Електротехнички факултет - Радовиш

Од Википедија — слободната енциклопедија
Електротехнички факултет - Радовиш
Виддржавен
Основан2008
Деканпроф. д-р Татјана Атанасова Пачемска
Студенти150+
МестоРадовиш, Република Македонија
ПрипадностУниверзитетот „Гоце Делчев“ - Штип
etf.ugd.edu.mk

Електротехничкиот факултет при Универзитетот „Гоце Делчев”Штип е сместен во Радовиш и е единствен таков факултет во регионот на Источна Македонија.

Историјат[уреди | уреди извор]

Факултетот е сместен во реновиран и модерно опремен објект со сета потребна инфраструктура – предавални, лаборатории за експериментални и практични вежби, компјутерска лабораторија, библиотека со читалница, конференциска сала, книжарница, студентски клуб. Во стратегискиот план за развој на Факултетот е планирано изградување на технолошко јадро за поддршка на малите и средните бизниси и развивање на нови лаборатории за научноистражувачката работа на Факултетот.[1]

Основна мисија на Електротехничкиот факултет при реализација на првиот циклус на студии е студентите да добијат солидно високо образование по електротехника, со што стануваат квалификувани во национални и во меѓуна¬родни рамки, успешни во избраната професија и подготвени за понатамошно образование во вториот и третиот циклус на студии.

Организација и структура[уреди | уреди извор]

Функцијата декан на Електротехничкиот факултет ја врши проф. д-р Татјана Атанасова Пачемска, додека продекан на Факултетот е проф. д-р Василија Шарац. Работата на Електротехничкиот факултетот е организирана во три катедри: Катедра за индустриска електроника и автоматика, Катедра за електрични мерења и стандарди и Катедра за индустриски процесни компјутери. Студентот за време на студиите има можност да се вклучи во научноистражувачка работа, преку изработка на проектна задача или семинарски труд по разни предмети и со изработка на дипломски труд. Факултетот ги поддржува студентите на разни начини, при организирање на настани (студентски конференции и други манифестации) и при вмрежување за размена и подвижност со други високообразовни институции од земјава и во светот.

Студиските програмисе организирани во:

Носител на студиите е Електротехничкиот факултетот, а реализатор на студиите се катедрите кои се составен дел на Електротехничкиот факултетот, а тоа се[2]:

  • Катедра за Електротехника и електромашинство
  • Катедра за Автоматизација, регулација и управување со технолошки процеси
  • Катедра за Електроника
  • Катедра за Електроенергетика
  • Катедра за Tелекомуникациско инжинерство

Прв циклус на студии[уреди | уреди извор]

Електротехничкиот факултет им обезбедува на студентите развој на технички вештини, како и проучување на фундаментални и применети знаења од областа на електротехниката, посебно за разбирање на новите технологии и придонесување во идниот развој на професијата дипломиран електроинженер. Електротехничкиот факултет обезбедува развој на вештини за критичко и проблемско размислување, како и развој на говорни и писмени комуникациски вештини важни на проектното и тимско работење во професијата. Во првиот циклус на студии на Електротехничкиот факултет се изучуваат следниве студиски програми[3]:

  • Системи за автоматско управување
  • Обновливи извори на енергија

Втор циклус на студии[уреди | уреди извор]

Во вториот циклус на студии на Електротехничкиот факултет се изучува следнава студиска програми[4]:

  • Автоматизација и процеси

Наводи[уреди | уреди извор]

  1. Официјално мрежно место на Електротехнички факултет - „За факултетот“
  2. „Официјално мрежно место на Електротехнички факултет - „Катедри и институти". Архивирано од изворникот на 2013-08-31. Посетено на 2013-03-07.
  3. „Официјално мрежно место на Електротехнички факултет - „Прв циклус студии". Архивирано од изворникот на 2013-06-13. Посетено на 2013-03-07.
  4. „Официјално мрежно место на Електротехнички факултет - „Втор циклус студии". Архивирано од изворникот на 2013-08-20. Посетено на 2013-03-07.

Надворешни врски[уреди | уреди извор]