Елевтернски мост
| Елевтернски мост | |
|---|---|
 Поглед од југ | |
| Координати | 35°20′17″N 24°40′15″E / 35.33806°N 24.67083°E |
| Носи | Пешачка патека до Елевтерна |
| Преминува | Слив на потоците Фарангитис и Халопота |
| Место | Принес, Крит, Грција |
| Особености | |
| Вид | Конзолно лаковен мост |
| Материјал | Варовник |
| Вкуп. должина | 9.35 м |
| Ширина | 5.05−5.2 м |
| Висина | 4−4.2 м |
| Најдолг распон | 3.95 м |
| Распони | 1 |
| Историја | |
| Завршен | Хеленистички период |
| Местоположба | |
 | |
Елевтернскиот мост ― старогрчки конзолно лаковен мост во близина на критскиот град Елевтерна, Грција.[1] Сличен втор мост што се наоѓа на кратко растојание јужно од него се урнал кон крајот на 19 век, при што останале само многу малку траги.[2]
Опис
[уреди | уреди извор]Добро сочуваната структура има единечен распон од 3,95 м, што е прилично големо за лажен лак. Отворот е пресечен од немалтерираните варовнички блокови во облик на рамнокрак триаголник чија висина е 1,84 м. Вкупната должина на мостот е 9,35 м. Неговата ширина варира од 5,1 до 5,2 м, при што структурата благо се приближува кон нејзината средишна точка над лакот (5.05 м ширина таму). Висината е помеѓу 4 и 4,2 м.[3]
Историја
[уреди | уреди извор]Мостот, кој сè уште е во употреба, прв го опишал Англичанецот Томас Абел Спрат во неговите „Патувања и истражувања во Крит“, откако ја посетил наоѓалиштето во 1853 година.[2] Во тоа време, уште еден антички мост со триаголен лак сè уште стоел на неколку стотини метри, но, судејќи според подоцнежниот извештај, бил уништен некое непознато време пред 1893 година.[2]
Датум
[уреди | уреди извор]Иако постои општа согласност дека двата моста во Елевтерна датираат од предримскиот период, попрецизното датирање е попречено од недостатокот на соодветни наоди.[2] Според Накасис, постоечкиот северен мост бил изграден некаде за време на хеленистичкиот период,[2] додека италијанскиот изучител Галијацо ја датира изградбата поточно на крајот на 4 или почетокот на 3 век п.н.е.[4] За помалиот, сега срушен јужен мост, Накасис претпазливо го поддржува датумот на доцното класично време.[2]
Поврзано
[уреди | уреди извор]Наводи
[уреди | уреди извор]- ↑ Briegleb 1971; Galliazzo 1995; Nakassis 2000
- 1 2 3 4 5 6 Nakassis 2000
- ↑ All data: Nakassis 2000
- ↑ Galliazzo 1995
Извори
[уреди | уреди извор]- Briegleb, Jochen (1971), „Die vorrömischen Steinbrücken des Altertums“, Technikgeschichte, 38 (3): 255–260 (258)
- Galliazzo, Vittorio (1995), I ponti romani, Vol. 1, Treviso: Edizioni Canova, стр. 37f, ISBN 88-85066-66-6
- Nakassis, Athanassios (2000), „The Bridges of Ancient Eleutherna“, The Annual of the British School at Athens, 95: 353–365, doi:10.1017/s006824540000472x
Дополнителна литература
[уреди | уреди извор]- Bougia, Polyxeni (1996), „Ancient Bridges in Greece and Coastal Asia Minor“, Дисертација, Пенсилвански универзитет
Надворешни врски
[уреди | уреди извор]
Податотеки поврзани со Елевтернски мост на Ризницата
