Жена од слама (филм од 1964)

Од Википедија — слободната енциклопедија
Прејди на прегледникот Прејди на пребарувањето

Жена од слама (англиски: Woman of Straw) - британски филм од 1964 година, во режија на Бејсил Диарден. Главните улоги ги играат: Џина Лолобриџида, Шон Конери и Ралф Ричардсон.

Синопсис[уреди | уреди извор]

Податотека:Woman of Straw poster.jpg
Плакатот за филмот „Жена од слама“

Богатиот Чарлс Ричмонд (го игра Ричардсон) е немилосрден човек, кој се однесува грубо кон сите околу него, вклучувајќи ги слугите, соработниците и неговиот внук Антони (Тони) Ричмонд (го игра Конери). Еден ден, во неговиот дворец пристигнува убавата болничарка Марија Марсело (ја игра Лолобриџида) која треба да се грижи за него. На почетокот, Чарлс е груб кон неа, но потоа се вљубува во неа. Соочена со неговиот нечовечен однос кон слугите, таа го напушта, но Тони ја враќа назад. Притоа, тој ѝ го соопштува својот план: Марија треба да се омажи со болниот Чарлс, кој во меѓувреме ќе го измени својот тестамент и ќе ѝ го остави целото богатство, а таа пак ќе му исплати милион фунти на Тони. Постепно, Марија му станува симпатична на Чарлс и сите заедно заминуваат на патување со неговата јахта. Откако еден од неговите слуги ќе падне во морето, Марија го напушта бродот, но лично Чарлс ја замолува да се врати и ѝ нуди брак, а потоа го изменува тестаментот, прогласувајќи ја неа за наследничка. На патот кон Англија, Чарлс ненадејно умира, но Тони ја убедува Марија да се преправаат дека тој е жив и да објават дека умрел во неговиот дворец. Тони заминува во Лондон, со оправдување дека треба да го завери тестаментот, а Марија останува во дворецот со мртвото тело на Чарлс. Сепак, неговиот слуга открива дека тој е мртов и пријавува во полицијата. Тогаш, Марија ја кажува вистината, но Тони го негира кажаното и така Марија е уапсена и обвинета за убиството на Чарлс. Тони пристигнува во дворецот во улогата на нов сопственик и наследник на богатството на Чарлс, но таму го чека полицискиот инспектор, кој го обвинува за убиството на Чарлс. Тони ја одрекува вината, но слугата сведочи дека Тони го отрул Чарлс на бродот.[1]

Наводи[уреди | уреди извор]