Елза Алкман
Елза Ана Марија Алкман (моминско: Алстром; 1878-1975) — шведска активистка за правата на жените, суфражетка и писателка. Додека живеела во Еслов, таа станала активна членка на локалниот огранок на Националната асоцијација за право на глас на жените (ЛКПР), предавајќи, пишувајќи и организирајќи настани.Во 1916 година, таа напишала извештај за тоа како данските жени гласале на референдум откако добиле право на глас.Таа продолжила да придонесува за проширување на правата на жените во 1920-тите, откако Швеѓанките го постигнале правото на глас.Во 1930-тите, таа и нејзиниот сопруг се населиле во Норшепинг каде што свирела на виолина и компонирала музика за локални концерти.[1][2][3]
Биографија[уреди | уреди извор]
Родена на 18 ноември 1878 година во Даларна, Елза Ана Марија Алстром била единственото дете на градежниот инженер Ото Теодор Алстром (1848–1906) и неговата сопруга Клара Елизабет, моминско Гинчард (1850–1932).[4] Израсната во добро ситуиран дом, како резултат на работата на нејзиниот татко на железничкиот сообраќај, таа го поминала своето детство во Таби, Гетеборг, Стокхолм, Харносанд и Солвесборг.[1]
Во 1897 година, таа влегла во Кралската шведска академија за музика во Стокхолм, каде студирала виолина, дипломирајќи во 1900 година.[2] По неуспешен период како професор по музика во Солвесборг, таа работела во банка во Малме. Таму го запознала фармацевтот Олоф Алкман (1872–1960) со кого се омажила во 1906 година. Тие се преселиле во Еслов каде во 1907 година се приклучила на локалниот огранок на ЛКПР. Од 1911 до 1913 година, таа била член на одборот на огранокот на ЛКПР за Сканија.[1]
Алкман се заинтересирала за правото на глас на жените, убедена дека е само прашање на време додека тоа биде доделено. Во декември 1916 година, таа ја посетила Данска за да набљудува како данските жени гласаат за прв пат на референдумот. Таа ги соопштила своите наоди во една статија објавена во списанието на ЛКПР Rösträtt för kvinnor. Таа нагласила колку се среќни сите класи на жени што го дале својот глас и се надева дека нема да помине долго пред Швеѓанките да тргнат по нивните стапки.[1][3] Додека била во Сканија, таа го напишала романот En oförbätterlig (1911) инспирирана од нејзината работа за правото на глас. Раскажувајќи како еден пејач на оперета се борел за истите права како и мажите во еден мал град, добила добри критики.[1] Во септември 1916 година, таа родила ќерка Инга Линеа.[4]
Во средината на 1920-тите, парот се преселил во Норшепинг каде Олоф добил работа. Елса Алкман успеала да го оживее својот интерес за музика, земајќи часови по хармонија на конзерваториумот и компонирајќи дела за локални концерти. Во 1930-тите, таа се приклучила на градскиот огранок на Унијата на либералните жени, поддржувајќи аранжмани и финансирање за бегалците кои пристигнуваат во Шведска.[1]
На 96-годишна возраст, Елса Алкман починала на 21 февруари 1975 година во Норшепинг, каде што е погребана на локалните гробишта.[1]
Наводи[уреди | уреди извор]
- ↑ 1,0 1,1 1,2 1,3 1,4 1,5 1,6 Bergvall, Cemilla (4 November 2020). „Elsa Anna Maria Alkman“. Svenskt kvinnobiografiskt lexikon. Посетено на 7 May 2021.
- ↑ 2,0 2,1 Hedberg, Walborg; Aronsenius, Louise (1914). „Alkman, Elsa: Svenska kvinnor från skilda verksamhetsområden - Biografisk uppslagsbok“ (Swedish). Alber Bonniers Förlag. Посетено на 7 May 2021.CS1-одржување: повеќе имиња: список на автори (link) CS1-одржување: непрепознаен јазик (link)
- ↑ 3,0 3,1 Oldfield, Sybil (2003). International Woman Suffrage: October 1916-September 1918. Taylor & Francis. стр. 75–. ISBN 978-0-415-25739-8.
- ↑ 4,0 4,1 „Elsa Anna Maria Alkman (Ahlström)“. Geni. Посетено на 7 May 2021.
|