Закон за привлечност

Од Википедија — слободната енциклопедија
Прејди на прегледникот Прејди на пребарувањето

Закон за привлечност (англиски: Law of Attraction) — назив кој се поврзува со верувањето дека „сличното привлекува слично“ и дека со фокусирање на позитивни или негативни мисли, една личност може да предизвика позитивни или негативни резултати.[1][2][3][4] На пример, ако едно лице отвори коверт очекувајќи да види неплатена сметка, тогаш во согласност со Законот за привлечност, ковертот „ќе ги потврди“ тие мисли и така кога ќе го отвори, внатре ќе има неплатена сметка. Личноста што наместо тоа одлучила да очекува чек, може според истиот закон, да најде чек наместо сметкa.[5][6]

Историја[уреди | уреди извор]

Томас Тровард,кој имал силно влијание во движењето на Новата мисла, тврди дека мислата и претходи на физичката форма и дека „дејството на умот го поставува јадрото кое, ако му се дозволи да се развива непречено, на крајот ќе ги привлече сите потребни услови за неговото манифестирање во надворешно видлива форма“.[7]

Во 1906 година, Вилијам Вокер Еткинсон (1862-1932г.) го употребил изразот во неговата книга за движењето на „Новата мисла“ со наслов Вибрација на мислата или Законот за привлечност во светот на мислите, велејќи „сличното привлекува слично".[8] Следната година, Елизабет Таун, уредник на весникот на „Новата мисла“ The Nautilus Magazine, ја објавила книгата на Брус Меклеланд за теологија на просперитетот со наслов Просперитет преку силата на мислата, во која тој го сумира принципот, велејќи: „Ти си тоа што мислиш, не тоа што ти мислиш дека си". [9]

Книгата „Науката за збогатувањето" на Валас Д. Ватлс поддржува слични принципи – дека вистинското верување во предметот на својата желба и фокусирањето на него ќе доведе до тоа да тој предмет или цел се реализира на материјалното ниво (Ватлс укажува во предговорот и во понатамошните поглавја дека неговата премиса произлегува од монистичкото хинду гледиште дека Бог исполнува сè и може да ни го донесе она на што се фокусираме). Покрај тоа, книгата исто така покажува дека негативното размислување ќе манифестира негативни резултати.[10]

Ричард Вајс објаснува во неговата книга „Американскиот мит за успех“ дека во текот на движењето на „Новата мисла“, „принципот на ненасилство" бил популарен концепт во комбинација со Законот за привлечност.[11]

Изразот „Закон за привлечност" се појавува во делата на теозофските автори Вилијам Кван Џаџ во 1915 година,[12] и Ени Бесант во 1919 година.[13] Бесант ја споредил нејзината верзија на „Законот за привлечност" со гравитација, и рекол дека законот претставува една форма на карма.[14]

Израел Регарди објавил многу книги на тема Законот на привлечност како еден од доминантните универзални закони. На неговата книга „Уметноста на вистинското исцелување“ напишана во 1937 година целосниот наслов е „Уметноста на вистинското исцелување, расправа за механизмот на молитвата и работењето на Законот за привлечност во природата". Книгата нè учи на една техника на фокусирана медитација која му помага на умот да научи да се лекува на физичко и на духовно ниво. Регарди продолжува со објаснувањето дека Законот за привлечност не е само валиден метод за привлекување добра физичка здравствена состојба, но е применлив во потрагата по било кој аспект од животот кој би сакале да го видите променет.

Наполеон Хил има издадено две книги на оваа тема.Првата е Законот за успех во 16 лекции (1928 година) што директно и постојано упатува на Законот за привлечност и ја искажува можноста дека тој работи со употреба на радиобранови пренесени од мозокот. Потоа во 1937 година, ја издава Мисли и збогати се која стана една од најпродаваните книги на сите времиња, со продажба на повеќе од 60 милиони примероци.. Во оваа книга, Хил дискутира за тоа колку е важно да се контролираат соствените мисли за да се постигне успех, како и енергијата што мислите ја имаат и нивната способност да привлечат други мисли. На почетокот на книгата, Хил спомнува некоја „тајна“ на успехот, и ветува дека индискретно ќе ја опишува барем по еднаш во секое поглавје на книгата. Таа никогаш не е спомната директно затоа што тој вели дека е многу покорисно секој сам да ја открие. Многу луѓе се расправаат околу тоа што всушност е тајната, со тоа што некои тврдат дека тоа е Законот за привлечност. Хил вели дека „тајната" на која упатува се споменува не помалку од сто пати, но „привлекување" се користи помалку од 30 пати во текстот. Повеќето студенти за книгата тврдат дека тајната е скриена во насловот: РАЗМИСЛИ (т.е. мисли). По ова, книгата Три магични зборови (1954 година), од американскиот автор У.С. Андерсон станал предвесник за претставување на фазите на информациите за потсвесниот ум и Законот на привлечност.[15]

Тајната (2006 година) е филм врз основа на Законот за привлечност. Потоа тој прераснал во книга со истиот наслов во 2007 година. Филмот и книгата се здобиле со широко распростането внимание од медиумите како и од Saturday Night Live до The Oprah Winfrey Show во САД.[1]

Успехот на филмот и разни книги довеле до зголемена застапеност во медиумите. Опра Винфри посветила две епизоди од нејзиното шоу на разговори за филмот и Законот за привлечност. .[3][4] Ток-шоу водителот Лери Кинг исто така, во својата емисија водел дискусија за филмот со Боб Солис но го критикувал поради неколку причини. Тој укажал на страдањата во светот и прашал: „Ако универзумот манифестира изобилство едноставно преку мислата, зошто постои толку многу сиромаштија, глад и смрт?"[се бара извор]

Во август 2008 година, книгата на Естер и Џери Хикс Парите и Законот за привлечност: учење како да се привлече здравје, богатство и среќа се појавила на списокот на бестеселери на New York Times.[16]

Прифаќање на идејата[уреди | уреди извор]

Списанието Skeptical Inquirer го критикувало недостатокот на способноста да се одлучи дали теоријата за Законот за привлечност е лажна или може да биде поддржана со податоци од реални искуства.[5] Критичарите тврдат дека изложените докази се обично анегдотскии дека, поради самоизбирачката природа на позитивните искази, како и субјективната субјективната природа на какви било резултати, овие искази се под влијание на пристрасноста при вршењето селекција и тенденцијата на луѓето да ги фаворизираат информациите кои ги потврдуваат нивните верувања.[17] Физичарот Али Алуси, ,на пример, ги критикува како нешта кои се немерливи и се сомнева во веројатноста дека мислите можат да влијаат на нешто што се наоѓа надвор од главата.[1]

Во последниве години Законот за привлечност е популаризиран преку книги и филмови како што е Тајната. Овој филм, а потоа и книгата [18] користат интервјуа со автори и говорници на „Новата мисла“ за објаснување на принципите на еден наводно метафизички закон според кој едно лице може да привлече било што на кое што мисли постојано. За Комитетот за скептични истражувања (Committee for Skeptical Inquiry), Мери Кармајкл и Бен Редфорд напишале дека „ниту филмот, ниту книгата немаат никаква основа во научната реалност", и дека нивната премиса содржи „друга грда страна: ако ви се случи некоја несреќа или болест, тоа е ваша вина". Тие прашале: „Ако авион се урне, дали тоа значи дека еден или повеќе од патниците сами си го предизвикале тоа? Дали војниците убиени во Ирак едноставно не размислуваат доволно позитивно?"[5]

Други се сомневаат во поврзаноста со модерната научна теорија, и го задржале ставот, на пример, дека Законот за привлечност погрешно ја претставува електричната активност на мозочните бранови.[19] Виктор Стегнер и Леон Ледермен ги критикуваат обидите да се користи квантниот мистицизам за премостување на било кои необјаснети или навидум неуверливи ефекти, верувајќи дека овие се особини на модерната псевдонаука.[20][21][22] За New York Times, Вирџинија Хефернан ја карактеризира Тајната како „серија на погрешни цитати ... и измамнички максими" која и покрај тоа „ја носи [неа] на среќно место".[23]

Позитивни и негативни вибрации[уреди | уреди извор]

Многумина кои се запознаени со функционирањето на Законот за привлечност, очекуваат дека, по практична употреба, никогаш нема да им се случи ништо негативно, дека ќе живеат без никакви проблеми. Заблуда е дека со примена на Законот за привлечност, никој повеќе нема да има ништо негативно во своето искуство. Едноставната причина за ова е дека овие негативни ефекти се многу добри и имаат своја цел. Ние ги третираме како негативност, но вистина е дека тие се од суштинско значење за развој и напредок. Тие се во суштина само разновидност со цел. Сè што постои има своја цел, па дури и негативност.

Постои широк спектар од позитивни до негативни искуства. Разликата е во степенот или квантитетот. Оваа разновидност и овој степен овозможуваат различни нивоа на напредок и развој, различно темпо на експанзија. Секоја негативност предизвикува непријатно чувство кај нас, но исто така е и показател за нашата склоност. Секој недостаток е тековен проблем, но охрабрува да се најде решение за тој проблем. Едноставно, сè има своја цел. Секое искуство има своја цел, исто како што и сè што постои има своја цел. Целата цел е развој, напредок, еволуција, експанзија и живот. Замислете дека сè е совршено, дека сè е идеално и дека имате сè што постои како свое, замислете дека сите се совршени и дека сите се исти. Тоа би значело дека животот ќе престане, дека нема да можат да напредуваат, дека нема да има експанзија или живот. Тоа би било самоуништување. Но, за среќа, тоа не е случај. Нашите негативности ни служат, ни даваат експанзија, ни даваат избор, ни даваат развој. И, ако разберете дека тие се важни и неопходни, и дека тие се начинот на развој на Создателот, и да нè водат кон акција и креативност и да нè туркаат напред, тогаш ви е јасно дека само ние, несвесни за неопходноста на таквата разновидност во нашите животи, па со недоразбирање. Негативностите никогаш нема да престанат да се случуваат, но третманот и изборот на тие искуства ќе помогнат во нашето создавање и живот. Така, можете да изберете убави работи, убави искуства и да размислувате позитивно дури и за негативни работи, и кога ќе го разберете тоа и кога ќе го погледнете од друга позиција, ништо нема да биде исто, нема да ги доживеете на толку тежок начин, но ќе ги гледате како потреба и добро, како можност за избор.[24]

Примена на Законот за привлечност[уреди | уреди извор]

Секоја секунда се движиме од еден паралелен универзум во друг и состојбата на нашиот ум ќе одреди како ќе изгледа универзумот во кој ќе се најдеме за пет, десет, педесет дена. Секако, за да ја совладаме оваа креативна, божествена моќ и да можеме да создадеме точно на начинот на кој сакаме, без оглед колку е тоа одлично или лудо, потребно е време и напор. Ние мора да се потрудиме да стануваме сè повеќе свесни секој ден. Умот е најсуптилното нешто што го користиме секој ден, многу е потешко да го совладаме од сè. Но, тоа не треба да ве исплаши, бидејќи е совршено изводливо, прашање на време е и решеност да успеете. Не ни е на нас да разбереме сè. Постои дел од нас кој е поголем од нас самите и кој најдобро знае како треба да се одвиваат работите, наше е да одлучиме ШТО сакаме, а КАКО ќе го добиеме, оставете го на „повисоката моќ“ - на Универзумот.

  1. Подготовка: Медитација, самонабудување и живеење во сегашниот момент. Првиот, основен и неопходен чекор. Станете свесни за сè што се случува во нас и околу нас. Што точно сакаме и зошто го сакаме тоа? Од каде таа желба и дали навистина ќе нè направи среќни? Дали е тоа најголема возбуда или е само минлив каприц што ќе ни направи повеќе штета отколку корист? Треба да седнете и да разговарате сами со себе. Станете свесни за сите идеи што ги имате, што ќе му наштетат на процесот на манифестација и ќе работат на промена, преформулирање. На пример, ако сакаме да создадеме повеќе пари во нашата реалност, а вакво нешто нè научија уште од мали: парите се причина за нашето зло во светот, немаме пари, парите бараат многу труд, чесен човек не може да биде богат, парите не растат на дрво, итн. Иако сакаме пари, желбата не е доволна ако ги држиме овие верувања во длабочините на нашите души. Овие мисли извираат од состојба на сиромаштија. Богатите луѓе веруваат во спротивното. Нивното верување се појави затоа што околу нив виделе потврда дека имаат многу пари. Богатите се богати бидејќи веруваат дека се богати. Доказите создаваат верување, а тајната е дека овој процес може да работи и обратно - тоа верување создава докази. Едноставна физика: ако ја направите жицата на гитарата да вибрира - ќе се произведе звук. Ако произведете звук во телото на гитарата што е иста фреквенција како звукот произведен од жицата, жицата ќе вибрира. Тешко е да се создаде верување кое не одговара на околината. Тоа на некој начин е дефиниција за лудило и затоа е потребна масовна самоконтрола и свесност. Дајте си време и простор да се разберете себеси, бидејќи на крајот на краиштата, ова е интимен процес на создавање сопствен живот. Исто така, бидете свесни за вашата околина и знаците што можат да послужат како упатства или инспирација.
  2. Визуелизација: Ништо што гледате околу вас не настанало и се манифестирало без претходно да го видите во умот. Ако не се роди прво како мисла, не може да стане материја. Ако вистински верувате дека поседувате десет милиони евра, тогаш ќе поседувате. Размислете јасно што сакате. Замислете дека тоа е веќе како што сакате да биде - дека веќе го поседувате тоа. Користете ја вашата имагинација до крај. Додадете звуци, мириси, чувство на допир итн. Сега следат чувствата. Како се чувствуваме сега кога го имате тоа? Каков би бил коментарот на луѓето околу вас? Да го додадеме нивниот ентузијазам во вашата волшебна манифестација. На пример сакате да манифестирате совршен вид. Замислете како седите пред компјутер и ги гледате ситните букви кристално јасно. Како се чувствувате? Радувајте се. Знаете дека совршено гледате. Разбудете ги емоциите бидејќи тие навистина се екстремно важни. Потоа замислете на пример, како гледате телевизија совршено јасно, или пак, како ги гледате табличките на автомобилите, буквите на мени во ресторан, како им кажувате на вашите најблиски дека видот ви е вратен, дека гледате перфектно. Сега замислете како се чувствуваат тие. Среќни се? Скокаат ли од радост како вас? Што зборуваат? Одвојте најмалку 5 минути секој ден за да создадете најцелосно искуство во вашата глава. Направете го тоа како прво нешто пред да легнете и кога ќе се разбудите. Интензитетот, должината и фреквенцијата на овие фантазии ќе одреди колку брзо ќе се случи тоа.
  3. Дејство: Едноставно, продолжете ги вашите секојдневни активности со апсолутно верување дека желбата може да се оствари и дека ќе се оствари, и дека повисокиот ум ќе го најде најдобриот начин како и кога. Не размислувајте цел ден за вашата желба. Тоа секако ќе зависи од разликата помеѓу нашата сегашна реалност и онаа што ја замисливме, но секако е можно многу побрзо отколку што замислуваме, но само ако тоа го дозволиме. Затоа, мислам дека не е добро да се постават временски рамки, дури и оптимистички. Веројатно ќе ви се случи по неколку дена идејата да ве погоди како молња. Не двоумете се да дејствувате. Иако можеби не се случи точно она што го очекувавте и работите како да не се одвиваат во ваша корист, бидете сигурни дека промената е направена и дека сте чекор поблизу.
  4. Упорност: Ние мора да бидеме решени во намерата и да не се предаваме сè додека не се реализира! Имајте верба дека ќе се оствари и не барајте потврда од надворешниот свет дали е ефективна или не. Отфрлете ги сите предрасуди за тоа што треба да се случи и препуштете се на мистериите. Иако универзумот не ја знае разликата помеѓу она што го сметаме за големо и мало, јас предлагам да започнете со „мали“ нешта, со нешто за што можете да верувате дека ќе се оствари и дека е нешто „реално“ во вашиот ум да се случи. Ова ќе создаде лавина од позитивни емоции и самодоверба што можете да ја користите како погон за создавање поголеми и поголеми работи.
  5. Насмевка: Запомнете, овој процес треба да биде пријатен. Ако се чувствувате непријатно, нешто не е во ред. Нешто писка и мора да се вратите на чекор 1. за да го поправите. На крајот на краиштата, животот е само игра, само сликање на платно, а магијата започнува кога ќе сфатите дека сте сликар! Затоа, опуштете се, уживајте во моментот, негувајте и ширете позитивни чувства и насмевки секој ден и не грижете се за исходот на ова ваше „вештерство“. Мора да бидете свесни дека создавате промени. А тоа значи дека работите нема да бидат исти. Ако чувствувате желба за радикални промени (на пример, преселување, развод и сл.), Не барајте изговори за да не го сторите тоа! Сето тоа е процес на создавање на вашиот идеален живот и знајте дека ве очекуваат чудесни работи по голема одлука доколку се водите според тоа. Ние мора да разбереме дека сè е минливо, дека само промената е трајна. Ако се поврземе со работи што веќе не служат за некоја цел, таму ќе се изгубиме. И тоа е единствениот грев што постои - да се оди против себе!

Наводи[уреди | уреди извор]

  1. 1,0 1,1 1,2 Whittaker, S. Secret attraction, The Montreal Gazette, May 12, 2007. Грешка во наводот: Неважечка ознака <ref>; називот „gazette“ е зададен повеќепати со различна содржина.
  2. Redden, Guy, Magic Happens: A New Age Metaphysical Mystery Tour, Journal of Australian Studies: 101
  3. 3,0 3,1 „The Law of Attraction: Real-Life Stories - Oprah.com“. oprah.com. Посетено на November 8, 2010.
  4. 4,0 4,1 „Go Beyond 'The Secret' - Oprah.com“. oprah.com. Посетено на November 8, 2010.
  5. 5,0 5,1 5,2 Mary Carmichael and Ben Radford. „CSI | Secrets and Lies“. Csicop.org. Посетено на 2012-05-16. Грешка во наводот: Неважечка ознака <ref>; називот „csicop.org“ е зададен повеќепати со различна содржина.
  6. Carroll, Robert Todd (12 September 2010). „law of attraction“. The Skeptic's Dictionary. Посетено на 7 September 2012.
  7. Judge Thomas Troward, “The Edinburgh Lectures on Mental Science,” 1904.
  8. William Walker Atkinson. Thought Vibration or the Law of Attraction. Advanced Thought Publishing. 1906. Archived 2019-09-30 на Wayback Machine Out of Copyright version
  9. MacLelland, Bruce, Prosperity Through Thought Force, Elizabeth Towne, 1907
  10. „The Science of Getting Rich - Wikisource“. En.wikisource.org. Посетено на 2011-12-18.
  11. The American Myth of Success. Illini Books. 1969. стр. 169. На |first= му недостасува |last= (help)
  12. Judge, William Quan (1915). The Ocean of Theosophy. United Lodge of Theosophists. стр. 103. ISBN 0-7661-0544-X.
  13. Popular Lectures on Theosophy (PDF). Theosophical Publishing House. 1919. стр. 103–104]. ISBN 0-524-03475-3. На |first= му недостасува |last= (help)
  14. Annie Besant (First Edition 1895). „Karma“. THE THEOSOPHICAL PUBLISHING HOUSE. Посетено на 16 May 2012. Проверете ги датумските вредности во: |year= (help)
  15. Book Review: Three Magic Words By U. S. Andersen By Rev. Melissa Leath.
  16. „NY Times Bestseller information August 31, 2008“. Nytimes.com. 2008-08-31. Посетено на 2011-12-18.
  17. Kaptchuk, T., & Eisenberg, D. (1998). „The Persuasive Appeal of Alternative Medicine“. Annals of Internal Medicine. 129 (12): 1061. PMID 9867762. Укажано повеќе од еден |pages= и |page= (help)CS1-одржување: повеќе имиња: список на автори (link)
  18. Byrne, Rhonda (2006). The Secret. Beyond Words Publishing. ISBN 978-1-58270-170-7.
  19. Scientific American; Jun2007, Vol. 296 Issue 6, p39-39: and the same article online Scientific American Magazine, June 2007; article entitled "The (Other) Secret" page 1 http://www.sciam.com/article.cfm?id=the-other-secret
  20. Cosmic Mind pages 8 through 19 http://www.colorado.edu/philosophy/vstenger/Quantum/01CosmicMind.pdf Archived 2015-09-24 на Wayback Machine
  21. The God Particle: If the Universe is the Answer, What is the Question - pages 189 to 198 by Leon Lederman with Dick Teresi (copyright 1993) Houghton Mifflin Company
  22. Non-science posing as science; Stanford Encyclopedia of Philosophy http://plato.stanford.edu/entries/pseudo-science/#NonSciPosSci
  23. VIRGINIA HEFFERNAN (2009-07-20). New York Times http://www.nytimes.com/2008/07/20/books/review/Heffernan-t.html. Посетено на 2012-09-20. Отсутно или празно |title= (help)
  24. „Let the Law of Attraction Help You With Positive Change“. Verywell Mind (англиски). Посетено на 2021-04-30.

Надворешни врски[уреди | уреди извор]