Земја на Вилхелм II

Местоположба на Земјата на Кајзер Вилхелм II (црвено), австралиска антарктичка територија на Антарктикот

Земјата на Кајзер Вилхелм II е дел од Антарктикот кој лежи помеѓу Пенковиот ’Рт на 87° 43'E и Филхнеровиот ’Рт на 91° 54'Е. Земјата на Принцезата Елизабета се наоѓа на запад, а Земјата на Кралицата Марија на исток. Австралија тврди дека областа е дел од Австралиска Антарктичката Територија, но како и другите територијални претензии на Антарктикот, ова не е универзално признаено.

Истражување

Областа била откриена на 22 февруари 1902 година, за време на Гаусовата експедиција од 1901-1903 година, предводена од арктичкиот ветеран и геолог Ерих фон Дригалски. Дригалски го нарекол по кајзер Вилхелм II кој ја финансирал експедицијата со 1,2 милиони златни марки. Експедицијата го открила и Гаусберг, висок 370 метри изгаснат вулкан, кој го добил името по математичарот и физичар Карл Фридрих Гаус.