Жан-Никола-Себастјен Аламанд

Жан-Никола-Себастијан Аламанд (холандски: Johannes Nicolaas Sebastiaan Allamand, латински: Johannes Nicolaus Sebastianus Allamand; роден на 18 октомври 1716 година, или, според други извори, 18 септември 1713 година — починал на 2 март 1787 година) — холандски природен филозоф роден во Швајцарија.^[1] Тој спровел рани истражувања за жирафите, користејќи примероци од кожа и коски испратени во 1764 година од Јужна Африка.^[2]

Живот

Бил роден во Лозана. Најпрво специјализирал теологија, а потоа заминал во Холандија, каде што се занимавал со математика, физика, хемија и природна историја во Лајден. Го запознал Вилем Грејвсанде, кој му го доверил образованието на неговите два сина и го направил свој извршител. Аламанд го збогатил своето знаење за физиката и со поддршка на Грејвсанде, станал професор по филозофија на Франкерскиот универзитет на 3 март 1747 година. Две години подоцна, бил вратен и станал професор по математика и филозофија на Лајденскиот универзитет. Тој ја прифатил оваа позиција на 30 мај со читање на „За вистинскиот филозоф“, кое главно било наменето за да го пофали неговиот ментор.

Како практичар по природна историја, Аламанд бил важен за создавањето и проширувањето на Кабинетот за природна историја на Универзитетот. Тој, од свои средства собрал за Кабинет за природни реткости, за време на неговиот живот бил отворен за студенти во салата зад зградата на Академијата. Тој го донирал на Универзитетот по неговата смрт на 2 март 1787 година. Тој бил добротвор на Кабинетот за антиквитети. Со својата сопруга, Маргарета Кромлин тие немале деца.

Тој испратил примероци од кожа и коски (осикон) од жирафи до францускиот природонаучник, грофот де Буфон во Париз, кој ги проучувал и подоцна пишувал за нив во својата „Историја на природата“.^[2]

Во 1747 година Аламанд бил избран за член на Кралското друштво.^[3]

Дела

Тој ги збогатил описите на птиците во холандското издание на „Histoire Naturelle“ од Буфон со многу дополнувања и описи. Понатаму, Аламанд ги уредувал делата на „Gravensande, Oeuvres philosophiques et mathématiques“ (2 тома, со 28 илустрации, Амстердам 1774) и „ Geschiedkundig Woordenboek“ од Проспер Маршан, кое го уредувал.

Тој исто така превел од латински, Брисоновиот Dierenrijk, Лајден 1762, на што додал многу забелешки. Тој исто така преведувал од француски.

Тој напиша неколку есеи за физиката и го дал првото објаснување за Лајденската тегла.

Стандардната авторска кратенка J.Allam. се користи за посочување на оваа личност како автор при наведувањето на ботанички назив.^[4]

Наводи

↑ Cultural Transfer through Translation: The Circulation of Enlightened Thought in Europe by Means of Translation (англиски). BRILL. 2010-01-01. стр. 260. ISBN 978-90-420-2951-4.
1 2 Mitchell, Graham (2021). How Giraffes Work. Oxford: Oxford University Press. стр. 36–38.
↑ „List of Fellows of the Royal Society 1660 – 2007“ (PDF). Royal Society. 2007.
↑ „Автори“. Меѓународен индекс на растителни имиња. (англиски)

[1] Cultural Transfer through Translation: The Circulation of Enlightened Thought in Europe by Means of Translation (англиски). BRILL. 2010-01-01. стр. 260. ISBN 978-90-420-2951-4.

[:0-2] 1 2 Mitchell, Graham (2021). How Giraffes Work. Oxford: Oxford University Press. стр. 36–38.

[3] „List of Fellows of the Royal Society 1660 – 2007“ (PDF). Royal Society. 2007.

[4] „Автори“. Меѓународен индекс на растителни имиња. (англиски)

[1]

[2]

[3]

[4]