Еурокрем
Еурокрем (скратено за Еурокрем Таково) — бренд на двобоен (кафеав и бел) намаз од слатко млечно чоколадо со вкус на лешник и какао, произведен од фабриката на Swisslion Group во Горен Милановац, Србија, околу 120 километри јужно од Белград.
Тој бил најпопуларниот производ од ваков вид низ СФР Југославија.[1]
Историја
[уреди | уреди извор]Заштитниот знак Eurocrem бил регистриран во Светската организација за интелектуална сопственост (WIPO) на 3 август 1967 година од страна на италијанската компанија A. Gandola & C. Spa, добивајќи регистарски број 336733.[2] A. Gandola & C. Spa го лиценцирале брендот Eurocrem во 1972 година на Takovo, производител на храна и пијалаци со седиште во Горен Милановац, а денес е дел од Swisslion Group.[3] Таково бил една од најголемите индустриски компании на поранешна СФР Југославија. A. Gandola & C. Spa сè уште го произведуваат оригиналниот чоколаден намаз Еурокрем.
На 15 септември 2008 година, Swisslion Group ја регистрираше трговската марка Takovo Eurocrem во WIPO, добивајќи регистарски број 993249.[4] Според извештаите на локалните медиуми во ноември 2011 година, Swisslion Group произведува 13.228 тони Таково Еурокрем годишно; половина од таа количина се извезува во САД, западноевропските земји и земјите од поранешна СФР Југославија.[5]
Лиценцираниот Еурокрем е достапен во само една комбинација на вкусови, лешник и какао.
Постојат неколку варијанти и големини на Еурокрем, вклучително и Еурокрем Блок, форма на Еурокрем во стил на чоколадна лента.
Еурокрем се продаваше под различни слогани, вклучително и „за растечката генерација“, „растеме заедно“ и „има само еден“.[1]
Пакети
[уреди | уреди извор]Се произведува во различни варијанти и големини на пакувања, со тежина од 15 грама до 5 kg.[1] Се користат различни материјали за пакување, во зависност од големината на пакувањето и нивното таргетирање на големите или на малопродажните потрошувачи – вклучувајќи пакувања од фолија, пластични или стаклени тегли и пластични кофи. Swisslion Group, исто така, произведува Еурокрем во бар верзија наречен Euro Blok.
Наводи
[уреди | уреди извор]- 1 2 3 „Eurocrem - Swisslion-Takovo“. Swisslion Group. Архивирано од изворникот на December 26, 2018. Посетено на September 15, 2013.
- ↑ „International Mark - (336733) EUROCREM“. WIPO. Архивирано од изворникот на October 28, 2010. Посетено на December 3, 2010.
- ↑ „Swisslion acquires 70% stake in PIK Takovo of Gornji Milanovac - 33m euros“. vibilia.rs. January 9, 2004. Архивирано од изворникот на 2014-02-26. Посетено на March 17, 2014.
- ↑ „Eurocrem“. lupiga.com. March 14, 2002. Посетено на March 17, 2014.
- ↑ „Eurokrem – Takovo's top product“. limun.hr. November 10, 2011. Архивирано од изворникот на December 27, 2013. Посетено на March 17, 2014.