Елвир Мекиќ

Елвир Мекиќ
Елвир Мекиќ
Родено име	Елвир Мекиќ
Роден(а)	15 октомври 1981 (42 г.)
Жанрови	поп, R&B
Занимања	пејач, текстописец
Период на активност	2000-ти - сега
Издавачи	Plan B Production
Соработници	Јован Јованов, Селма Бајрами

Елвир Мекиќ (роден на 15 октомври 1981 година) — македонски музичар. Популарноста ја стекнал по изведбата на неговиот сингл „Опасно“ со Маја Саздановска на „Охрид фест“ во 2007 година. Продолжил со издавање на вториот и третиот сингл од неговиот деби албум „Опасно“, со наслов „Уште те има“, и „Некаде После Два“. Мекиќ се натпреварувал и на домашниот избор за Евровизија во 2008 година, „Скопје фест 2008“, со песната „Армија“.

Ран живот и кариера[уреди | уреди извор]

Тој има бошњачко потекло. Кариерата на Мекиќ започнала кога бил тинејџер и наскоро бил откриен неговиот талент. Неговата прва песна „Се Шекнувам“ станала многу популарна во Македонија. Откако успешно продуцирал неколку синглови, тој направил пауза во создавањето на сопствена музика за да може да започне да пишува текстови за други уметници кои биле популарни во Македонија. Тој се вратил на музичкото поле во 2007 година со песната „Нека Те Заборави“, од студискиот албум „Опасно“.

Откако ја извел песната „Армија“ на Скопје Фест 2008, Елвир заедно со неговиот најдобар пријател и колега музичар Јован Јованов организирале концерт што се одржал во Скопје. Бил планиран само еден концерт за 10 април 2008 година, но поради големата продажба на билети, следниот концерт бил закажан следната вечер. Во крајот на 2008 година, Мекиќ соработувал со српската пејачка и поранешна членка на Џогани, Слаѓа Делибашиќ . Двојката објави босанско / српски сингл насловен „5 минута“. Тој ги напишал стиховите за македонската песна избрана за Евровизија 2009.^[1]

Во 2010 година, тој ја отпеал „Што је од Бога добро је“ со босанската пејачка Селма Бајрами за нејзиниот албум Закон судбине.