Зајди, зајди, јасно сонце

„Зајди, зајди, јасно сонце“
Песна од Александар Сариевски
Јазик	македонски
Песнописец	Александар Сариевски

Зајди, зајди, јасно сонце — популарна македонска песна во народен стил која во недамнешно време здобива популарност низ целиот Балкан. Во последните шеесет години, песната станува една од песните што жителите на поранешната Југославија најмногу ја поврзуваат со Македонија. Песната не е народна, туку во авторство на истакнатиот изведувач Александар Сариевски.

Потекло

Песната била напишана и музиката составена од Александар Сариевски. Сариевски вели:

„Песната „Зајди, зајди, јасно сонце“ настана по примерот на народната „Чернеј горо, чернеј сестро“. Слушајќи ја таа песна и пеејќи ја понекогаш, од мене произлезе идеја да направам нешто слично по содржина, но со сосема друга мелодија. Така, полека ја испеав песната, која што набргу стана многу популарна секаде каде што ја пеев. Таа песна мене ми значи многу зашто ја прифатија многу луѓе што се занимаваат со народната музика, но пред сè многу ми значи што ја прифати народот. Секогаш кога некаде ќе настапев мислам дека секој од присутните очекуваш оваа песна да ја испеам“.

Стихови

Зајди, зајди, јасно сонце,

Зајди, помрачи се,

И ти, јасна ле месечино,

Бегај, удави се.

Црнеј, горо, црнеј, сестро,

Двајца (двата) да црнееме,

Ти за твоите лисја ле, горо,

Јас за мој`та младост.

Твоите лисја, горо сестро,

Пак ќе ти се вратат,

(А) мој`та младост, горо ле (сестро),

Нема да се врати.