Древеник (планина)

Од Википедија — слободната енциклопедија
(Пренасочено од Древеничка Планина)
Прејди на прегледникот Прејди на пребарувањето
Древеник
Древеничка Планина
Древеник (планина).jpg
Предел на Древеник
Највисока точка
Надм. вис.1.494 м
Матичен врвКале
Географија
МестоМакедонија Македонија
ОбластЖелезник, југозападна Македонија

Древеник или Древеничка Планина[1] — средновисока планина во областа Железник (Демирхисарско) во југозападна Македонија. Претставува јужно продолжение на Бушева Планина, одвоена од неа со долината на Црна Река. На запад, со реката Обедничица е одвоена од Плакенска Планина, а на југ со реката Шемница е одвоена од Облаковска Планина. Највисок врв е Кале (1.494 м) кој се издига недалеку од истоименото село Древеник, и на кој е сместено археолошко наоѓалиште — населба од доцната антика.[2]

Се протега во правец северозапад-југоисток во должина од 15 км; широчината и е 5-10 км, а површината зазема 109,3 км2[3]. Административно, планината се протега низ Пелагонискиот регион, и тоа во општините Демир Хисар, Битола, Могила и Крушево.

Геологија[уреди | уреди извор]

По геолошкиот состав, Древеник е сочинет од кристалести шкрилци и гранитоидни карпи. Во средишниот дел, со јасна раседна структура по долината на Чагорска Река, планината е поделена на северен повисок и јужен понизок дел. Во северниот дел се и највисоките врвови, и тоа највисокиот Кале (1.494 м), Стара Бука (1.451 м) и други.[3] Во геоморфолошки поглед, Древеник има многу засеци со поврзани долини, а поради геолошкиот состав е застапена силна ерозија и соголување во поново геолошко време.

Растителност[уреди | уреди извор]

Својствена растителност на планината е исклучително ретката и загрозена шумска заедница на ситнолисната липа и буката (ass. Tilio cordatae-Fagetum).[1]

Поврзано[уреди | уреди извор]

Наводи[уреди | уреди извор]

  1. 1,0 1,1 Шумски екосистеми, Студија за геодиверзитетот, стр. 402
  2. Коцо, Димче (1996). Археолошка карта на Република Македонија. Скопје: МАНУ. ISBN 9789989101069
  3. 3,0 3,1 Група автори (2016). „Древеник“. Студија за геодиверзитетот и геонаследството на Република Македонија и другите компоненти на природата. Скопје: Министерство за животна средина и просторно планирање. стр. 118. ISBN 978-9989-110-90-0. http://www.moepp.gov.mk/wp-content/uploads/2016/12/STUDIJA_PRIRODA.pdf. 

Координати: 41°11′50″N 21°18′30″E / 41.19722° СГШ; 21.30833° ИГД / 41.19722; 21.30833