Еден Азар

Од Википедија — слободната енциклопедија
Прејди на: содржини, барај
Еден Азар
Eden Hazard 2011.jpg
Лични податоци
Полно име Еден Азар
Роден на 7 јануари 1991 (1991-01-07) (воз. 25 г.)
Роден во Ла Лувјер, Белгија
Висина 1,70[1]
Позиција напад
Клупски податоци
Сегашен клуб Челси Челси
Број 17
Младинска кариера
1995–2003 Ројал Стад Бреноа
2003–2005 АФК Тибиз
2005–2007 ФК Лил
Кариера*
Години Клуб Наст. (Гол.)
2007–2012 ФК Лил 147 (36)
2012– ФК Челси 69 (23)
Репрезентација
2006 Белгија U15 5 (1)
2006 Белгија U16 4 (2)
2006–2008 Белгија U17 17 (2)
2007–2009 Белгија U19 11 (6)
2008– Белгија 36 (2)
  • Сениорските учества и голови се сметаат само за домашни натпревари
податоците се од 21
26, 29 септември 2012 (UTC).

† Учества (Голови).

‡ Учествата и головите за репрезентација се според податок од 23:25, 11 септември 2012 (UTC)

Еден Азар (роден на 7 јануари 1991 година) е белгиски фудбалер кој моментално игра за екипата на Челси во Премиер лигата, и за репрезентацијата на Белгија. Неговата позиција во тимот е офанзивен играч од средниот ред, најчесто како крило. Азар е познат по неговата креативност, брзина, техничка способност и е исто така познат како „бестрашен, експлозивно офанзивен играч од средниот ред, кој може да ја промени играта со промена на темпото или дриблинг. Тој, исто така е познат како „ноќна мора за дефанзивците“ и доби позитивни критики за неговиот стил на игра, со што ги поттикна медиумите, тренерите и играчите да го споредуваат со добитниците на наградата „Најдобар фудбалер на годината“ на ФИФА, Лионел Меси и Кристијано Роналдо.

Азар е син на поранешните белгиски фудбалер и фудбалерка, Карин и Тјери Азар и ја започнал својата фудбалска кариера во Белгија играјќи за локалните клубови Ројал Стад Бреноа и Тибиз. Во 2005 година, тој го прифати предизвикот од Франција преминувајќи во прволигашот Лил. Азар поминал две години во младинската академија на тимот, и на возраст од 16 години дебитираше во првиот тим во ноември 2007. Во неговата прва целосна сезона како стартер, ја доби наградата Најдобар млад играч на годината од фудбалската унија на професионални фудбалери во Франција (УНФП), со тоа станувајќи првиот нефранцуски играч кој ја има добиено оваа награда. Во сезоната 2009-2010, Азар повторно ја освои наградата, и со тоа стана првиот играч кој ја освоил оваа награда двапати. Тој исто така беше именуван во најдобриот тим на годината во лигата. Откако дебитираше во тимот во 2007, Азар стана составен дел од тимот под раководство на менаџерот Руди Гарсија забележувајќи над 160 настапи. Во сезоната 2010-2011, тој беше дел од тимот на Лил кој ја освои двојната круна во Франција, првенството и купот, и како резултат на неговите настапи тој беше прогласен за најдобар играч во првенството од Унијата на професионални фудбалери (УНФП) и со тоа стана најмладиот играч кој ја освоил оваа награда.

Азар е белгиски репрезентативец, и има настапувано за младите репрезентации на Белгија до 17 и 19 години. Пред да настапува во сениорскиот тим, тој играше за тимот до 17 години кој се квалификува на Европското првенство за играчи до 17 години во 2007 и за Светското првенство за играчи до 17 години истата 2007 година. Азар дебитираше за сениорскиот тим на Белгија во ноември 2008 година, на возраст од 17 години и 316 дена, на пријателски натпревар со Луксембург. Речиси три години по своето деби, Азар го постигна својот прв гол за репрезентацијата против Казахстан во октомври 2011 година.

Приватен живот[уреди | уреди извор]

Азар е роден во градот Ла Лувјер, но израснал во Брен ле Конт, мал град во регионот Валонија. Тој израснал во семејство каде што доминирал фудбалот. Неговата мајка Карин и неговиот татко Тјери (да не се помеша со францускиот пејач и текстописец со истото име) обајцата беа фудбалери во Белгија. Неговиот татко најголем дел од неговата кариера помина во белгиската Втора лига во Р.А.А Лувјероз, додека неговата мајка играше како напаѓач во белгиската Прва Лига за жени. Азар е највозрасниот од четирите деца. Тој има три помлади браќа, од кои сите играат фудбал. Торган, 18 години, во моментов игра за најомразениот ривал на Лил, Ленс. Останатите помлади браќа на Азар, Килјан 16 години и Итан 7 години, остануваат во Белгија играјќи во младинската академија на поранешниот клуб на Азар, А.Ф.Ц Тибиз. Во март 2011, беше објавено дека е постигнат договор, со кои Килјан треба да му се приклучи на Лил во август 2011 кога ќе наполни 16 години. Азар и неговите тројца браќа, израснале во удобна средина во која нивните родители им обезбедиле сè што им било потребно за да успеат. Семeјството живее на не повеќе од „три метра“ до теренот за тренинг и браќата често одеа до таму преку мал отвор со цел да ги усовршат и развијат нивните вештини. Во моментов Азар е во врска со неговата девојка Наташа. На 19 декември, белгиските и француските медиуми објавија дека таа родила машко дете.

Клупска кариера[уреди | уреди извор]

Почетокот на кариерата[уреди | уреди извор]

Азар ја започна својата фудбалска кариера на четири годишна возраст играјќи во клубот од родниот град, Ројал Стад Бреноа. Во текот на неговиот престој во клубот, еден од неговите тренери во младинските категории го опиша како „надарен“ играч кој „знае сè. Не требаше ништо да го учам“. Азар помина осум години во клубот пред да се пресели во Тибиз. Додека играл за Тибиз, тој бил забележан од скаут на Лил, додека играл за клубот на локален турнир. Понатамошниот извештај на скаутот за играчот, ги предизвика претставниците на клубот да се сретнат со таткото на Азар и да му понудат договор на младиот играч да игра за младиот тим на Лил. Родителите на Азар ја прифатија понудата со надеж дека условите за тренинг во Франција ќе бидат подобри. Таткото на Азар подоцна призна дека одлуката да им дозволи на Еден, а потоа и на Торган да преминат во клубовите од северна Франција била најдобрата одлука, изјавувајќи : Тие останаа блиску до дома, а истовремено станаа дел од структури каде што можат да созреат, бидејќи во Белгија, за жал, тренирањето со млади е на пониско ниво.

Лил[уреди | уреди извор]

Азар се приклучи на Лил во 2005 година и помина две години да се развива во локалното спортско училиште на клубот, поради тоа што Младинската академија во Лишен во тоа време не беше во функција. На 28 мај 2007, тој го потпиша својот прв професионален договор обврзувајќи се на тригодишен период на Лил. На почетокот на сезоната 2007-2008, на возраст од 16 години, Азар беше одбран во резервниот состав на клубот во аматерската лига четврто ниво на Франција, иако тој сè уште играше за тимот на Лил до 18 години во нивната младинска лига во купот Гамбардела. Азар го направи своето аматерско деби влегувајќи во игра во второто полувреме како замена, на 1 септември на Лига натпревар против Расинг Клуб де Франс во поразот од 3-1. Тој за првпат настапи како стартер една недела подоцна, во поразот на неговиот тим од Лескен со 1-0.

Откако го помина поголемиот дел од октомври и почетокот на ноември играјќи за тимот до 18 години, поради тоа што неколку играчи имаа репрезентативни обврски, на 14 ноември Азар беше повикан во сениорскиот тим од менаџерот Клод Пиел да настапи на пријателски натпревар против белгискиот клуб Бриге на 16 ноември. Тој влезе во игра од клупата за резерви и како резултат на неговата игра, беше вклучен во 18-члениот тим, кој се соочи со Нанси во првенствен натпревар на 24 ноември. Азар, потоа го направи своето професионално деби на следниот натпревар влегувајќи во игра како резерва во 78-та минута. Азар се врати во резервниот тим на клубот и играше за тимот во декември. По зимската пауза, Азар се врати во првиот тим во јануари и настапи како резерва на три првенствени натпревари против: Мец, Сошо и Пари Сен-Жермен. Потоа, тој повторно беше префрлен на аматерско ниво, каде што истовремено настапуваше за резервниот тим во четвртата лига и за тимот до 18 години во купот Гамбардела. На 17 мај 2008 година, тој го постигна својот прв аматерски гол во победата од 3-2 над Витре. Азар ја заврши аматерската кариера со 11 настапи и еден гол, со што му помогна на резервниот тим да го освои петтото место, кој што беше прв помеѓу резервните тимови на професионалните клубови кои играат во тоа натпреварување.

Сезона 2008-2009[уреди | уреди извор]

Во сезоната 2008-09, Азар го носеше дресот со број 26 и беше прекомандуван во сениорскиот тим од новиот менаџер Руди Гарсија. Во почетокот, тој настапи неколкупати како резерва, официјално дебитирајќи на натпреварот против Сошо, како резерва, во ремито од 1-1 на 14 септември 2008. На еден од неговите настапи како резерва тој се покажа како доста корисен, против ФК Осер на 20 септември. Лил губеше со 2-1 во последните минути од натпреварот, и по изведувањето на корнерот на Лил и краткото исфрлање на топката од играчите на Осер, Азар упати удар со десната нога надвор од шеснаесетникот. Тој го совлада голманот и го израмни резултатот на 2-2 во 88-та минута. Со голема самодоверба, Лил го доби натпреварот во судиското надополнување со 3-2 со голот на Тулио де Мелу. Со првиот гол во кариерата, тој стана најмладиот играч кој постигнал гол во историјата на клубот. Четири дена откако го постигна својот прв гол во кариерата, Азар за првпат дебитираше како стартер во Купот на Франција, во поразот од 4-2 на пенали од Монпелје. Откако на следните пет натпревари во првенството тој беше резерва, на 15 ноември Азар за првпат дебитираше како стартер во првенството против Сент Етјен. Тој го одбележа настапот постигнувајќи го првиот гол во победата од 3-0 на неговиот тим. Лил му понуди продолжување на договорот на три години, како резултат на неговите добри настапи за тимот, на што тој се согласи на 18 ноември 2008 обврзувајќи се со клубот до 2012 година.

Откако настапуваше како резерва во декември, Азар се врати во почетната постава на тимот во јануари. На 23 јануари, тој го постигна вториот гол во победата од 3-0 на натпреварот против аматерскиот тим на Денкерк во 1/16 финалето на Купот на Франција. Две недели подоцна, тој го постигна победоносниот погодок против Сошо во првенството, а на 22 февруари асистираше во победоносниот погодок против Монако. Во осминафиналето во Купот на Франција, Азар постигна гол во победата од 3-2 над бранителот на трофејот во Купот на Франција, Лион. На 26 април, тој го постигна првиот гол против Марсеј, иако Лил го загуби натпреварот со 2-1. На последните десет натпревари од сезоната, Азар настапи осумпати како стартер и придонесе во пласманот на тимот на 5-то место, место кое го одведе Лил во новоформираната Лига Европа на УЕФА. По крајот на сезоната, тој беше прогласен за Најдобар млад играч на годината од Унијата на професионални фудбалери УНФП, со што стана првиот странски фудбалер кој го добил ова признание.

Сезона 2009 - 2010[уреди | уреди извор]

По сезоната 2008-09, во голем број на земји постојано се појавуваа медиумски шпекулации околу достапноста на Азар на трансфер пазарот. И покрај тоа што претседателот на Лил, Мишел Сејду објави дека играчот не е на продажба, а Азар изјави дека сака да остане во клубот најмалку уште една година, неколку клубови пројавија интерес за играчот. Значајни клубови како што се: англиските Арсенал и Манчестер Јунајтед, италијанскиот Интер и шпанските клубови Барселона и Реал Мадрид. Француската фудбалска легенда, Зинедин Зидан лично го препорача играчот на Реал Мадрид. Азар ја започна сезоната 2008-09 во силно темпо, постигнувајќи гол во првиот официјален натпревар на Лил во сезоната. Голот го постигна во победата од 2-0 против српскиот клуб ФК Севојно, на првиот натпревар во третото квалификациско коло во Лигата на Европа. На 27 август, тој го постигна вториот гол во кариерата во европските купови против белгискиот Генк во реваншот од плејофот. Тоа беше четвртиот гол за Лил во победата од 4-2. Со вкупен резултат од 6-3, клубот обезбеди пласман во групната фаза на Лигата на Европа. На 22 октомври, тој постигна гол во 84-та минута, во важната победа на Лил над италијанскиот клуб Џенова, откако влезе во игра како резерва 10 минути порано. Откако прими топка по левата крилна позиција, Азар брзо ја претрча средината поминувајќи шестмина дефанзивци пред да постигне гол од 16 метри. Еден месец подоцна, Азар беше клучен во демолирањето на чешкиот клуб Славија Прага со 5-1, и беше делумно заслужен за првиот гол откако ја помина одбраната и испрати центаршут до дирекот, со кој го принуди играчот на Славија, Марек Сухи, да си постигне автогол.

На 20 декември, тој го постигна првиот првенствен гол во сезоната, во победата над Ле Ман со 3-0. Азар исто така асистираше во постигнувањето на другите два погодока. На 30 јануари, Азар го постигна единствениот погодок на „дербито на северот“ за Лил против ривалот Ленс. Победата му помогна на клубот да обезбеди стабилност во лигата, одржувајќи ги на позиции на табелата кои водат во Лигата на шампионите, и исто така ја прекина катастрофалната недела во која Лил претрпе елиминација во двата француски купа. Пет дена подоцна, Азар и Лил постигнаа согласност за продолжување на договорот, со кој играчот ќе остане во клубот до 2014 година. На 11 март, Азар од слободен удар во 83-та минута го постигна единствениот гол во победата над англискиот клуб Ливерпул во првото коло во Лигата на Европа. Три недели подоцна, Азар беше асистент на два гола во победата од 4-1 над нивниот конкурент за титулата Монпелје. Со двете асистенции, тој стигна до бројката седум во лигата, пласирајќи се на втората позиција. За неговите импресивни игри во месец март, Азар ја доби наградата Играч на месецот.

На 29 април, Азар беше номиниран за наградата Играч на годината. Исто така, тој втора сезона по ред беше номиниран за наградата Млад играч на годината. На 9 мај, Азар втора последователна сезона ја доби наградата Млад играч на годината. Тој е првиот играч кој ја добил наградата двапати од нејзиното воведување во 1994. Азар загуби во трката за наградата Играч на годината, која му беше доделена на напаѓачот на Лион, Лисандро Лопез.

Сезона 2010 - 2011[уреди | уреди извор]

Азар ја започна сезоната 2010-11 како стартер во првите шест натпревари во лигата за Лил, како и во натпреварите од Лигата на Европа. На 29 август, тој го постигна својот прв сезонски гол во ремито од 1-1 со Ница. Кон крајот на септември, Азар се мачеше со непостојаноста во формата и беше повлечен на клупата од Гарсија го повлече на клупата во обид да му овозможи на Азар да се соземе и да научи дека неговите настапи биле недоволни. Азар потоа влезе во игра како резерва, во поразот на неговиот тим од португалскиот клуб Спортинг со 2-1 во Лигата на Европа и исто така како резерва на следните три првенствени натпревари против Тулуз, Монпелје и Лион. Азар подоцна призна дека неговиот прв период на непостојаност влијаел на него, изјавувајќи „Првите два месеци беа тешки. Не би рекол дека почнав да се сомневам во моите способности, но дефинитивно поминав низ навистина тежок период.“

На 7 октомври, селекторот на белгиската репрезентација, Жорж Лекенс, во врска со префрлувањето на Азар на клупата на Лил, рече дека играчот мора да работи поинтензивно, и физички и психички, за да ја врати формата од минатата година. Помошниот-тренер на репрезентацијата, Марк Вилмотс, исто така изјави дека Азар бил често пати мрзелив на тренинзите со репрезентацијата. Гарсија следниот ден одговори на коментарите на Лекенс, нагласувајќи дека смета дека тие биле престроги, е дека „Еден има само 19 години “ и сè уште може да напредува повеќе во сите области. По натпреварот Белгија-Казахстан, на кој Азар не беше во почетниот состав, па дури не беше ни на клупата за резервни играчи, Лекенс одговори на коментарите на Гарсија, изјавувајќи дека тој ќе остане на неговите претходни коментари и дека играчите мораат да мислат и за тимот, а не само за себе. Азар подоцна самиот се осврна на коментарите на Лекенс и Гарсија во февруари, изјавувајќи „Научив многу за време на тие неколку недели, искрено кажано. И од тогаш, работите се подобрија. Националниот состав има голем придонес за тоа - добив многу со тоа што сум дел од него.“

По паузата за репрезентативни обврски, Азар повторно ја врати голгетерската форма постигнувајќи го последниот гол за Лил во победата од 4-1 над Кан во Лига купот на Франција на 27 октомври. Десет дена подоцна, тој го постигна својот втор гол во сезоната во победата од 3-1 против лидерот на табелата Брест. На 21 ноември, Азар беше асистент на двата погодока на Лил во победата од 2-1 над Монако. Победата ја продолжи непобедливата серија во домашното првенство, која го искачи Лил на врвот на табелата по убедливата победа од 6-3 над Лоријан на 5 декември. Азар новата година ја започна со гол против аматерскиот клуб Форбак во Купот на Франција во првиот натпревар на неговата екипа во новата година. Лил победи со 3-1. Во следниот натпревар на тимот, тој беше асистент на головите на Муса Сов и Жервињо во победата од 2-0 на првенствениот натпревар со Ница. На 19 јануари, Азар го постигна вториот гол во победата од 3-0 над Нанси. На 4 март, официјалните лица на Лил потврдија дека Азар го продолжил договорот за уште една година. Новиот договор го обврзува на верност со клубот до 2015 година. Во првиот натпревар по потпишувањето на новиот догвор, Азар го постигна првиот гол во победата на Лил од 2-1 на гостувањето кај конкурентот за титулата Марсеј. Голот го постигна со удар со левата нога од речиси 35 метри(38 јарди) оддалеченост од голот и беше упатен со брзина од 95 километри на час (59 милји).

На 2 април, Азар го одбележа 100-от натпревар во лигата за Лил, постигнувајќи го вториот во победата од 3-1 над Кан. Со голот го израмни својот рекорд на постигнати голови во една сезона и исто така го одведе Лил на врвот на табелата со осум бодови предност пред конкурентите. За неговите настапи во месец март, Азар по вторпат беше прогласен за играч на месецот. На 19 април, откако влезе во игра во првото полувреме како замена, тој го постигна првиот гол на натпреварот во победата на Лил од 2-0 над Ница во полуфиналето на Купот на Франција. Победата го одведе клубот во финалето на Купот на Франција, прв настап за клубот во финалето на ова натпреварување од 1955 година. На 7 мај, Азар постигна гол од слободен удар за победа од 1-0 над Нанси. Три дена подоцна, втора сезона по ред беше номиниран за наградата „Играч на годината“. Во финалето на Купот на Франција, Азар играше до 89-та минута, во кое Лил со 1-0 го победи Пари Сен-Жермен на Стад де Франс. Една недела подоцна, Лил ја обезбеди титулата во првенството(„Лига 1“), со ремито од 2-2 на гости против Пари Сен-Жермен, освојувајќи ја првата титула во првенството по сезоната 1953-54, и исто така првата двојна титула по сезоната 1945-46. Домашниот куп и титулата во првенството беа првите два трофеја во кариерата на Азар. Една недела откако Лил го освои првенството, Азар беше прогласен за Играч на годината во првенството и со тоа стана најмладиот играч кој ја добил наградата. Тој, исто така, втора сезона по ред беше награден со место во најдобриот тим на годината.

Сезона 2011 - 2012[уреди | уреди извор]

Пред сезоната 2011-12, Азар го смени бројот на неговиот дрес во 10-ка. Во првиот официјален натпревар на Лил, во новата сезона против Олимпик Марсеј, во Суперкупот на Франција, Азар постигна гол за 2-0 во тој момент. Марсеј потоа направи пресврт и победи со 5-4. На 20 август, во третиот натпревар во првенството, Азар му асистираше на Беноа Педрети во првиот гол за Лил во победата од 2-1 над Каен. Еден месец подоцна, на 10 септември, тој даде два гола во победата од 3-1 на гости против Сент Етјен. Четири дена подоцна, Азар дебитираше во Лигата на шампиони, во ремито од 2-2 во групната фаза со рускиот тим ЦСКА Москва. Во следниот натпревар во првенството откако дебитираше во Лигата на шампионите, тој постигна гол од пенал во ремито од 2-2 против Сошо. Три дена подоцна, Азар го постигна израмнувачкиот погодок во ремито 1-1 против Бордо. Во неговиот втор настап во Лигата на шампиони, тој му асистираше на Муса Сов, во единствениот гол на Лил во ремито од 1-1 против турската екипа Трабзонспор. Откако поминаа над два месеца без да постигне гол, на 3 декември Азар влезе во игра како резерва и го постигна победоносниот гол против Ајачо од пенал, пенал кој беше изведен во стилот на Антонин Паненка. Два дена подоцна, Азар беше меѓу неколкуте играчи номинирани за Тимот на годината на УЕФА, за календарската 2011 година. Потоа тој се пресели во екипата на Челси за сума од 35 милиони фунти каде што беше најавено како најскапо засилување во Англија и најдобар трансфер на Челси истата година. Тој засега има постигнато вкупно 13 гола и 11 асистенции за Челси досега, што е импресивно за толку кратко време, но не и за него бидејќи има многу натпревари до крајот на сезоната каде што Азар може да ја покаже својата фудбалска вештина.

Репрезентативна кариера[уреди | уреди извор]

Младински репрезентации[уреди | уреди извор]

Азар има играно за различни млади репрезентации на Белгија, како селекциите до 17 години и до 19 години. Со репрезентацијата до 17 години, Азар беше стандарден во тимот и забележа 17 настапи и постигна четири гола. Тој играше со репрезентацијата на Тото купот, годишен младински репрезентативен турнир кои се одржа во Австрија, и исто така играше на Европското првенство за играчи до 17 години, чиј што домаќин беше Белгија во 2007 година. На првенството, Азар го постигна својот прв погодок од пенал во ремито од 2-2 против Холандија во првиот натпревар на првенството. Во текот на првенството, Азар ги импресионираше медиумите и тренерите, со што поттикна многу во Белгија да го споредуваат со белгиската фудбалска легенда Енцо Шифо. Белгија загуби од Шпанија со 7-6 на пенали и беше елиминирана во полуфиналето на првенството. Белгија беше на неколку минути до победа, благодарение на автоголот на Давид Рокела за кој Азар беше делумно заслужен, но, сепак напаѓачот на Барселона, Бојан Кркиќ, го израмни резултатот и го одведе натпреварот во продолженија. Бидејќи се пласираа на третото место на првенството, Белгија се пласира на Светското првенство за играчи до 17 години кое се одржа во Јужна Кореја. Азар беше избран во тимот и играше на сите три натпревари во групата, во која Белгија беше елиминирана. Азар го надмина со години тимот на Белгија до 18 години, и почна да добива повици за настап од тимот до 19 години во октомври 2007 година. Тој за првпат настапи како резерва на натпреварот против Романија во победата од 4-0 во квалификациите за Европското првенство за играчи до 19 години во 2008 година. Тој потоа играше на следните два натпревари во групата против Исланд и Англија. Белгија ги загуби двата натпревара. Негативните резултати ја елиминираа репрезентацијата од натпреварувањето. Заради тоа што беше малолетен играч претходната година, Азар имаше право на настап во тимот до 19 години за сезоната 2008-09. Заради сè почестите настапи во првиот тим на Лил, на Азар од неговиот клуб му беше дозволено да учествува единствено во квалификациите за Европското првенство за играчи до 19 години во 2009 година, и како резултат на тоа, тој го пропушти Милк купот во 2008 година, кој се одржа за време на подготовките на Лил за новата сезона. На 7 октомври, тој го постигна својот прв гол за репрезентацијата до 19 години, во победата од 5-0 над Естонија. Три дена подоцна, тој беше двоен стрелец во ремито од 2-2 против Хрватска. Во втората квалификациска рунда, Азар беше предводник на тимот со три погодоци. На првиот натпревар во квалификациите против Република Ирска, тој го постигна единствениот гол. На следниот натпревар, Азар беше клучен во демолирањето на Шведска со 5-0, постигнувајќи гол и асистирајќи на уште два гола. Во последниот натпревар тие се соочија со Швајцарија. На Белгија и беше потребна победа за сигурен пласман на Европското првенство за играчи до 19 години, но сепак тие беа елиминирани во квалификациите по нерешениот резултат 1-1 против Швајцарија, и покрај тоа што Азар го отвори резултатот во 21-та минута за Белгија.

Сениорска репрезентација[уреди | уреди извор]

Иако Азар сè уште може да ја претставува Белгија на младинско ниво, на 18 ноември 2008 година, тој беше повикан за првпат во сениорскиот тим на Белгија од селекторот Рене Вандерејкен за натпреварот против Луксембург. Тој го направи долгоочекуваното деби, откако влезе во игра како замена за Весли Сонк во 67-та минута. Со своето деби, Азар стана осмиот најмлад играч во историјата на белгискиот фудбал, кој со 17 години и 316 дена играл за националниот состав. На 12 август 2009 година, по три последователни настапи како резерва за репрезентацијата, тој за првпат беше во почетниот состав под водство на селекторот Франк Веркаутерен во поразот од 3-1 на пријателскиот натпревар со Чешка. По оставката на Веркаутерен, тој беше заменет од Дик Адвокат. Под водство на Адвокат, Азар стана првотимец со составот и на 14 ноември 2009 година одигра цел натпревар за првпат во неговата репрезентативна кариера. Во натпреварот кој се одигра против Унгарија, Азар асистираше на двата погодока во победата од 3-0.

Адвокат беше заменет на селекторската функција со Жорж Лекенс на 10 мај 2010 година. Откако беше стартер на првите три натпревари под водство на Лекенс, Азар почна да настапува како резерва за Белгија во текот на сезоната 2010-11. Лекенс го оправда префрлувањето на клупата на Азар посочувајќи ги настапите на играчот во првенството, кои беа разочарувачки во тој период, а исто така призна дека Азар покажува недостаток на желба на тренинзите со репрезентацијата и често ги запоставува дефанзивните задолженија за време на репрезентативните натпревари. Откако настапи како резерва на два натпревари по ред, Азар се врати во почетниот состав на пријателскиот натпревар против Русија во ноември 2010 година. На натпреварот кој го доби Белгија со 2-0, Азар беше асистент на првиот погодок на Ромел Лукаку. Откако настапи како стартер на натпреварот со Финска во февруари 2011 кој заврши нерешено 1-1, Азар беше префрлен повторно на клупата за важните квалификациски натпревари во март за Европското првенство 2012, бидејќи Лекенс се одлучи за Насер Шадли и Муса Дембеле на крилните позиции. На квалификацискиот натпревар против Азербејџан на 29 март, тој настапи како замена во второто полувреме и беше асистент на последниот гол за тимот во победата од 4-1. По натпреварите, француските медиуми започнаа да прашуваат зошто Азар се бори да биде ценет во неговата родна земја, додека во исто време е возвишуван во Франција. Марк Вилмотс, помошник-тренерот во националниот тим одговори на извештаите во медиумите, за кои што наведува: „Некои луѓе ги гледаат само квалитетите на Еден“ и дека „францускиот печат понекогаш е заслепен од неговите моменти на магија.“

Во следниот натпревар за Белгија против Турција на 3 јуни 2011, Азар го започна натпреварот, но беше заменет по 60 минути. Разочаран од својот настап и замената, играчот од средниот ред замина во соблекувалната и подоцна беше забележан на телевизија надвор од стадионот со своето семејство како јаде хамбургер, додека натпреварот сè уште беше во тек. По настанот, кој стана познат како „Бургергејт“ во Белгија, Азар се извини за дезертерството, додека Лекенс ја препиша одговорноста за заменувањето на клупа на Азар со „грешката која ја направил младиот играч“. На 4 август, Лекенс најави дека против Азар ќе биде покрената дисциплинска постапка за неговото однесување за време на натпреварот со Турција, и како резултат на тоа ќе го пропушти пријателскиот натпревар против Словенија на 10 август, како и возвратниот квалификациски натпревар против Азербејџан на 2 септември и пријателската средба против САД четири дена подоцна. На 9 август, менаџерската групација која го застапува Азар издаде соопштение за белгиските медиуми. Одбраната детално ги објасни постапките на Азар за време на натпреварот со Турција, и ја критикуваше суспензијата од три натпревари, а исто така изрази сомнеж за постојаните критики на Лекенс кон Азар. На 25 август, беше објавено дека Лекенс ја укинал суспензијата на Азар, и подоцна играчот од средниот ред беше повикан да игра во тимот за натпреварите во септември. Лекенс одлучи да ја укине суспензијата, откако имаше средба со Азар, која беше организирана од менаџерот на играчот.

На 7 октомври, речиси три години по своето деби, Азар го постигна својот прв гол во репрезентацијата против Казахстан, во победата од 4-1. Победата ја одведе Белгија на втората позиција во групата, во квалификациите за Европското првенство 2012, во која на Белгија и беше потребна победа против Германија на 11 октомври за да обезбеди место во баражот. На натпреварот против Германија, Азар го одигра целиот натпревар, а Белгија не успеа да обезбеди пласман на Европското првенство, откако загуби со 3-1 во Диселдорф.

Стил на игра[уреди | уреди извор]

Азар првенствено игра или како офанзивен играч од средниот ред или како крило и е посочен како веројатно најголемиот талент во Европа во моментов. Под водство на тренерот на Лил, Руди Гарсија, Азар често игра во второ споменатата улога, во формацијата 4-3-3 на тимот, и постојано ги менува крилните позиции заради неговата способност успешно да ги користи двете нозе. Две од највпечатливите карактеристики на Азар се неговата брзина и техничката способност, кои се опишани како „неверојатни“, односно „застрашувачки“. Капитенот на тимот, Рио Мавуба, го опиша Азар како одличен играч, со огромен талент. Тој, всушност, не е толку голем, но е многу брз. Тој е исто така тежок за чување, а неговата завршница е врвна. Брзината на Азар комбинирана со неговата завршница и немоќта лесно да се задржи, го наведе неговиот поранешен тренер, Клод Пиел, да го нарече „малиот Меси“ во споредбата со ѕвездата на Барселона. Мислењата на Пиел, подоцна беа повторени од Роланд Курбис, поранешниот тренер на Марсеј и медиумска личност, кој искоментира: „На моменти ми изгледа како Лионел Меси на десната страна“. Талентот и вештината во стилот на игра на Азар, беа опишани како слични со оние на ѕвездата на Реал Мадрид, Кристијано Роналдо, споредба која подоцна ја повтори поранешниот француски репрезентативец, Кристоф Дигари. Неговата визија во играта, опишана како карактеристика која тој најмногу ја има подобрено, му овозможи да се развие во ефикасен асистент, карактеристика со која надоместува за релативно малиот број на постигнати погодоци.

Во Белгија, талентот на Азар и сличното возвишување во фудбалската хиерархија во земјата, доведе до споредба со поранешниот белгиски репрезентативец, Енцо Шифо. Двајцата играчи се од ист роден град, а Шифо помина период со Азар додека тој беше во Тибиз, признавајќи: „Како што знаете, му бев тренер во Тибиз. Во текот на неделата, водев грижа за младите играчи барем еднаш, и во тие денови веднаш забележав дека тој има сигурна иднина“. Сепак, и покрај позитивните мислења, Азар претрпе и критики од некои. Неговиот поранешен селектор во репрезентацијата и ментор, Дик Адвокат, се согласи со мнозинството дека Азар поседува сè што треба за да биде играч од светска класа, но Адвокат сепак призна дека напаѓачот немал харизма и наведе „Му реков да биде похаризматичен. Тој е талентиран, но не може да се потпира на тоа засекогаш“. Во 2010 година, актуелниот селектор на репрезентацијата, Жорж Лекенс, се посомнева во залагањето на теренот на Азар. Директорот на младинската академија на Лил, Жан-Мишел Вандам, се спротивстави на критиките на селекторите, тврдејќи дека Азар едноставно поседува интелектуална искреност што е надвор од вообичаеното и неочекувано за денешните фудбалери, изјавувајќи: „Тој е вистински натпреварувач, не е измамник ниту плачко, затоа што нема да го слушнете како се жали кога ќе биде фаулиран“. Смиреноста на Азар и сталоженото однесување на теренот, се посочени како едни од неговите најдобри атрибути. Досега во својата кариера како професионалец, во која има забележано над 160 настапи, Азар има добиено само 11 жолти картони.

Статистика во кариерата[уреди | уреди извор]

Клупска статистика[уреди | уреди извор]

Клуб Сезона Првенство Куп[nb 1] Европа Друго[nb 2] {| class="wikitable" style="text-align:center;"
Club Season League Cup[nb 3] Europe Вкупно[nb 4] Вкупно
Настапи Голови Асистенции Настапи Голови Асистенции Настапи Голови Асистенции Настапи Голови Асистенции Настапи Голови Асистенции
Lille 2007–08 4 0 0 0 0 0 4 0 0
2008–09 30 4 1 5 2 2 35 6 3
2009–10 37 5 8 3 1 0 12 4 1 52 10 9
2010–11 38 7 10 7 5 0 7 0 0 52 12 10
2011–12 19 7 5 1 1 0 6 0 1 1 1 0 27 9 6
Вкупно 128 23 24 17 10 2 25 4 2 1 1 0 170 37 28
Вкупно во кариерата 128 23 24 17 10 2 25 4 2 1 1 0 170 37 28

Репрезентативно ниво[уреди | уреди извор]

Репрезентација Сезона Настапи Голови Асистенции
Белгија 2008–09 4 0 1
2009–10 8 0 3
2010–11 8 0 3
2011–12 5 1 0
Вкупно 25 1 7

Голови за репрезентација[уреди | уреди извор]

# Датум Стадион Противник Резултат Резултат Натпреварување
1 7 октомври 2011 Стадион крал Бодуен, Брисел, Белгија  Казахстан
2–0
4–1
UEFA Euro 2012 qualifying
Correct as of 7 October 2011

Награди[уреди | уреди извор]

Клуб[уреди | уреди извор]

  • Титула во Лига 1 (1): 2010–11
  • Куп на Франција (1): 2010–11

Поединечни[уреди | уреди извор]

  • Играч на годината во Лига 1 (1): 2010–11
  • Млад играч во Лига 1 (2): 2008–09, 2009–10
  • Тимот на годината во Лига 1 (2): 2009–10, 2010–11
  • Играч на месецот (2): март 2010,[155] март 2011

Белешки[уреди | уреди извор]

  1. Includes Coupe de France and Coupe de la Ligue matches
  2. Includes FIFA Club World Cup, UEFA Super Cup, and Trophée des champions matches
  3. Includes Coupe de France and Coupe de la Ligue matches
  4. Includes FIFA Club World Cup, UEFA Super Cup, and Trophée des champions matches

Наводи[уреди | уреди извор]

  1. „Eden Hazard Chelsea profile“ (на french). Chelsea F.C.. 20 август 2012. http://www.chelseafc.com/first-team/player/42710. конс. 28 јули 2011 г. 

Надворешни врски[уреди | уреди извор]