Евридика I Македонска

Од Википедија — слободната енциклопедија
Прејди на прегледникот Прејди на пребарувањето

Евридика I — родена околу 410 г.п.н.е. (била кралица во периодот 393/2–370/69 г.п.н.е.),[1][2][3] прва жена на Кралството на Македонците, која оставила силен печат врз владеењето на нејзиниот сопруг Аминта III.[4]

Нејзиното потекло е од Линкестида и е ќерка на горномакедонскиот владетел Сира,[1][5] од познатото „Племе на рисовите“, или поточно од Четвртото македонско кралство, основано во денешниот битолски крај.[4]

Македонскиот крал Архелај војувал со линкестискиот владетел Арабај и со Сира за превласт во Македонија. Архелај бил убиен во лов, а со тоа се јавиле и борби за македонскиот престол. По краткото владеење на Аероп II и Павзаниј, на власт застанува Аминта III.[5] Евридика на 15 години му станала прва жена на Аминта III и му родила четири деца: ќерка Евриноја и синовите Александар II, Пердика III и легендарниот Филип II.[4]

Наводи[уреди | уреди извор]

  1. 1,0 1,1 Ristovski, Blaže.; Makedonska akademija na naukite i umetnostite. Leksikografski centar. (2009). Makedonska enciklopedija. Skopje: MANU. стр. 512. ISBN 978-608-203-023-4. OCLC 499142958.
  2. „ЕВРИДИКА“. Македонска Енциклопедија. 2018-10-23.
  3. Р. Илјовски, Коj и кога владеел со Македонија, Скопје, 2003.
  4. 4,0 4,1 4,2 Личности од Македонија. Скопје: МИ-АН. 2002. стр. 104. ISBN 9989-613-28-1. На |first= му недостасува |last= (help)
  5. 5,0 5,1 Шукарова, Ана; Чепреганов, Тодор.; ИНИ (Скопје, Македонија) (2008). Историја на Македонскиот народ. Skopje: ИНИ. стр. 20–21. ISBN 978-9989-159-23-7. OCLC 808115730.