Емилија Перес

„Емилија Перес“
	Плакатот на македонски јазик
Режисер	Жак Одијар
Продуцент	Жак Одијар; Паскал Кошто; Валери Шерман; Ентони Вакарело;
Сценарист	Жак Одијар
Главни улоги	Зои Салдана; Карла Софија Гаскон; Селена Гомес; Адријана Пас; Марк Иванир; Едгар Рамирес;
Музика	Клеман Дукол; Камиј;
Кинематографија	Пол Гиљом
Монтажа	Жилиет Велфлинг
Студио	Why Not Productions; Page 114; Pathé; France 2 Cinéma; Saint Laurent Productions;
Дистрибутер	Pathé Distribution
Премиера	18 мај 2024 г. (Кански кинофестивал); 21 август 2024 г. (Франција); 9 јануари 2025 г. (Македонија)
Времетраење	132 минути
Земја	Франција
Јазик	шпански; англиски; + македонски (титла);
Буџет	26 милиони долари
Бруто заработка	15,4 милиони долари

„Емилија Перес“^[2] (шпански: Emilia Pérez) — француска крими-комедија од 2024 г. во режија на Жак Одијар, заснована на неговото сопствено сценарио. Во филмот играат Карла Софија Гаскон, Зои Салдана, Селена Гомес, Адријана Пас и Едгар Рамирес. Премиерно бил прикажан во мај 2024 г. на Канскиот кинофестивал, каде што ја освоил наградата на жирито, а глумиците (Гаскон, Гомес, Пас и Салдана) ја освоиле наградата за најдобра женска улога. Филмот бил предложен за 10 „Златни глобуси“, освојувајќи четири: за најдобар филм — мјузикл или комедија, за најдобра споредна глумица во игран филм, за најдобар филм на странски јазик и за најдобра песна. Добил и 13 номинации за наградите „Оскар“, поставувајќи рекорд за најмногу номинации на филм надвор од англиското говорно подрачје. Исто така, филмот освоил две награди БАФТА: за најдобра споредна глумица и за најдобар неанглојазичен филм. Премиерата на филмот во Франција се одржала на 21 август 2024 година, а во Македонија на 9 јануари 2025 година.^[3]

Содржина

Преквалификувана и потценета, Рита е адвокатка во голема фирма, чиј интерес е да ги брани најголемите злосторници наместо да ги изведе пред лицето на правдата. Еден ден, таа добива неверојатна понуда: водачот на наркокартелот, Манитас, ја ангажира за да му помогне да се повлече од бизнисот и да го спроведе планот што тајно го подготвувал со години — да стане жената за која отсекогаш сонувал...

Улоги

Глумец	Улога
Зои Салдана	Рита Мора Кастро
Карла Софија Гаскон	Емилија Перес / Хуан „Манитас“ дел Монте
Селена Гомес	Џеси дел Монте
Адријана Пас	Епифанија Флорес
Едгар Рамирес	Густаво Брун
Марк Иванир	д-р Васерман

Наводи

↑ Cessac, Marjorie (18 мај 2024). „Cannes 2024 : les maisons de luxe défilent dans les budgets des films“. Le Monde (француски). Архивирано од изворникот 18 May 2024. Emilia Perez bénéficie d'un budget de 25 millions d'euros Занемарен непознатиот параметар |trans-quote= (help)
↑ „Перез“ е погрешно. Според Правописот од 2017 година, буквата „z“ од шпански се транскрибира како „с“ на македонски јазик.
↑ РТС, Емилија Перез (пристапено на 2.3.2025

Надворешни врски

Емилија Перес на Семрежната филмска база на податоци (англиски)

[1] Cessac, Marjorie (18 мај 2024). „Cannes 2024 : les maisons de luxe défilent dans les budgets des films“. Le Monde (француски). Архивирано од изворникот 18 May 2024. Emilia Perez bénéficie d'un budget de 25 millions d'euros Занемарен непознатиот параметар |trans-quote= (help)

[2] „Перез“ е погрешно. Според Правописот од 2017 година, буквата „z“ од шпански се транскрибира како „с“ на македонски јазик.

[3] РТС, Емилија Перез (пристапено на 2.3.2025

[1]

[2]

[3]