Европска социјална повелба

Членовите на Повелбата од 1961 година се во светло зелена боја; членовите на Ревидираната Повелба се во темно зелена боја; земјите кои не се членки, а сепак се придржуваат кон Советот на Европа се во бела боја.

Европска социјална повелба — договор на Советот на Европа кој бил отворен за потпишување на 18 октомври 1961 година и првично стапил на сила на 26 февруари 1965 година, откако Западна Германија станала петта од 13-те земји-потписнички што ја ратификувале. До 1991 година, 20 земји ја ратификувале повелбата.

Содржина

Повелбата била донесена за да ја поддржи Европската конвенција за човекови права, која била првенствено за граѓански и политички права, и да го прошири опсегот на заштитени основни права за да ги вклучи социјалните и економските права. Повелбата, исто така, гарантира позитивни права и слободи што ги засегаат сите поединци во нивното секојдневно постоење.

Основните права утврдени во Повелбата се следниве: домување, здравство, образование, работнички права, целосно вработување, намалување на работното време, еднаква плата за еднаква работа, родителско отсуство, социјално осигурување, социјална и правна заштита од сиромаштија и социјална исклученост, слободно движење на лица и недискриминација, како и правата на работниците мигранти и на лицата со попреченост.

Државите потписнички на Повелбата мора да поднесуваат годишни извештаи за дел од одредбите на Повелбата (без разлика дали станува збор за Повелбата од 1961 година или за Ревидираната Повелба од 1996 година), покажувајќи како ги спроведуваат во закон и во пракса.

Ревизија од 1996 година

Повелбата беше ревидирана во 1996 година. Ревидираната Повелба стапи на сила во 1999 година и постепено го заменува првичниот договор од 1961 година. Повелбата ги утврдува човековите права и слободи и воспоставува надзорен механизам што го гарантира нивното почитување од страна на државите потписнички.

Член 21 го создава правото на информации и консултации.

Член 22 создава право на учество во утврдувањето и подобрувањето на условите за работа и работната средина“, или ко-одлучување преку претставување во одборот на директори на компании или претпријатија и работните совети.

Европски комитет за социјални права

Европскиот комитет за социјални права (ЕКСП) е тело одговорно за следење на усогласеноста во државите-членки на Повелбата.

ЕКСП е составен од 15 независни членови кои се избираат од страна на Комитетот на министри на Советот на Европа за период од шест години, со можност за обновување еднаш.

Според Дополнителниот протокол од 1995 година, кој предвидува систем на колективни жалби, кој стапи на сила во 1998 година, жалбите за прекршување на Повелбата може да се поднесат до ЕКСП.

Одредени организации имаат право да поднесат жалби до ЕКСП (утврден е посебен список на невладини организации, составен од невладини организации кои уживаат партиципативен статус во Советот на Европа). ЕКСП ја разгледува жалбата и, доколку се исполнети формалните услови, ја прогласува за прифатлива. Потоа, државата-страна може да одговори писмено, а расправа може да побара која било од страните во постапката. Конечно, Комитетот доаѓа до одлука за суштината.

Надворешни врски

• European Social Charter website
• 1961 European Social Charter
• Revised European Social Charter
• 1995 Additional Protocol providing for a system of Collective Complaints
• Concise overview of the European Social Charter