Драгиша Димитријевски - Шипе

Од Википедија — слободната енциклопедија
Прејди на прегледникот Прејди на пребарувањето
Роден 6 април 1956
Куманово, СР Македонија СР Македонија
Починал 7 јануари 2013
Куманово, Македонија Македонија
Занимање глумец и сликар


Драгиша Димитријевски - Шипе (роден на 6 април 1956 во Куманово - починал на 7 јануари 2013 во Куманово) — македонски глумец и сликар.

Биографија[уреди | уреди извор]

Димитријевски е роден во Куманово на 6 април 1956 година. Својата актерска кариера ја започнал со претставата „Мајка храброст и нејзините деца“ во 1974 година, а во 1979 година, дипломирал на Факултетот за драмски уметности во Скопје, во класата на проф. Тодорка Кондова. Од 1980 година бил постојан член на Кумановскиот театар, каде што остварил над сто и педесет актерски улоги. Освен по своите бројни актерски улоги, Димитријевски бил познат и како ликовен уметник со плодно творештво. Добитник е на стручни и општествени награди, на МТФ „Војдан Чернодрински“, на „Ноемвриска награда“ на градот Куманово и од Друштвото на ликовни уметници – Куманово. Своевремено ја добил и наградата за млад ликовен автор. Во последните неколку години Димитријевски бил и уметнички раководител на ликовната колонија „Карпино“. Починал по кратко боледување на 7 јануари 2013 во Куманово.[1]

Наводи[уреди | уреди извор]

  1. „IN MEMORIAM Драгиша Димитријевски – Шипе“ (македонски). Радио Браво. 08/01/2013. конс. 2013-01-08. 

Надворешни врски[уреди | уреди извор]