Ердоан Максут

Ердоган Максут
Роден	24 мај 1959(1959-05-24) Скопје
Националност	Македонски Турчин
Познат	по улогата во: Македонски народни приказни Андер Ах, љубов моја Комшиски Приказни
Занимање	глумец
Татко	Џемаил Максут
Мајка	Сузан Максут
Деца	Теоман Максут

Ердоган Максут (турски: Erdoğan Maksut; роден во 24 мај 1959 во Скопје) — македонски театарски и филмски глумец од турска народност.

Биографија

Ердоган Максут во 1985 година дипломирал на Факултетот за драмски уметности во Скопје, отсек театарска глума во класата на проф. Владимир Милчин. Во периодот од 1999-2001 г. во првата класа ги завршил постдипломските студии по Театрологија и успешно ја одбранил магистерската теза „Трагедијата на репертоарот на Н.У. Турски театар - Скопје во првата половина на осмата декада од XX век“, под менторство на проф. д- р Нада Петковска и се здобил со научна титула Магистер по Театролошки науки.

Член е на “Н.У. Турски театар“ од Скопје од 1978 г. до 2012 г. Надвор од матичната сцена има остварено улоги во “Театар за деца и млади“ од Скопје, културниот центар „Скрб и Утеха“, разни независни продукции, телевизии, радио драми, филмови итн.

Максут исто така бил и асисетент по режија во повеќе од десет претстави на матичната сцена на Турскиот тетар, напишал сценарио и режирал мини ТВ серија од пет епизоди “Olaylar“ (Случки) снимена на турски јазик со македонски превод. Учествувал во Македонските народни приказни.

Од 2012 г. е член на Н.У. Театар Комедија - Скопје, каде исто така остварува повеќе значајни улоги. Во 2023 година се пензионира во Театар Комедија.

Ердоан Максут е син на Џемаил Максут и Сузан (Радмила) Максут кои исто така биле глумци во Н.У. Турски театар од Скопје.

Театарски улоги

• „Дневникот на лудиот“ Н.В. Гогољ
• „Соблазна во долината Шентфолиријанска“ од Иван Цанкар
• „Приказна што зборува за патувањето“ од Жан Клод Ван Итали
• „Мостот на честа“ од Хасан Мерџан
• „Кафкаски круг со креда“ од Бертолт Брехт
• „Белото Циганче“ од Видое Подгорец
• „Шеќерна приказна“ од Славко Јаневски
• „Аман да не чуе жена ми“ од Жорж Фејдо
• „Искрените“ од Мариво
• „Хурем Султан’’ од Орахан Асена
• „Предлог за брак“ и „Просидба“ од А. П. Чехов
• „Орхан од нашата улица“ од Неџати Зекерија
• „Дас Капитал“ од Братислав Димитровски
• „Мајка Елиф“
• „Ах љубов моја“ од Коле Ангеловски
• „За секого има по една“ од Венко Андоновски
• „Хамлет во пикантен сос“ од Алдо Николај
• "Чувството на брадата" од Ксенија Драгунска
• "Господарот на кукавицата" од Венко Андоновски
• "Вардарски пастуви" од Симон Буве
• „Бракот е брак“ од А. П. Чехов
• "Мизантроп" од Ж. Б. П. Молиер

Филмографија

Филмографија на глумецот Ердоан Максут
Год.	Назив	Улога
1980-ти
1982	Јужна патека ТВ филм
1989	Тврдокорни ТВ серија
1990-ти
1990	Македонски народни приказни ТВ серија	/
1989-1991	Еурека ТВ серија	/
1993	Македонска сага ТВ филм	Екрем
1998	Денес, утре ТВ филм
2000-ти
2001	Прашина ТВ филм	османлиски војник
2002	Заведени ТВ серија	/
2004	Чекор пред времето Краток филм
2004	Андер ТВ филм
2005	Крчма на патот кон Европа ТВ-филм	Селанец 3
2007	Сенки ТВ филм
2007	Досие-К ТВ филм
2007-2009	Збогум Румелија ТВ-серија	Командантот
2008-2009	Народни Приказни ТВ-серија	/
2009-2010	Македонски народни приказни ТВ серија
2010-ти
2012-2013	Македонски народни приказни ТВ-серија
2014-2015	Македонски народни приказни ТВ-серија
2016-2017	Комшиски Приказни ТВ-серија
2017	Ах, љубов моја ТВ-серија	Ѓорче
2017	Наградата ТВ-филм
2018	Црни и Криви Краток филм
2020-ти
2023	Тин Камп ТВ-серија	Доктор

Надворешни врски

• Ердоан Максут на Семрежната филмска база на податоци (англиски)