Ернандо де Сото
Ернандо де Сото (шпански: Hernando de Soto, Херез де лос Кабаљерос, Бадахос 1496 или 1500 — 21 мај 1542, Мисисипи (река) во Арканзас)[1] бил шпански морепловец, истражувач и конквистадор. Имал значајна улога во освајувањето на Панама, Никарагва и Перу заедно со Франциско Пизаро. Неговиот најголем потфат е експедицијата во Северна Америка, денешните САД,[2] каде отишол во потрага по Елдорадо.
Животопис[уреди | уреди извор]
Родителите на Де Сото биле припадници на пониско племство од Екстремадур, сиромашна област од која младите луѓе си заминувале за да стекнат богатство некаде на друго место. После откривањето на нови земји на запад, гласините за нивниот сјај и богатство биле премногу примамливи. Де Сото испловил во Новиот Свет во 1514 година со првиот гувернер на Панама Педро Аријас де Авила.
Неговата храброст, непоколебливата посветеност и лукавите планови за уценување на домородните села за откуп на заробените поглавици станале де Сотовите обележја во текот на покорувањето на Средна Америка. Исто така стекнал слава и како одличен коњаник, војник и командант, но запаметен е и по својата извонредна бруталност.
Младост[уреди | уреди извор]
Точен датум на раѓањето на Ернанд де Сото не е познат. Тој во 1535 година кажувал дека имал околу 35 години, а во 1536 година тврдел дека има околу 40 години. Дури како 14-годишно дете, благодарејќи на добрите семејни врски, отишол во Новиот Свет. Де Сото бил второроден син, од четирите деца на идалго Франциско Мендез де Сото и Леонора Аријас Тиноко. Де Сото знаел дека не може да смета на своето семејство што се однесува на материјална поддршка, па заминал на печалба. Му помогнал неговиот роднина Педро Руиз де Сото, познат учесник во реконкистите на Севиља.
Де Сото пораснал во тешки услови, во сиромаштија и немаштија, во покраината Екстремадур, која се граничела со маварските територии, па воедно нејзините жители биле присилени од мали нозе да учат воени вештини. Имајќи го тоа предвид, не е случајност што најпознатите конквистадори и колонизатори потекнувале токму од Екстремадур — Ернан Кортес, Франциско Пизаро и Васко Нуњез де Балбоа.
Надворешни врски[уреди | уреди извор]
 |
„Ернандо де Сото“ на Ризницата ? |
- Де Сотова младост Архивирано на 24 септември 2015 г.
- Карта де Сотове експедиције
- Извештај од реконструкција на патот на де Сотова експедиције
- Де Сотово освајување на Америка Архивирано на 11 декември 2015 г.
- Католичка енциклопедија
- Ернандо де Сото, биографија Архивирано на 24 септември 2015 г.
- Луис Ернандез де Биједма, кралевиот агент со де Сото Архивирано на 3 април 2007 г.
- Родриго Рангел, де Сотовиот тајник Архивирано на 3 април 2007 г.
- Португалски племић на де Сотовата експедиција Архивирано на 3 април 2007 г.
Наводи[уреди | уреди извор]
- ↑ Morison, Samuel (1974). The European Discovery of America: The Southern Voyages, 1492–1616. New York: Oxford University Press.
- ↑ Точниот пат на де Сотовата експедиција не може да се утврди, постојат повеќе варијанти. Најверојатна варијанта е дека проаѓала низ денешните сојузни држави Флорида, Џорџија, Мисисипи, Тенеси, Мисури, Арканзас, Луизијана и Тексас.