Едноминутни новели
Едноминутни новели (унгарски: Egyperces Novellák) е збирка куси раскази од унгарскиот писател Иштван Еркењ (Örkány István). Збирката е објавена во 2005 година од издавачката куќа “Темплум”. Преводот од унгарски јазик е направен од Анамарија Цинеге Панзова.
Технички податоци[уреди | уреди извор]
Збирката “Едноминутни новели” е објавена како 31 книга на библиотеката “Магма”. Книгата е отпечатена во мал формат (18 сантиметри), во мек повез и има 154 страници. Каталогизацијата е извршена во Националната и универзитетска библиотека “Св. Климент Охридски” - Скопје и ја носи ознаката ISBN 9989-902-64-Х. Графичкото уредување и дизајнот на книгата е дело на фирмата “Точка”, а на предната корица е ставена слика на “Трегер и Трегер” (Träger & Träger). На задната корица се наоѓа мал осврт врз делото. Печатењето на книгата било овозможено со финансиска поддршка од Унгарската книжевна фондација.[1]
Содржина[уреди | уреди извор]
Збирката “Едноминутни новели” содржи две воведни објаснувања (“Упатство за употреба” и “Што е тоа гротеска?”), како и 60 куси раскази, собрани во неколку циклуси. На крајот на книгата се наоѓа белешка за авторот, како и хронологија на животот на Еркењ, подготвена од Златко Панзов. Исто така, збирката содржи и цртежи, кои се дело на Еркењ. Во збирката се поместени следниве раскази:[1]
- Циклус “Претходници”, со расказите: Во лудница, Сатаната во Фиред.
- Циклус “Состојби”, со расказите: Нема ништо ново, Што е ова? Што е ова?, Смртта на глумецот, Престиж, Смртта на гледачот, Старееме, Феномен, Упорна печатна грешка (поправка на грешката), Информација, Климакс, Сифонска смрт, IN MEMORIAM, д-р К. Х. Г.
- Циклус “Портрети”, со расказите: Машки портрет, Еден совесен читател.
- Циклус “Сликите на едно време”, со расказите: Перпетуум мобиле, Зад линијата на фронтот, Посветите на еден унгарски писател, Испитување на карактерот, Слика на едно време.
- Циклус “Опачини”, со расказите: Лош сон, Италија, Секогаш има надеж.
- Циклус “Варијации”, со расказите: Избавителот; Мал оглас; Вест; Често многу добро се согласуваме во најсложените работи, но се случува за наједноставни прашања да не можеме да најдеме заеднички јазик.
- Циклус “Стеснетост”, со расказите: Нашите чеда, Ќофтиња, апел, Професионална гордост, Ahasver, Судбината на уметникот.
- Циклус “Соопштенија”, со расказите: Соопштение на Друштвото за заштита на животни, Инвентар, Најди ја грешката!, Како се чувствуам, Испитување на јавното мислење, Уште и праша.
- Циклус “Можности”, со расказите: Празна страница; Изјава; Информации, ограничувања на сообраќајот во врска со настаните на први февруари; Контемплации во визбата; Скромност; Време на насилство; Семејни вести; Наслови во весници; Залудно ни успева да разјасниме некое прашање, веднаш се појавува следната загатка; Оптичка измама; Дом.
- Циклус “Параболи”, со расказите: Возачот, Што сè треба да се знае, Нововенчани на меден месец на лепливата хартија (се мисли на муволовка), Трилер, Смислата на животот, Мемоарите на една баричка, Говор во парламентот, Надворешна конјугација.