Западен Тимор

Од Википедија — слободната енциклопедија
Прејди на прегледникот Прејди на пребарувањето
Карта на островот Тимор.

Западен Тимор (индонезиски: Timor Barat) — западниот дел на островот Тимор, дел од индонезиската покраина Источна Нуса Тенгара. Источниот дел на островот е независната држава Источен Тимор. Западен Тимор е доминантно христијански регион.

За време на колонијалниот период, Западен Тимор бил познат како Холандски Тимор и бил центар на холандските лојалисти за време на Индонезиската национална револуција (1945–1949).[1][2]

Географија[уреди | уреди извор]

Западен Тимор има вкупна површина од 15.850 километри квадратни и го зазема западниот дел на островот Тимор. Највисоката точна во Западен Тимор е Мутис со 2.427 метри. Најјужниот остров во Индонезија, Роте, е југозападно од Западен Тимор. Најголем град во Западен Тимор е Купанг.

Административна поделба[уреди | уреди извор]

Западен Тимор е дел од покраината Источна Нуса Тегара. Порано бил поделен на Град Купанг и четири округа. Во 2012 година бил основан и петтиот округ. Околу 35% од населението на покраината живее во Западен Тимор.

име адм. центар проц. статут површина (км²) население
попис 2019[3]
Купанг Оеламаси 1958 UU 69/1958 5.898,18 402.000
Јужноцентрален Тимор Сое 1958 UU 69/1958 3.947,00 466.000
Северноцентрален Тимор Кефаменану 1958 UU 69/1958 2.669,66 256.000
Белу Атамбуа 1958 UU 69/1958 1.284,94 226.000
Малака Бетун 2012 UU 69/2012 1.160,63 190.000
Град Купанг
*
160,34 438.000
Западен Тимор Град Купанг 15.120,83 1.978.000

Демографија[уреди | уреди извор]

Crystal Clear app xmag.svg Главна статија: „Христијанство во Индонезија.

Населението на Западен Тимор е доминантно христијанско, односно 56% се Католици, 35% се Протестанти и само 8% се Муслимани. Има околу 1.8 милиони жители во регионот според податоците од 2008. Доминантен јазик е индонезискиот јазик, но населението зборува и на други австронезиски јазици, меѓу нив тетумски, уаб мето, ндаонаски и др.[4] Познавањето на холандскиот е денес само меѓу постарите лица и е ограничено.

Економија[уреди | уреди извор]

Просечната невработеност на Западен Тимор е 2.39%.[5] 30% од населението живеат под линијата на сиромаштијата (според податоците од 1998 и 2012). Економијата е воглавно земјоделска.

Наводи[уреди | уреди извор]

  1. Great Britain. Foreign Office. Historical Section (1920), Dutch Timor and the Lesser Sunda Islands, H.M.S.O, Посетено на 17 January 2014
  2. Allied Forces. South West Pacific Area. Allied Geographical Section (1943), Area study of Dutch Timor, Netherlands East Indies, The Section, Посетено на 17 January 2014
  3. „Indikator Strategis Nusa Tenggara Timur“. BPS (индонезиски). Посетено на 2019-12-18.
  4. West Timor Island
  5. [1]

Координати: 10°23′S 123°38′E / 10.383° S; 123.633° E / -10.383; 123.633

Поврзано[уреди | уреди извор]

Надворешни врски[уреди | уреди извор]