Евангелско-протестантска иницијатива
 | Оваа статија или заглавие има потреба од викифицирање за да ги исполни стандардите за квалитет на Википедија. Ве молиме помогнете во подобрувањето на оваа статија со соодветни внатрешни врски. |
 | |
| Кратенка | ЕПИ |
|---|---|
| Основана | 2011 |
| Вид | Црква |
| Регион |  Македонија |
| Координатор | Никола Галевски |
| Припадност | Евангелско-протестантската иницијатива |
Евангелско-протестантска иницијатива (ЕПИ) — неформална, необврзувачка иницијатива на евангелско-протестантските црквите во Македонија кои се здружуваат за одредени потреби, по сопствено наоѓање.
Историјат[уреди | уреди извор]
Евангелско-протестантска иницијатива е претставничко тело на евангелско-протестантските цркви во Македонија, односно на евангелско-протестантските христијани.
Евангелско-протестантска иницијатива настанала во 2011 година, во подготовките за пописот. За подобро претставување на евангелско-протестантските верници во Македонија, поголемиот дел од црквите се согласија и го повикаа своето членство на пописот да се декларираат како евангелско-протестантски христијани. Оваа иницијатива била наречена Евангелско-протестантска иницијатива (ЕПИ), како неформална, необврзувачка иницијатива во којашто црквите се здружуваат за одредени потреби, по сопствено наоѓање. Ваквиот начин на делување се покажа соодветен за македонски услови, и ЕПИ се јави како организатор на уште неколку настани.[1]
ЕПИ има за цел да ги обедини евангелско-протестантските цркви (ЕПЦ) за теми и проекти што се од заеднички христијански и евангелски интерес, да ја засили веќе постоечката соработка помеѓу ЕПЦ и да даде импулс за соработка по повеќе важни прашања. Една од главните причини бил фактот што наместо вообичаената формулација „евангелско-протестантски цркви“, во Уставот, наспроти советувањата коишто тогашните уставотворци ги имале со останатите ЕПЦ, поименично била спомната само евангелско-методистичката црква.
Првиот состанок на Евангелско-протестантската иницијатива бил одржан на 14 септември 2011 година, во просториите на ЕЦ Скопје. На состанокот бил донесен едногласен заклучок за заедничко и воедначено учество на престојниот попис, но и за други теми од интерес на ЕПЦ.[1]
ЕПИ организирал настани како одбележување 500 години на реформацијата во месеците септември и октомври 2017 година. Истотака било организирано обележувањето на Денот на реформацијата во 2019 година.
На пописот 2021 поголемиот дел од евангелско-протестантските верници во Македонија, се декларираа како евангелско-протестантски христијани.
Членки[уреди | уреди извор]
Во ЕПИ, денес учествуваат следните евангелско-протестантски цркви:
- Евангелско-конгрешанската црква;
- Евангелско-протестантска црква „Гласност“;
- Евангелска црква во Република Македонија;
- Слободна евангелска црква „Добра вест“;
- Христијанска баптистичка црква „Радосна вест“;
- Христијански центар во Република Македонија;
- Христијански центар „Тринитас“;
- Христијанска црква „Божји Глас“;
- Христијанска црква „Оаза“;
- Христијанска црква „Слово на надеж“;
Поврзано[уреди | уреди извор]
Наводи[уреди | уреди извор]
- ↑ 1,0 1,1 Јоновски, Јован (2017). Историја на Евангелско-протестатнските цркви во Македонија. Скопје: Изгрев. ISBN 9786086604615. Укажано повеќе од еден
|author=и|last=(help)