Ејлен Донан

Од Википедија — слободната енциклопедија
Прејди на: содржини, барај
Ејлен Донан
Гелско име Eilean Donnáin
Значење Донанов Остров
Местоположба
Ејлен Донан се наоѓа во Шкотска
Ејлен Донан
Ејлен Донан во рамките на Шкотска
OS-назнака NG880260
Физичка географија
Ост. група Лох Дујх
Површина 1 ха
Највисока точка 3 м
Управа
Држава Обединето Кралство
Земја Шкотска
Месна управа Хајленд
Демографија
Население 1
Ранг 94 [1]
Lymphad3.svg
Наводи [2][3]

Ејлен Донан (гелски: Eilean Donnáin) — мал остров во Лох Дујх во западниот дел на Горите на Шкотска. Со копното е поврзан со пешачки мост, а сместен е околу од селото Дорни. Името значи „Донанов Остров“, во чест на светецот Донан од Еге, келтски маченик од Темното доба. На островот доминира живописен замок.

Замокот[уреди | уреди извор]

Замокот на Ејлен Донан

Првиот замок на островот е изграден во раниот XIII век како одбрана од Викинзите. Подоцна во XIII век замокот станал упориште на Мекензиевците од Кинтал (подоцна Ерлови од Сифорт). Во 1511 г. Мекриевците, како заштитници на Мекензиевците, станале наследни чувари на замокот.

Во 1539 Ијан Дув Матесон, поглавар на кланот Матесон, загинал бранејќи го Елејн Донан од слитскиот клан Мекдоналд во име на клановите Мекри и Мекензи.

Во април 1719 замокот го зазема шпанската војска во обид да потпали уште едно Јакубитско востание. Во судирот банителите си го враќаат замокот, но потоа го урива кралската морнарица. По еден месец шпанските сили претрпуваат пораз во битката кај Глен Шил.

Замокот е реставриран во периодот од 1919 до 1932 од потполковникот Џон Мекри-Гилстрап. Воедно изграден е и своден мост за полесен пристап. Во 1983 семејството Мекри основало добротворната задолжбина „Конхра“ која има за цел да го запази замокот. Интересно е што замокот е единствен во Велика Британија што има лево-завртени скалила (тогашниот крал бил левак). Пред замокот стои топ од времето на Првата светска војна како и спомен-чешма во чест на членовите на семејството загинати во војната.

Ејлен Донан е дом на кланот Мекри. Во 2001 г. островот броел само еден жител.

Галерија[уреди | уреди извор]

Наводи[уреди | уреди извор]

  • Miket and Roberts, The Mediaeval Castles of Skye and Lochalsh (Второ издание, Birlinn Ltd, 2007)

Белешки[уреди | уреди извор]

  1. Ранг по површина и население: Шкотска има околу 300 острови поголеми од 20 ха, од кои 93 трајно населени според пописот од 2011 г.
  2. Општа регистарска служба на Шкотска (28 ноември 2003) Наменски документ бр. 10: Статистики за населените острови. Проверено на 9 јули 2007 (англиски)
  3. Карти на Картографскиот завод на Велика Британија, Геодетски податоци. Проверено на 14 јули 2009 (англиски)

Надворешни врски[уреди | уреди извор]