Жолто еже
Hydnum repandum, народно позната како жолто еже, е базидиомицетна габа од фамилијата Hydnaceae. Првпат опишана од Карл Линеј во 1753 година, таа е типски вид од родот Hydnum. Габата произведува плодно тело (печурка) кое се карактеризира по структурите кои носат спори - тие се во форма на боцки наместо ливчиња, и висат од долната страна на капата. Капата е сува, жолта до светло портокалова до кафеава и често добива неправилна форма, особено кога расте тесно збиена до други плодни тела. Ткивото на печурката е бело, со пријатен мирис и горчлив вкус. Сите делови од печурката се обојуваат во портокалова боја со стареење или при повреда.
Hydnum repandum е микоризна габа, широко распространета во Европа [1] каде што расте поединечно или во блиски групи во иглолисни или листопадни шуми.[2] [3] Јадлива е, иако зрелите примероци можат да развијат горчлив вкус. Не постојат отровни печурки со кои може да се помеша.
Наводи
[уреди | уреди извор]- ↑ Swenie, Rachel A.; Baroni, Timothy J.; Matheny, P. Brandon (2018-11-30). „Six new species and reports of Hydnum (Cantharellales) from eastern North America“. MycoKeys. Pensoft Publishers (42): 35–72. doi:10.3897/mycokeys.42.27369. ISSN 1314-4049. PMC 6286385. PMID 30564052.
- ↑ Feng, Bang; Wang, Xiang-Hua; Ratkowsky, David; Gates, Genevieve; Lee, Su See; Grebenc, Tine; Yang, Zhu L. (6 May 2016). „Multilocus phylogenetic analyses reveal unexpected abundant diversity and significant disjunct distribution pattern of the Hedgehog Mushrooms ( Hydnum L.) - Scientific Reports“. Scientific Reports. 6 (1): 25586. Bibcode:2016NatSR...625586F. doi:10.1038/srep25586. PMC 4858670. PMID 27151256.
- ↑ „Hydnum repandum, Wood Hedgehog mushroom“. Wildflowers, wild orchids, fungi, wildlife; nature books, reserves. Посетено на 2019-11-18.
Надворешни врски
[уреди | уреди извор]
Жолто еже на Ризницата ?
Hydnum repandum на Викивидовите ?
