањето
„Златна петорка“
РежисерГоран Тренчовски
ПродуцентДејан Милошевски
НастапуваатСлавко Штимац
Јана Стојановска
Александар Ристоски
Петар Арсовски
Љупка Џундева
Игор Ангелов
Жанрдрама, историја
МузикаДарко Спасовски и Горан Керкез
КинематографијаАпостол Трпески
МонтажаАндрија Зафрановиќ и Аристид Филактов
Студио„Револушн“
Премиера2016
Времетраење83 минути
ДржаваМакедонија Македонија
Јазик
Буџет€300,000

Златна петорка — македонски филм од 2016 година, во режија на Горан Тренчовски, кој е еден од авторите на сценариото, заедно со Елеонора Венинова и Билјана Гарванлиева. Директор на фотографија е Апостол Трпески, автори на музиката се Дарко Спасовски и Горан Керкез; сценографијата е на Кирил Спасески, костимографијата е дело на Нела Тодоровска; а шминката е дело на Ирена Сенокозлиоска.

Факти за филмот[уреди | уреди извор]

Пред да започне снимањето на филмот, авторите го развивале сценариото дури две години при што биле напишани шест верзии. Непосредно пред премиерата на филмот починала една од сценаристките, Билјана Гарванлиева. Филмот бил снимен во октомври 2015 година, со финансиска поддршка од Агенцијата за филм, како и од општините Василево, Босилово и Струмица. Филмот конечно бил завршен во август 2016 година, а првата гала-проекција била во рамките на фестивалот „Браќа Манаки“ во Битола, а потоа филмот се прикажувал десет дена во Струмица, каде што го виделе околу 10.000 гледачи. Исто така, филмот имал светска премиера на фестивалот „Реинденс“ (Raindance) во Лондон, како и на фестивалите во Сиднеј, Торонто, Њу Џерси, Берлин, Париз, Њу Делхи, Перуџа, Санкт Петербург, Варна, Темишвар, Варшава, а на фестивалот во Кан продуцентот и режисерот го претставиле филмот пред филмските дистрибутери.[1] Филмот е селектиран на 25 фестивали и добил 10 награди, од кои 5 за најдобар филм. Се смета дека е најгледан македонски филм во последнава деценија. Според статистиката, претходно тоа беа „Пред дождот“ и “Бал-кан-кан“. Од филмот произлезе играна серија во 5 епизоди под наслов „Љубов и предавство“.

Содржина[уреди | уреди извор]

Маки, Ката и Џиџи се пријатели кои веруваат во своите младешки идеали. Но откако Маки и Ката ќе ја објават својата свршувачка, кај Џиџи се раѓа љубомора. Во момент на слабост, тој ги клевети Маки и неговите другари. Набргу се случува неразјаснето убиство на петтeмина студенти, меѓу кои е и Маки. „Петорката“ е свирепо убиена од тајните комунистички служби. По 65 години, Алавантие, како сведок и истражувач, се враќа во родниот крај со досието „Златна петорка“. Неговите тајни и сознанија внесуваат дополнителен немир во брачниот живот на Ката и Џиџи.

Улоги[уреди | уреди извор]

Петте студенти ги играт: Александар Ристоски, Влатко Илиевски, Григор Јовановски, Игор Тодоров и Виктор Јакимовски.

Надворешни врски[уреди | уреди извор]

  1. С. Прањиќ, „Ние сме генерацијата што ќе ја однесе Македонија во модерните филмски води“, Infinity, број 1, декември 2016, стр. 30-33.