Едмунд Бурк
| Едмунд Бурк | |
|---|---|
| |
| Едмунд Бурк | |
| Лични податоци | |
| Занимање | писател, политичар, филозоф |
Едмунд Бурк (англиски: Edmund Burke; 12 јануари 1730 — 9 јули 1797) — ирски државник роден во Даблин, исто така и писател, оратор и политички филозоф, кој по преселувањето во градот Лондон (1750) служел и како пратеник во Парламентот на Англија во период од 1766 до 1794 година, во Долниот дом.
Бурк бил многу влијателен во политичката сфера во Велика Вританија, тој ги застапувал ставовите на црквата и давал важност на религијата како дел од моралниот живот.[1] Овие негови гледишта се прикажани во неговата книга „A Vindication of Natural Society“. Бурк бил голем критичар на британскиот третман кон американските колонии, вклучувајќи ги и суровите даночни политики кои ги наметнувала круната. Познат е како голем поддржувач на правата на колонистите и сметал дека тие треба да се спротистават на централната власт.
Тој бил поддржувач на реформите и верувал дека суверенитетот треба да му припадне на народот, а не на кралот.
Во книгата „Reflections on the Revolution in France“[2], Бурк вели дека француската револуција го уништува ткивото на доброто општество, традиционалните институции на државата и го осудува прогонот на Католичката црква кој резултирал од револуцијата. Ова ќе го направи да стане клучна политичка фигура во кругот на конзервативците.
Негов политички противник бил Чарл Џејмс Фокс.[3]
Едмунд Бурк ќе биде запаметен по големата поддршка кој ја дал на католичката еманципација, импичментот на Ворен Хастинг и по цврстото спротивставување кон успехот на Француската револуција.
Во деветнаесеттиот век, Бурк ќе добие јавно признание за неговото значење во сферата на политиката од страна на конзервативците, но и од либералите. Потоа, во дваесеттиот век тој ќе биде широко прифатен како основач на модерниот конзервативизам.[4]
Наводи[уреди | уреди извор]
- ↑ Richard Bourke, Empire and Revolution: The Political Life of Edmund Burke (Princeton University Press, 2015), passim.
- ↑ https://en.wikipedia.org/wiki/Reflections_on_the_Revolution_in_France
- ↑ Burke lived before the terms "conservative" and "liberal" were used to describe political ideologies, cf. J. C. D. Clark, English Society, 1660–1832(Cambridge University Press, 2000), pp. 5, 301.
- ↑ Andrew Heywood, Political Ideologies: An Introduction. Third Edition(Palgrave Macmillan, 2003), p. 74.