Енвер Измајлов
| Енвер Измајлов | |
|---|---|
 Енвер Измајлов 2009 година во Германија. | |
| Животописни податоци | |
| Роден(а) | 12 јуни 1955 Фергана, Узбечка Советска Социјалистичка Република, Советски Сојуз, денешна Фергана, Узбекистан |
| Жанрови | Фолк, џез |
| Занимања | Музичар |
| Инструменти | Гитара |
| Период на активност | 1970 – денес |
Енвер Измајлов (украински: Енвер Ізмайлов) роден (12 јуни 1955) е кримски татарски фолк и џез гитарист кој користи стил на тапкање на електрична гитара.
Кариера
[уреди | уреди извор]Енвер Измајлов е роден во Фергана, Узбечка Советска Социјалистичка Република, Советски Сојуз во семејство на кримско-татарско семејство кое претходно било депортирано од Крим во кое подоцна се вратил во 1989 година.
Иако свирел гитара од својата петнаесетта година, студирал фагот во музичкото училиште во Фергана и дипломирал во 1973 година. Осум години бил член на групата Сато. Се вратил на училиште и добил диплома од Универзитетот Ташкерт, а потоа започнал соло кариера.[1]
Во 1995 година победил на Првиот европски меѓународен натпревар по гитара во Лозана, Швајцарија. Во текот на истата година, бил прогласен за музичар на годината од украинските музички критичари. Имал турнеи во Украина, Русија, Естонија, Молдавија, Бугарија, Финска, Норвешка, Шведска, Данска, Белгија, Италија, Германија, Турција и САД.[1]
Покрај снимањето соло албуми, има работено во дуети со францускиот клавијатурист Ксавиер Гарсија, турскиот тапанар Бурхан Окал и британскиот саксофонист Џеф Ворен. Го основал уметничкото трио на Крим со Бари Рустем на перкусии и Наркет Рамазанов на кларинет, саксофон и флејта.[1] Измајлов е и аликвотен пејач.
Техника
[уреди | уреди извор]Измајлов свири гитара со тапкање по вратот на електричната гитара со врвовите на прстите како да е клавијатура.[1][2][3] Слична техника користи и џез гитаристот Стенли Џордан.[1]
Измајлов комбинира кримско-татарска традиционална музика, турска, узбечка, балканска, класична музика и џез. Многу од неговите дела се компониранни со метрика 5/8, 7/8, 9/8, 11/8, 11/16 и 13/16 кои се вообичаени во кримската татарска музика. Тој има гитара со троен врат што му била направена по нарачка во Киев. Тој користи две нестандардни нагодувања : (ниско до високо) E, B, E, E, B, E и C, C, G, C, C, C.[2]
Семејство
[уреди | уреди извор]Ќерката на Енвер, Леније Измајлова е популарна пејачка меѓу Кримските Татари. Таа комбинира фолк, џез и поп музика на нејзиниот репертоар.
Дискографија
[уреди | уреди извор]- Во чаршија во Фергана (Туту, 1993)
- Уметност на дуото со Џеф Ворен (Туту, 1996)
- Источната легенда (Боем, 1998)
- Минаре (Боем, 1999)
Наводи
[уреди | уреди извор]- 1 2 3 4 5 Harris, Craig. „Enver Izmailov“. AllMusic. Посетено на 12 August 2017.
- 1 2 Prasad, Anil (1 July 2010). „Enver Izmaylov“. Guitar Player. Посетено на 13 August 2017.
- ↑ Yanow, Scott (2013). The Great Jazz Guitarists. San Francisco: Backbeat. стр. 220. ISBN 978-1-61713-023-6.