Зеф Љуш Марку

Од Википедија — слободната енциклопедија
Прејди на прегледникот Прејди на пребарувањето
Портрет на Зеф Љуш Марку.
Извештај за пронаоѓањето на мртвото тело на Марку.

Зеф Љуш Марку (18851920) — револуционер и прва жртва на „белиот терор“ во Југославија.

Биографија[уреди | уреди извор]

Роден е во април 1885 година во Призрен. Во родното место завршил основно училиште и два класа гимназија, а потоа се преселил во Скопје. Таму најпрво работел како работник во Државниот монопол, а по ослободувањето од Турците, во 1912 година работел во Српско-француската банка. Во текот на тие години стапил во работничкото движење и станал еден од главните активисти за ширење на социјалистичките идеи.

Станал член на СКЈ (КПЈ) од неизиното основање во 1919 година. Како делегат на обласниот совет на КПЈ за Скопје, на 19 ноември 1920 година дошол во Ѓаковица, за да помогне на тамошната партиска организација во вршење на агитација за престојните парламентарни избори. Набрзо потоа бил уапсен и бил убиен во затворот во Ѓаковица ноќта меѓу 2 и 3 декември 1920 година. По неговото убијство КПЈ организирала протести и демонстрации во Скопје и Белград.

Убиството на Зеф Љуш Марку се смета како прва жртва на „белиот терор“ во Кралство Југославија, кој станал уште посилен по донесување на „Обзнаната“, во декември 1920, и со законот за заштита на државата од август 1921 година. Според него е наречена една гимназија во Скопје.

Литература[уреди | уреди извор]

  • Хронологија Радничког покрета и СКЈ 1919-1979 (књига прва). „Институт за савремену историју“ Београд и „Народна књига“ Београд, 1980. година.
  • Македонска енциклопедија (книга прва). „МАНУ“ Скопје, 2009 година, 584. стр.