Едвард Г. Робинсон
| Едвард Г. Робинсон | |
|---|---|
 Робинсон во 1948 г. | |
| Роден(а) | Емануел Голдберг декември 12, 1893 Букурешт, Кралство Романија |
| Починал(а) | јануари 26, 1973 (возр. 79) Лос Анџелес, Калифорнија, САД |
| Почивалиште | Бет Ел Гробишта, Квинс |
| Националност | американско |
| Занимање | глумец |
| Активен период | 1913–1973 |
| Сопружник |
|
| Деца | Едвард Г. Робинсон Џуниор |
| Награди |
|
Едвард Г. Робинсон (роден како Емануел Голденберг; 12 декември 1893 година — 26 јануари 1973) — американски театарски и филмски глумец, популарен за време на Златното доба на Холивуд. Глумел во 30 бродвејски претстави,[1] и повеќе од 100 филмови, во текот на 50-годишната кариера,[2] и е најдобро запаметен по неговите улоги на тврдокорни гангстери во филмови како Мал Цезар и Ки Ларго. За време на неговата кариера, Робинсон ја добил наградата на Канскиот филмски фестивал за најдобар глумец за неговата изведба во Куќа на странци.
Во текот на 1930-тите и 1940-тите, Робинсон јавно го критикувал фашизмот и нацизмот, кои биле на сила во Европа во тој период. Неговиот активизам вклучувал донации од над 250.000 долари на повеќе од 850 организации. Во текот на 1950-тите, бил повикан да сведочи пред Комитетот за неамерикански активности на Претставничкиот дом за време на Црвениот страв, но бил ослободен од секаква намерна вмешаност во комунизмот бидејќи тврдел дека бил „измамен“ од неколку луѓе (вклучувајќи го и сценаристот Далтон Трамбо).[3][4] Како резултат на истрагата, тој се нашол на сивата листа на Холивуд, но можл да најде работа во помали филмски студија.
Улогите на Робинсон вклучуваат осигурителен истражител во филмот ноар Двојно обештетување, Датан (противникот на Мојсеј) во Десетте заповеди и неговата последна изведба во научнофанатастичната приказна Сојлент Грин. Робинсон добил почесен Оскар за неговата работа во филмската индустрија, кој му бил доделен два месеци по неговата смрт во 1973 година. Рангиран на 24-то место на листата на Американскиот филмски институт на 25 најголеми машки ѕвезди на класичната американска кинематографија. Повеќе филмски критичари и медиуми го навеле како еден од најдобрите актери кои никогаш не добиле номинација за Оскар.[5][6]
Наводи
[уреди | уреди извор]- ↑ „Edward G. Robinson – Broadway Cast & Staff | IBDB“. IBDB. Посетено на April 10, 2020.
- ↑ „Edward G. Robinson, 79, Dies; His 'Little Caesar' Set a Style; Man of Great Kindness Edward G. Robinson Is Dead at 79 Made Speeches to Friends Appeared in 100 Films“. The New York Times. January 27, 1973. Посетено на July 21, 2007.
- ↑ „Communist infiltration of Hollywood motion-picture industry : Hearing before the Committee on Un-American activities, House of Representatives, Eighty-second Congress, first session“. 1951.
- ↑ „Actor Edward G. Robinson Confesses to HUAC — "I Was a Sucker"“. Today in Civil Liberties History (англиски). March 12, 2016. Посетено на April 30, 2021.
- ↑ Robey, Tim (1 February 2016). „20 great actors who've never been nominated for an Oscar“. The Daily Telegraph. Архивирано од изворникот на 11 January 2022. Посетено на 17 October 2022.
- ↑ Singer, Leigh (February 19, 2009). „Oscars: the best actors never to have been nominated“. The Guardian. UK. Посетено на September 17, 2022.
Литература
[уреди | уреди извор]- Gansberg, Alan L. (2004). Little Caesar: A Biography of Edward G. Robinson. Scarecrow Press. ISBN 978-0-8108-4950-1.
- Epstein, Lawrence Jeffrey (2007). Edge of a Dream: The Story of Jewish Immigrants on New York's Lower East Side, 1880–1920. John Wiley & Sons. ISBN 978-0-7879-8622-3.
- Robinson, Edward G.; Spigelgass, Leonard (1973). All My Yesterdays; an Autobiography. Hawthorn Books. LCCN 73005443.
Надворешни врски
[уреди | уреди извор]- Едвард Г. Робинсон на
Семрежната филмска база на податоци (англиски)
- Едвард Г. Робинсон на Find a Grave (англиски)
- Photographs and literature