Жолт шаренец

Жолт шаренец
Заштитен статус
	Податотека:Status iucn2.3 blank mk.svg; Недоволно податоци (МСЗП 2.3)
Научна класификација
Царство:	Animalia
Колено:	Arthropoda
Класа:	Insecta
Ред:	Lepidoptera
Семејство:	Шаренци
Род:	Euphydryas
Вид:	E. maturna
Научен назив
	Euphydryas maturna; (Линеј, 1758)
Синоними
	Hypodryas maturna; "Euphydryas matura" (lapsus);

Жолтиот шаренец (Euphydryas maturna) е пеперутка од семејството на шаренците. Оваа пеперутка живее во Европа (вклучително и Македонија) и Казахстан^[1]^[2]

Опис[уреди | уреди извор]

Распонот на крилјата на пеперугата е од 35 до 42 мм. Горната страна на крилјата на пеперугата е темнокафена, со црнкасти вени. На крилјата има нерамни портокалови и кремасти форми, кои варираат по големина и распоред. Телото е црно, а антените црно-бели. Долниот дел на крилјата е посветол, односно портокалово-кремаст со присуство на слични шари како и на горната страна. Ларвите достигуваат до 30 мм кога се целосно пораснати. Тие се темни со изразени жолти точки. Имаат голем број на влакна по телото. Куклите се најчесто бели.

Овие пеперутки може да се најдат во влажни места, добро осветлени и места со грмушки. Денес во голем дел од Средна Европа бројот на единките драстично се намалува, а во одредени области веќе и се исчезнати.