Завалска Планина

Од Википедија — слободната енциклопедија
Прејди на прегледникот Прејди на пребарувањето
Завалска Планина
Завалска планина, България.JPG
Поглед на Завалска Планина од селото Чеканец во Софиската Област
Највисока точка
Надм. вис.1.180,7 м
Заведена какоултра
Географија
Завалска Планина is located in Бугарија
Завалска Планина
Завалска Планина
Бугарија
ПокраинаПерничка Област

Завалска Планина (или Козји Гребен) – планина во Западна Бугарија, Перничка Област, најзападната од Завалско-планскиот планински масив на Средногорјето.

Планината се простира од северозапад на југоисток на околу 20 км, а ширината ѝ е до 4 – 5 км. На североисток Јарославската Котлина (964 м) ја поврзува со планината Вискјар, а на југоисток падините на нејзиниот краен срт Гребен влегуваат во Брезничката Котлина во областа на градот Брезник. На југозапад долината на река Јабланица (десна притока на Ерма) ја дели од планините Ездимирска и Стража, а превој висок 878 м ја поврзува со планината Љубаш. На северозапад, во атарот на селото Проданча, превој висок 971 м ја поврзува со планината Гребен, чиј поголем дел е на српска територија.

Планината се состои од неколку паралелни, ориентирани во правец северозапад-југоисток ридови (Црнча, Гребен и др.), разделени од надолжни долини. Билото е расчленето и се издига на 1000 – 1100 м надморска височина. Највисока точка на планината е врвот Китка (1180,7 м), кој се наоѓа на 1,4 км северозападно од селото Завала. Изградена е предимно од горнокредни песочници, лапор, варовник, туфа, туфити и моќни андезитни слоеви. По дел од билото поминува главната вододелница на Булгарија меѓу водните сливови на Црно и Егејско Море. Од неа извира реката Конска (десна притока на Струма) и мали десни притоки на реката Јабланица. Планината нема шуми, иако на некои делови се среќаваат ретки шуми од даб и габер и грмушки.

На планината и на нејзините падини се наоѓа градот Брезник и 12 села: Билинци, Бутроинци, Видрица, Врабча, Грло, Завала, Мракетинци, Муртинци, Неделково, Проданча, Филиповци и Јарославци.