Еспириту Санто

Од Википедија — слободната енциклопедија
Прејди на прегледникот Прејди на пребарувањето
Еспириту Санто
Наречен и: Санто
Espiritu Santo (29281946255).jpg
Vanuatu - Espiritu Santo.PNG
Карта на Еспириту Санто
Географија
МестоСанма, Вануату
Координати15°15′S 166°50′E / 15.250° S; 166.833° E / -15.250; 166.833Координати: 15°15′S 166°50′E / 15.250° S; 166.833° E / -15.250; 166.833
АрипелагВануату
Површина3.955,5 км2
Највисоко издигнување1.879 м
Највисока котаТабвемасана
Управување
ПокраинаСанма
Најголема населбаЛуганвил (pop. 10,738)
Демографија
Население39,606 (2009)
Етнички групиВануаќани


Еспириту Санто (бислама, англиски, француски: Espiritu Santo, шпански за „Свет Дух“) е најголем остров во Вануату. Островот има вкупна површина од 3.955,5 километри квадратни и население од околу 40,000 жители според пописот од 2009 година.[1]

Географија[уреди | уреди извор]

Островот е дел од независната држава Вануату, или според старото име, Острови Нови Хебриди. Административно е дел од покраината Санма. Административен центар на островот е Луганвил, кој воедно е и втор најголем град во државата. Луганвил се наоѓа на југоисточниот брег на островот.

Покај источниот брег има развиена патна мрежа, која недостасува на остатокот од островот. Островот е доста планински. Северниот дел има залив, Биг Беј, кој е опколен со двата крака на островот.

На островот Санто се наоѓа највисоката точка на Вануату, односно врвот Табвемасана со 1879 метри надморска висина. Планината се наоѓа во централниот дел на островот.

Јужно од Санто се наоѓаат островите Тутуба, Аоре, Мало, источно се наоѓа островот Амбае, а северно се островите Бенкс, поточно островот Гауа.

Околу самиот остров Санто се наоѓаат следните мали островчиња и карпи (од север прека исток па кон југ):

Инфраструктура[уреди | уреди извор]

Луганвил е единственото населено место на островот кое може да се смета за град. Сите други останати населени места на островот се всушност села. Патна мрежа има само покрај источниот брег на Санто, сите три патишта излегуваат од Луганвил. Остатокот на островот е планински и нема развиена патна мрежа. Аеродромот Санто-Пекоа се наоѓа на 5 км источно од Луганвил. На островот има бројни мали реки, од кои најголема е Сараката.

Стопанство[уреди | уреди извор]

Голем број од луѓето на Санто живеат од земјоделство, поточно градинарство. Голем дел од селата се самоиздржливи во однос на храна. Најчесто се одгледува таро и јам.

Покрај тоа, постои и одгледување на говеда. Огромен дел од говедското месо се извезува во Јапонија, Австралија и околните тихоокеански земји. Дополнително, на островот се произведува и извезува ориз и конзервирана риба.

Постојаѕт и други овошја и зеленчуци кои за месното население се секојдневни, а за туристите се несекојдневни. Такви се на пример манго, ананас, островска зелка, кокосова краба и сличо. На островот има еден голем пазар за продажба на земјоделски и градинарски производи, но постојат и бројни помали пазари.

Животински свет[уреди | уреди извор]

Санто е дом на скоро сите ендемски птици на Вануату. На островот има два заштитени резервата, кои се основани за зачувување на дивиот свет на Санто. Резерватот Лору се наоѓа на источниот брег на островот, а резерватот Вате се наоѓа во близина на Биг Беј. Лору е основан во 1993 година и има 220 хектари.[2]

Поврзано[уреди | уреди извор]

Наводи[уреди | уреди извор]

  1. 2009 Census Summary release final Archived декември 21, 2013 at the Wayback Machine - Government of Vanuatu
  2. roy@positiveearth.org. „Tourist Information - Vanuatu Protected Areas Initiative / Loru Rainforest and Environment Centre“. www.positiveearth.org.

Надворешни врски[уреди | уреди извор]